Ergaa Yaaqoob 1:26 - Waadaa Haarawa

²⁶ Arraba isaa uduu hin toowatin Waaqa ni waaqeffadha naminni jedhu, ufi ni soba, waaqeffannaan isaa'llee tasa.

WAADAA LAMMATAA

²⁶ Namni arraba ufii uduu hin eenne, onnee ufiitiin dogoggora'aa waan Rabbiin kaddaamu fakkaatu eennullee yoo jiraate, kaddaamuun isaa duwwa'a.

Kitaaba Woyyuu

²⁶ Namni arraba ufii uduu hin eenne onnee ufiitiin dogoggora'aa waan Rabbiin waaqeffatu fakkaatu eennullee yoo jiraate, waaqeffannaan isaa duwwa'a.

Ergaa Yaaqoob 1:26 Referans Kwoze

Gara Worra Efesoonii 4:29

Gonkumaa afaan keessan dubbiin hamaan hin bayin, garuu worra dhagayaniif ka gammachiisuu fi ijaaru'uuf ka fayyadu, namootaaf'llee barbaachisaa dubbii ta'e dubbadhaa.

1 Ergaa Phexiros 3:10

Kitaabnni Qulqulluun akka jedhutti, «Jireenna ka jaalatuu fi guyyoota mishaa'llee argu'uuf ka barbaadu, arrabinni isaa waan hamaa akka hin dubbanneef, hidhiin isaa'llee waan dabaa akka hin dubbanneef, haa dhooggu.

Gara Worra Efesoonii 5:4

Kana irra Waaqaaf galata dhiyeessaa malee, waan nama mufachiisuu fi haasaya gowwumma'a, yookiin waan baliddaa dubbachuun isin irra hin jiru, wonitti akkanaa kun isiniif mijaaya'aa miti.

Gara Worra Qolasaayisii 4:6

Tokkoo tokkoo namaatiif deebii barbaachisaa ta'e kennuu akka beekittaniif, yeroo maraa haasofnni keessan bifaa fi mi'aa ka qabu haa ta'u.

Ergaa Yaaqoob 1:22

Dubbii isaa hujii irra worra oolichu ta'aa malee mataa keessan soba'aa, dhageefattoota qofa hin ta'inaa.

Ergaa Yaaqoob 1:19

Ka jaalatamttan yaa obboleeyyan! Kana hin dagatinaa, naminni marrinuu dhagayu'uuf ka dadafe, dubbachu'uu fi dalanu'uuf'llee, ka barfate haa ta'u.

Wongeela Luqaas 8:18

«Kanaaf dubbii Waaqaa attamitti akka dhageettan ufi eeggadhaa, nama qabuuf dabalamee ni kennamaaf, ka hin qabnne garuu, ni qaba jedhee kammaan yaaduu irraa ni fudhatama.»

Gara Worra Galaatiyaa 6:3

Naminni kum'llee waan kaanniin irra itti fooyyayaa ta'e uduu hin qabaatin, «Ani kaan ni caala» jedhee yoo yaade, mataa isaa ni soba.

Gara Worra Galaatiyaa 2:6

Kunniin durssitoota fakkaatanii ka muldhatan garuu, Waaqinni fuula namaa laalee waan hin dalleef, waayee eennummaa isaanii ka duraaniitiif yaada hin qabu, kunniin durssitoota ka jedhaman wongeela ani lallabu ka gammachu'uu irratti, waan haarawa woyiituu itti hin daballe.

Wongeela Maarqoos 7:7

Seera naminni baase akka seera Waaqaa taasisanii barsiisa'aa, tasaan ana ni Waaqeffatan!› jedhamee, raaginni dubbatame sirri'i.»

1 Gara Worra Qorontoosii 15:2

Ka isin barsiise dubbii wongeela jabeesitanii yoo qabattan isaan ni fayyitan, yoo kana ta'uu dhabaate garuu, ka amanttan tasaan.

Wongeela Maatewos 15:9

aada'aa fi naamusa naminni baase akka seeraa taasisee barsiisa'aa, tasaan ana waaqeffata.› »

1 Gara Worra Qorontoosii 15:15

Deebi'ee'llee Waaqinni Kristosiin du'aa kaaseenii jira jennee barsiisuu keennaan, ragoota Waaqaa dharttoota taanee jirra akka jechu'uutti, eegaa namoonni du'an du'aa hin ka'in Waaqinni Kristosiin du'aa hin kaafnneen jechu'u.

Ergaa Yaaqoob 2:20

Ati gowwaa nana! Amantiin kee hujii malee firii dhabeessa ta'uu isaa, ni argita ree?

Gara Worra Galaatiyaa 3:4

Waayee wongeelaatiin rakkinni fudhattan marrinuu tasa ta'ee hafe jechu'u ree? Kana raawwattanii yoo jiraattan dhugamaanuu tasa ta'ee hafee jira.

Gara Worra Galaatiyaa 2:9

Akka utuba'aa fakkaatanii durssitoonni mulidhatan Yaaqoob, Phexirosii fi Yohaannis'llee, Waaqinni kennaa isaa ka bilisaatiin carraa addaa ka tajaajilaa kana akka naaf kenne yeroo hubatanitti, anaa fi Baarnaabaasiin malikata nu'u woliin hirmmaachuu isaanii ka ta'e harka isaanii ka mirgaa nuuf ni kennan, nu'u gara ummata Waaqa dhuga'aa titti hin amannee akka deeminuuf isaan'llee gara Yihudotaa akka deemaniif, wolii ni galan.

1 Gara Worra Qorontoosii 3:18

Eennu'llee mataa isaa hin sobinni, sadarkkaa ogummaa biyya lafaa kanaatiin ogeessa fakkaatee ka mulidhatu yoo jiraate, ogummaa Waaqaa ka dhuga'aa akka argatu mataa isaa akka gowwa'aa titti haa laakkayu.