Wongeela Maatewos 16:16 - Waadaa Haarawa

¹⁶ Yeroo sanitti Simoon Phexiros, «Ati Ilma Waaqa jiraata'aa Masihicha» jechu'uun, ni deebiseef.

WAADAA LAMMATAA

¹⁶ Hennaa san Simoon Pheexroos, «Ati Kiristoosii Ilma Rabbii jiraata'aa ti» jedheen.

Kitaaba Woyyuu

¹⁶ Hennaa san Simoon Pheexroos, «Ati Kiristoosii Ilma Rabbii jiraata'aati» jedheen.

Wongeela Maatewos 16:16 Referans Kwoze

Wongeela Maatewos 14:33

Hoboloo irra worri turan marrinuu, «Dhugamattuu ati Ilma Waaqaa!» jedhanii, Yesusiif ni sagadan.

Wongeela Yohaannis 11:27

Isiin'llee, «Ee yaa Gooftaa! Ati gara biyya lafaa ka dhufttu Masihii Ilma Waaqaa ta'uu kee ni amana» jetteen.

1 Ergaa Yohaannis 4:15

Yesus Ilma Waaqaa akka ta'e nama amanu keessa Waaqinni ni jiraata, inni'llee Waaqa keessa ni jiraata.

Wongeela Maatewos 27:54

Ajajaan dhibbaatii fi isaan woliin Yesusiin ni eegan worri turan, sochii arddi'iitii fi waan ta'e maraa yeroo arganitti haalaan sodaatanii, «Dhugamaanuu kun Ilma Waaqaa ture!» jedhan.

1 Gara Ximotewoosii 4:10

Nu'u namoota maraa keessummaanuu worra amanan maraa ka fayyisuun, Waaqa jiraata'aan abddii ka taasfannu waan ta'eef huji'iin ni dadhabinna, ni woldhaana.

Hujii Ergamootaa 9:20

Bakkumatti'llee Saa'ol Damaasqo'otti, «Yesus Ilma Waaqaati» jedha'aa, bakka woligayii isaanii titti barsiisuu jala ni qabe.

1 Gara Worra Tasaloonqee 1:9

Gara keessan yeroo dhufinnetti attamitti akka ufitti nu fudhattan, Waaqa jiraata'aa fi dhugaalessa tajaajilu'uuf, waaqolee harkaan hojjataman irraa fooyamittanii gara Waaqaa attamitti akka deebitan, namoonni sunniin mataan isaaniituu ragaa ni bayan.

Wongeela Maatewos 26:63

Yesus garuu ni caldhise. Itti gaafatamaan qeesotaa'llee irra deebi'ee Yesusiin, «Maqaa Waaqaa jiraata'aatiin si qabee jira! Ati Ilma Waaqaa Masihicha akka taate nutti himi!» jedheen.

1 Ergaa Yohaannis 5:5

Yesus Ilma Waaqaa ta'uu isaa nama amanu malee, biyya lafaa ka injifatu eennu?

Gara Ibirootaa 10:31

Kanaaf harka Waaqa jiraata'aa titti kufuun, haalaan ka nama sodaachisu.

Gara Worra Rooma'aa 1:4

akkuma kana Gooftaan keenna Yesus Kristos hafuura qulqullummaa isaatiin du'aa ka'uu isaatiin Ilma Waaqaa ta'uun isaa, huminna ol aana'aan ni beekame.

Wongeela Maarqoos 14:61

Yesus garuu ni caldhise malee deebii woyiituu hin kennine. Itti gaafatamaan qeesotaa'llee, «Ilmi Waaqa eebbifama'aa Masihichi si'i moo?» jechu'uun, irra deebi'ee ni gaafateen.

Wongeela Yohaannis 20:31

garuu Yesus Masihii Ilma Waaqaa ta'uu isaa akka amanttanii fi amanttanii'llee maqaa isaatiin jireenna bara baraa akka argattaniif, kun barreeffamee jira.

Wongeela Yohaannis 1:49

Yeroo sanitti Naatinaa'el, «Yaa Barsiisaa! Ati Ilma Waaqaati! Ati nugusa worra Israa'eeliiti!» jedhe.

Gara Ibirootaa 12:22

Isin garuu gara Gaara Xiyoonii dhiyaatanii jirttan, isiin'llee magaalaa Waaqa jiraata'aa ka taate Yerusaalemii sami'iit, gammachu'uun gara itti wolitti qabamanii, kuma baayi'etti gara worra lakkaayamanii titti dhiyaattanii jirttan.

1 Gara Ximotewoosii 3:15

Mana Waaqa jiraata'aatii fi utubaa bu'ura dhuga'aa ka ta'e maatii Waaqaa keessatti, namoonni maal raawwachuun akka isaan irraa malu akka beekittaniif, qajeelcha kana isiniif ni barreessina.

1 Ergaa Yohaannis 5:20

Ilmi Waaqaa akka dhufee fi Waaqa dhuga'aa'llee akka beekinnuuf, onnee hubattuu akka nuuf kennee ni beekinna, karaa Ilma isaa Yesus Kristositiin, isa Waaqa dhuga'aa woliin tokkummaa ni qabnna. Yesus Kristos Waaqa dhuga'aatii fi jireenna bara baraati.

2 Gara Worra Qorontoosii 6:16

Manni Waaqeffannaa ka Waaqaa waaqolee harkaan hojjatamaniin woliin woliigalttee maal qaba? Waaqinni'llee, «Bakka jireenna kiyyaa ummata kiyya jidduu ni taasisa, isaan woliin'llee ni jiraadha, Ani Waaqa isaanii ni ta'a, isaan'llee ummata kiyya ni ta'an» jedhee akkuma dubbate, nu'u tokkoon tokkoon keenna Mana Waaqeffannaa Waaqa jiraata'aati.

2 Gara Worra Qorontoosii 3:3

Isin hoo tajaajila keennaan ka dhufttan ergaa Kristosii ta'uun keessan ifa, ergaan kun'llee ka barreeffame Hafuura Waaqa jiraata'aatiin malee hallu'uunii miti, akkuma kana gabatee onnee namaa irratti malee, gabatee dhaga'aa irratti ka barreeffamee miti.

Hujii Ergamootaa 14:15

«Isin namoota nana maali'iif kana raawwattan? nu'llee akkuma keessan bee namootaa, nu'u asi ka dhufnneef isin waan tasa kana mara irraa fagaattanii, sami'ii fi arddii, garba ciisa'aa fi wonittoota isaan keessatti argaman mara gara ka uumee, gara Waaqa jiraata'aa akka deebitaniif, oduu Gammachu'uu isinitti himu'uuf,

Wongeela Maatewos 4:3

Qormmaataan gara Yesusii dhufee, «Ati Ilma Waaqaa yoo taate mee, dhagaayyii kanniin buddeena akka ta'aniif ajaji!» jedheen.

Hujii Ergamootaa 8:36

Yoo deemaan'llee gara bakka bishaan jiru ni gayan, yakkataman'llee, «Kunoo akka hin cuuphamnneef wonitti ana dhoogu maali'i?» jedhe. [

Wongeela Yohaannis 6:69

Nu'u amannee jirra, Ilmi Waaqaa jiraata'aa akka taate'llee, beekinnee jirra» jedheen.

Wongeela Maatewos 1:16

Yaaqoob Masihii ka jedhame Yesusiin ta deette qaadhimataa Maariyamii ka ta'e, Yooseefiin ni uumate.

Wongeela Maatewos 16:15

Yesus'llee, «Isin hoo anaan eennu naan jettan?» isaaniin jedhe.

Wongeela Luqaas 2:11

Kunoo, adha magaalaa Daawiitii titti Fayyisaan isiniif dhalatee jira, Inni'llee Gooftaa Kristos.

Wongeela Yohaannis 6:57

Waaqinni Abbaan jiraataan akka ana ergee fi ani'llee isaan jiraataa akka ta'e, akkuma kana foon kiyya ka nyaatu marrinuu, anaan jiraataa ni ta'a.

Wongeela Yohaannis 6:68

Yeroo kanatti Simoon Phexiros akkana jechu'uun ni deebise, «Yaa Gooftaa! Gara eennuu deemnnaa? Ati dubbii jireenna bara baraa ni qabdda.

2 Gara Worra Qorontoosii 1:19

Anii fi Siilaas, Ximotewos'llee Ilmi Waaqaa Yesus Kristosiin ka isiniif lallabnne yeroo maraa, «Ee» jecha jedhu qofaan malee, «Ee yookiin miti jecha jedhu» ka asii fi achii jedhuun hin turre.

Gara Ibirootaa 3:12

Yaa obboleeyyan, isin keessaa waan Waaqa jiraataa irraa waan isin fageessu hama'aa fi onnee hin amanne akka hin qabaanneef, ufi eeggadhaa.

Gara Ibirootaa 9:14

Karaa Hafuura bara baraatiin mataa isaa ciinccaa heeyibii hin qabnne taasisee, Waaqaaf ka dhiyeesse, dhiiginni Kristosii Waaqa jiraataa akka tajaajilluuf, sammuu keenna hujii du'aa irraa attam caala'atti qulqulleessa ta'inna?

Mudhata Yohaannisii 7:2

Chaaphaa Waaqa jiraata'aa ka qabatee jiru maleyikkaan bira'aa'llee gara baya adu'uutii yoo dhufu ni argge, arddi'ii fi garba ciisaa akka miidhaniif gara isaan aangoon kennameefii gara maleyikkoota arffanii qooniqqa isaa ol fudhatee,

Hujii Ergamootaa 8:37

Filiphos'llee, «Onnee kee guutu'uun yoo amantte cuuphamu'uuf ni danddeetta» jedheen. Yakkatamchi'llee, «Yesus Kristos Ilma Waaqaa ta'uu isaa ni amana» jedhe.]