Ergaa Yaaqoob 3:14 - Waadaa Haarawa

¹⁴ Garuu hinaaffaan hadhaaya'aa fi mataa ufii jaalatiinssi onnee isaanii keessa yoo jiraate hin dhaaninaa, dhugaa irratti'llee hin sobinaa.

WAADAA LAMMATAA

¹⁴ Hadhaan hinaaffa'aa fi wol qooduun garaa keessan keessa yoo jiraate, kanaan uf hin jajinaa'a. Dhugaa malee soba hin dubbatinaa'a.

Kitaaba Woyyuu

¹⁴ Hadhaan hinaaffa'aa fi wol qooduun garaa keessan keessa yoo jiraate, kanaan uf hin jajinaa'a. Dhugaa malee soba hin dubbatinaa'a.

Ergaa Yaaqoob 3:14 Referans Kwoze

Ergaa Yaaqoob 3:16

Hinaaffa'aa fi mataa ufii jaalallitti bakka jirantti, jeeqamaa fi hujiin hamaan marrinuu ni jiraatan.

1 Gara Worra Qorontoosii 13:4

Jaalalli ni obissisiisa, jaalalli mishaa ni taasisa, jaalalli akka hinaafan hin taasisu, jaalala naminni qabu ufi hin tuulu,

Gara Worra Filiphisiiyusii 2:3

Gara laafnnaan guutamttanii namoonni kuunniin isin irra akka fooyaya qaban taasisa'aatii lakkaayaa malee, mataa keessan jaalalaan yookiin «Ana malee eennutu jira» ufi dhaadu'uutiin jedhuun, womaayyuu hin raawwatinaa.

1 Gara Worra Qorontoosii 3:3

Isin amma'llee namoota fooniit, ufii keessan waan wolitti hinaafttanii fi waan wol mormmitaniif, namoota foonii ta'uu keessanii mitii ree? Ka hojjattan'llee akka nama akkanumaan jiruu tittii mitii ree?

Gara Worra Rooma'aa 13:13

Gammachuu haga dhabeen, machi'iin, sagaagalaa fi wiriqachu'uun, wol mormiinssaa fi hinaaffa'aan uduu hin ta'in, akka namoota ifa guyya'aatiin jiraatanii titti, ufi toowanna'aan haa dedeebinuu.

2 Gara Worra Qorontoosii 12:20

Ani garas yeroo dhufutti yookiin akka ta'uu qabddan uduu hin ta'in, ani'llee akka isin barbaadan uduu hin ta'in, wol argina ta'a jedhee ni sodaadha, akkuma kana isin biratti wol dhabiinssi, hinaaffaan, dallansuun, mataa ufii jaalachuun, maqaa namaa balleessuu, hamtti, ufi tuulumma'aa fi jeeqamnni ni jiraata ta'a jedhee ni sodaadha.

Gara Worra Filiphisiiyusii 1:15

Haa ta'u malee tokko tokkoon isaanii dubbii gammachuu Kristosii ka lallaban hinaaffa'aan, kuunniin'llee hafuura mormmiitiin, kuunniin garuu Kristosiin ka lallaban onnee fayya'aatiin.

Ergaa Yaaqoob 5:19

Yaa obboleeyyan! Isin keessaa tokkochi karaa dhuga'aatii yoo bayee fi ka bira'aa karaa dhuga'aa titti yoo isa deebiseen,

Hujii Ergamootaa 5:17

Itti gaafatamaan qeesotaatii fi isa woliin'llee worri turan, Saduuqoonni marrinuu hinaaffa'aan guutamanii isa irratti ni ka'an,

Gara Tiito'oo 3:3

nu'llee asiin durana gowwoota, ka hin ajajaminne diddoota, karaa keenna ka dogoggore seera dabartoota, kajeellaa adda addaa ka fooniitiif gammachuu foonaya'aaf ka bitamnne, dabaa fi hinaaffa'aan ka jiraannu, ka jibbamnnee fi ufii keennaa'llee ka wol jibbinu turre.

1 Gara Ximotewoosii 6:4

ufi tuulumma'aan ka afuufamee fi womaayyuu ka hin beekinne, garuu waayee jechaa mormmu'uu fi hawwiin hamaa wocaa isa irra bulee jira, kun'llee ka itti aanssu hinaaffaa, woldhaba, arraba, shakkii hamaa,

1 Gara Worra Qorontoosii 5:2

Eegaa wonitti qaanessaan akkanaa kun jidduu keessan uduu jiru, maali'iif ufi jajan ree? Kana irraa waan kanaan gadduun isin irra hin jiru moo? Hujii akkanaa kana nama raawwatu jidduu keessan dhabamisiisaa.

Gara Worra Rooma'aa 2:8

Faayiiddaa ufii worra barbaadan, dhuga'aaf worra hin ajajaminne, worra jeeqamaa fi marri dabaa adeemisisan irratti garuu, dheekkamissi Waaqaatii fi balaan isaanitti ni dhufa.

Gara Worra Galaatiyaa 6:13

Isaan foon keessaniin dhaadachu'uuf jedhanii akka gadoomittaniif barbaadan malee, worrummaan gadooman mataan isaanii'llee Seera hin raawwatan.

Gara Worra Galaatiyaa 5:26

Tokkoon ka bira'aa hamma'aaf kakaasu'uun ufii keennaa wolitti hinaafa'aa, tasaan akka hin dhaadanne.

Gara Worra Galaatiyaa 5:21

waanyummaa, machii, gammachuu gara dhabe, kanniin ka fakkaatan, asiin durana akkuma ufi isin eeggachiisetti amma'llee irra deebi'ee ufi isin ni eeggachiisa, wonittoota akkanaa jiran namoonni raawwatan, Mootummaa Waaqaa hin dhaalan.

Gara Worra Galaatiyaa 5:15

Garuu ufii keessan yoo wol ciniinttanii fi yoo wol nyaattan, ufii keessan akka woliin hin badinneef ufi eeggadhaa.

1 Gara Worra Qorontoosii 5:6

Eegaa ufi dhaaduun keessan misha'aa miti, shiishaan diqqoon miciqaa mara akkuma bukeessuun ni beekkittanii mitii ree?

Gara Worra Rooma'aa 2:17

Kunoo ati, «Ani Yihudicha» ni jetta, seeratti ni irkatta, ka Waaqaa ta'uu keetiin'llee ni dhaadatta.

Gara Worra Rooma'aa 1:29

Kanaaf balleessa'aan, hammeennaan, dondhumma'aan, dabaan, hinaafumma'aan, lubbuu ajjeefttumma'aan, woldhabaan, sobdumma'aan, hawwii hamaa maraan ka guuttaman, akkuma kana hamattoota,

Hujii Ergamootaa 26:9

«Ani mataan kiyyaa maqaa Yesusii Naazireetii, waan haga dandda'eetiin mormmuu qaba jedhee, ni yaada ture.

Hujii Ergamootaa 13:45

Yihudonni baayi'inna ummata yeroo argganitti hinaaffa'aan ni guuttaman, haasaya isaa'llee mormma'aa Phaawulosiin ni arrabsaniin.

Wongeela Yohaannis 16:2

Bakka wolgayii isaaniitii baasanii isin ni ari'an, gonkumaa isin ka ajjeesan marrinuu, Waaqa waan tajaajilanii yeroo itti fakkaatu ni dhufa.

Wongeela Maatewos 27:18

Kana'llee sababaan jedheef, Yesusiin hinaaffa'aan dabarsanii akka kennaniin ni beeka waan tureef.

Hujii Ergamootaa 7:9

«Ijoolleen Yaaqoobii obboleessa isaanii Yooseefiin irratti hinaafanii, biyya Gibixii titti garba akka ta'uuf ni gurguraniin, Waaqinni garuu isa woliin ni ture,

Gara Worra Galaatiyaa 5:20

Waaqa harkaan hojjatame waaqeffachuu, falfala, diinummaa, mormmii, hinaaffaa, dallanssuu, mataa isaa jaalachuu, gargar bayiinssaa fi marri hamaa,

1 Gara Ximotewoosii 2:4

Fedhiin Waaqaa naminni marrinuu akka fayyanii fi dhugaa akka beekaniif.

Ergaa Yaaqoob 1:18

Waaqinni jalqaba uumama isaa maraa akka taanuuf fedhii mataa isaatiin, dubbii dhugaatiin nu ni uumate.