Ergaa Yihudaa 1:3 - Waadaa Haarawa

³ Yaa waaheloota! Waayee fayyinna wolitti qabnnuu isinii barreessu'uuf haalaan barbaadee ture, amma garuu haala irra deebii hin qabnneen, Waaqinni ummata isaatiif yeroo tokko waayee amantii kenneetiif, akka ciminnaan akka woldhaanttan gorssu'uuf, isinii barreessu'uun dirqama natti ni ta'e.

WAADAA LAMMATAA

³ Obboleeyyan tiyya! Waan fayyinna keennaa uduu isiniif barreessu waan amantaa woyyootaa hennaa tokko kennamee, jabaattanii akka falmattan isin gorsa'aa isinii barreessuun barbaachisaa akka ta'e arge.

Kitaaba Woyyuu

³ Obboleeyyan tiyya! Waan fayyinna keennaa uduu isiniif barreessu waan amantaa woyyootaa hennaa tokko kennamee, jabaattanii akka falmattan isin gorsa'aa isinii barreessuun barbaachisaa akka ta'e arge.

Ergaa Yihudaa 1:3 Referans Kwoze

1 Gara Ximotewoosii 6:12

Lola mishaa amanti'ii loli, ati gara isaa yeroo waamamittetti ragoota baayi'ee duranatti ragummaa sirri'ii ta'e ka kenniteef, jireenna bara baraa qabadhu.

Gara Worra Filiphisiiyusii 1:27

Eegaa waan maraayyuu olitti jireenni keessan wongeela Kristosii ka galteeffachiisu haa ta'u, kun'llee ani dhufee yoo isin laale'llee yookiin isin irraa yoo fagaadhe'llee kaayyoo tokkoon jabaattanii dhaabachuu keessan fi wongeela tokkummaan woliin gayuuf tataafachuu keessan ni dhagaya.

Ergaa Yihudaa 1:20

Isin garuu yaa waaheloota, maraa olitti amantii keessan ka Qulqulluu ta'eef mataa keessan ijaaru'uuf hisadhaa, Hafuura Qulqullu'uun'llee himnna isiniif ni kadhadhaa.

Mudhata Yohaannisii 12:11

isaan diiga Hoolichaatii fi jecha ragumma'aa ka dubbataniin isa injifataniinii jiran, lubbuu isaaniitiif'llee uduu hin sodaatiin mataa isaanii du'aaf dabarsanii kennanii jiran,

Gara Tiito'oo 1:4

Amantii wolitti qabnnuun dhugamaan ilma kiyya ka taate Tiitosiif, Waaqa Abba'aa fi Fayyisaa keenna Yesus Kristosiin irraa, kennaan isaa ka bilisaatii fi nageenni siif haa ta'u.

Mudhata Yohaannisii 2:10

Ufi durana rakkinna sirraa gayu hin sodaatin, kunoo, akka qormaattamtaniif isin keessaa tokko tokko sheexanni gara mana hidha'aa titti isin ni galcha, guyyaa kudhaniif'llee rakkinna ni fudhattan, haga du'aa titti'llee amanamaa ta'i, gonfata jireennaa siif ni kenna.

2 Gara Ximotewoosii 1:13

Dubbii amanisiisaa ana irraa baratte akka fakkeennaa taasfttee, Yesus Kristosiin amantii fi jaalala qabnnu eegi.

1 Gara Ximotewoosii 1:18

Yaa ilma kiyya Ximotewos! Akkuma asiin durana waayee keetiif waan Waaqinni dubbateen himametti, ajaja itti aanee jiru yaboo'oon sitti ni kenna, waan Waaqinni akka himamuuf si kenne horddofu'uun, lola mishaa ta'e loli,

Gara Worra Galaatiyaa 2:5

Nu'u garuu dhugaan wongeelaa isin biratti jabaattee akka jiraattuuf jechu'uun, yeroma muraasaafuu harka hin kennanne.

Gara Ibirootaa 13:22

Obboleeyyan! Ergaan isiniif barreesse kun gabaabaa waan ta'eef dubbii gorssa kiyyaa kana obissaan akka fudhattaniif, cimssee isin ni kadhadha.

Hujii Ergamootaa 9:22

Saa'ol garuu caalatti jabaata'aa ni deeme, Yesus Masihii ta'uu hubachiisu'uun Yihudota Damaasqoo ni jiraatan turan, deebii ni dhabisiisa ture.

1 Gara Worra Tasaloonqee 2:2

Akkuma isin beekittantti asiin durana Filiphisiiyuus yeroo turretti, rakkinnaa fi arrabnni nurra gayee jira. Garuu mormmiin ol aanaan yoma nurra gaye'llee wongeelichaa isin akka barsiifnnuuf, Waaqinni keenna uggiinsa nuuf kennee jira.

1 Gara Worra Qorontoosii 15:3

Ani ka fudhadhee sadarkkaa jalqabaa waan jiru isiniif dabarssee jira, wonitti isiniif dabarsse'llee kitaaba Qulqulluu keessatti akkuma barreeffame, Kristos waayee cubbuu keennaatiif ni du'e,

Hujii Ergamootaa 4:12

Kanaaf, fayyinni isa malee ka bira'aa eennuun'llee hin jiru, nu'u ittiin fayyuu ka nuun malu Waaqinni namootaaf maqaan kenne, isa malee biyya lafaa eennu'llee hin jiru» jedhe.

Hujii Ergamootaa 18:28

Yesus Masihicha ta'uu isaa dubbii kitaaba Qulqullu'uutiin isaan hubachiisa'aa, mormmii cima'aan Yihudota ni injifata ture.

Hujii Ergamootaa 17:3

Masihichi rakkinna fudhachu'uu fi du'aa ka'uun akka isaan malu ibisee hubachiisa'aa, «Kun ka ani isiif lallabu Yesusii Masihicha» ni jedha ture.

Ergaa Yihudaa 1:17

Isin garuu yaa waahelloota! Ergamittoonni Gooftaa keenna Yesus Kristosii asiin durana dubbii dubbatan yaadadhaa.

2 Ergaa Phexiros 1:1

Tajaajilaa Yesus Kristositii fi ergamitticha ka ta'e, Simoon Phexirosiin irraa, Waaqa keennaa fi qoricha kennaa Yesus Kristosiin irraa karaa qulqullaawoma argamuutiin, akkuma amantii nu'u arigannee ka jiru amantii kabajame worra argattaniif,

1 Ergaa Phexiros 5:12

Obboleessa amanama'a jedhee ka yaadu karaa Siilaasiitiin, ergaa kana gabaaba'atti isiniif barreessee jira, isinii ka barreesseef'llee isin gorissu'uu fi kun kennaa Waaqaa ka bilisaa dhugaalessaa ta'uu isaa isinii ibisu'uuf jedheeti, kanaaf kennaa Waaqaa ka bilisaa kanaan jabaadha'aatii dhaabadhaa.

Gara Worra Qolasaayisii 1:2

Qolaasiyaas ka jiraatan, Kristosiin Qulqullu'uu fi amanamttoota amanttoota ta'aniif, Waaqa keenna Abbaa biraa, kennaan isaa ka bilisaatii fi nageenni isiniif haa ta'u.

Gara Worra Filiphisiiyusii 1:1

Tajaajiltoota Yesus Kristosii ka ta'an, Phaawulosii fi Ximotewosiin irraa, Magaalaa Filiphisiiyusii worra jiraataniif, Yesus Kristosiin qulqullaawota ka ta'an maraaf, akkuma kana worra itti gaafatamittootaatii fi gargaartota woldaya amanti'iitiif,

Gara Worra Efesoonii 1:1

Fedhii Waaqaatiin ergamittichaa Yesus Kristosii ka ta'e Phaawulosiin irraa, Yesus Kristosiin amanamoota ka ta'aniif, Qulqulluuwwan Efesonitti argamaniif,

Gara Worra Galaatiyaa 6:11

Qubeewwan ol aanttota attam jiraniin kana harka kiyyaan akka isiniif barreesse laala!

Hujii Ergamootaa 28:28

Eegaa ergaan fayyisummaan Waaqaa ummata Waaqa dhugaa titti hin amanneef akka ergame beekaa, isaan'llee tole jedhanii isa ufitti ni fudhataniin.

Hujii Ergamootaa 20:27

Yaada Waaqaa mara isinitti ni hime malee, womaa wonitti hanbise woyiituu hin jiru.

Gara Worra Galaatiyaa 3:28

Marri keessanuu Yesus Kristosiin tokko waan taataniif, Yihudichaa fi Giriikicha, tajaajila'aa fi Gooftaa, dhiiraa fi dubarttii jidduu, garaa garummaan woyiituu hin jiru.

Hujii Ergamootaa 6:7

Haala kanaan dubbiin Waaqaa babaldhata'aa waan deemeef, laakkofssi amanttoota Yerusaalemii'llee haalaan baayi'ata'aa ni deeme, qeesota keessa'llee haalaan baayi'een ni amanan.

Hujii Ergamootaa 9:13

Ananiiyaas garuu akkana jechu'uun ni deebise, «Yaa Gooftaa! Naminni kun amanttoota kee ka Yerusaalemiin jiraatan irratti waan hamaa baayi'ee raawwachuu isaa, baayi'eewwan irraa dhagayee jira.

Gara Ibirootaa 6:9

Yaa jaalatamttoota! Kana yoma dubbanne'llee isin fayyinna keessan ka fidu haala fooyyaye irra jiraachuu keessan, nu'u sirri'i.

2 Ergaa Phexiros 2:21

Karaa qulqullaawomaa eega beekaniin duubatti ajaja isaaniif kenname qulqulluu irraa ufi duuba ka deebi'an irra, karaa qulqullumma'aa beekuu dhabanii uduu jiraataniitii, isaaniif woyya ture.

Ergaa Yihudaa 1:1

Tajaajilaan Yesus Kristositii fi obboleessa Yaaqoobii ka ta'e Yihudaa irraa, Worra waamamittan, Waaqa Abba'aatiin ka jaalatamttan, Yesus Kristosiin ka eegamttan maraaf,