Marko 7:34 - Apurinã NT

³⁴ Eereka ionakaãta iaxiti, oõka itxa: —Epataa —itxa. Popĩkari sãkireẽ, “Piauãka.”

Marko 7:34 Referans Kwoze

Xoão 11:41

Ininiã imakatxakarina kai. Iuasaakipeka Xesosi ionakaãta iaxiti. —Niri. Erekai, kotxi pikenakotari nisãkire.

Marko 6:41

Ininiã Xesosi kosekari sĩko pakini komiri, ipi ximaki pakini. Iuasaaki ionakaãta iaxiti: —Erekapitikari pisikakiti —itxa. Eereka imaxiõpekari komiri. Isikari imoianariakori. Imoianariakoripekana sikaãpotana apanakini. Iuaĩkana imapirinikari ximaki, xanaka itxari imakinikana.

Marko 5:41

Imaĩkaro ouako. Iuasaaki isãpiretaro oa isãkireẽ: —Taritaa komii. Popĩkari sãkireẽ: “Amarini põkitikaua.”

Átosi 9:34

Petro txari iua: —Enéiasi, Xesosi Kristo makananitai. Põkitikaua. Piapirikari pisirimata —itxari matĩpokotakati. Iuasaakipeka õkitikaua.

Xoão 11:33

Xesosi atamataro otxiapatini. Xoteoakori oakata apokakani txiapata apaka, ininiã Xesosi iteene matinaniuata ãkixinireẽ.

Marko 15:34

Ipi ãti pakini oara napa atoko Xesosi akiripoakata: —Erii, Erii, aremaa sapakatanii —itxa. Ia atatsopatakari sãkireẽ: “NiTeosone, niTeosone, kinirepa pitakanapano?” itxa.

Marko 8:12

Ininiã Xesosi oõka. Itxari: —Kinirepa kãkiti uatxarini nirekari noerekiniri Teoso takaõtxikare, iposotiire? Atãopitikara nota txai hĩte, kona noerekai hĩte.

Átosi 9:40

Ininiã Petro iokanatana ninoa mapara. Eereka ikapotoreẽkaua. Isãkirauata Teosokata. Eereka oamoni ikirioka. Itxaro: —Tapita põkitikaua. Iuasaakipeka xorekaãta otxa. Oãtamatakasaakiri Petro, oitopãka.

Xoão 11:43

Ikara atoko inaãka atoko akirikatari: —Arásaro, põkitikaua. Pipokĩka.

Epireo 4:15

Ate nakiti sasetotxi auĩte apiatakari imarotari ate ãkixinire iõkapetini. Imarotari ate maposotakiniti. Imarotari ate tsii. Ikara atoko inakari imarota, kotxi Satanasi iteene atamakaerekatari iua, ate atamakaerekatiko atoko. Iuaritika maerekati !ikama.

Xoão 17:1

Xesosi ionakaãta iaxiti. Iuasaaki isãpiretari ia isãkire Teosomoni: —Niri, piketotini manapi apopeka. Pisikariko piotximere iuaĩkana nota pamaritemoni, ininiãkara nota oerekari kãkiti pite iotximere,

Xoão 11:38

Ininiã Xesosi iteene matinaniuata ãkixinireẽ. Iuasaaki isa akauarimoni. Ninoa takari ipĩkari kai auĩte ãki. Kai auĩte itotaãka.

Xoão 11:35

Iuasaaki Xesosi txiapata.

Arókasi 19:41

Ninoa apokaãpotakasaaki Xerosareẽ, Xesosi Xerosareẽ atamatakasaaki, iua txiapata, kotxi iuaã aua mirikiniti kãkiti isãkire mauikakani.

Arókasi 18:42

Ininiã Xesosi txari: —Kõsiãrepekai uatxa, kotxi pauikari nisãkire —itxa.

Arókasi 7:14

Isa ipĩkarimoni. Imaãtakari ipĩkari auini kaixati, ininiã iua kaixa anikakani iotoka. Iuasaaki iua akiritari: —Ãtokori, nipaniãtai põkitikaua —itxa Xesosi.

Marko 1:41

Ininiã iuasaaki Xesosi iteene tiretari iua. Itakari iuako iua nopini. Itxari: —Ari, ninirekapitikari. Erekapekai uatxa.

Marko 7:35

Iuasaakipeka ikenakoki auãka, ininiã kakenakorepeka itxa. Iuasaaki inini poiõpeka apaka. Eereka erekapeka itxa isãkirauatini.