Marko 4:39 - Apurinã NT

³⁹ Ininiã imereka. Ipinitari ĩtima: —Piotoka. Auapika pitxako —itxari ipoa. Ininiã itsorĩkaxitita. Ĩtima iotoka. Tsakati iotoka apaka.

Marko 4:39 Referans Kwoze

Marko 9:25

Isãkirauanãtakasaakina, kãkitipokoni miteẽkata ninoamoni Xesosi kamakiti imarotinina ĩkapani. Ininiã Xesosi itapararitika txitari maerekati matamatakoti: —Pite maerekati matamatakoti. Pitxĩkitakari kãkiti masãkireti inini. Pitxĩkitakari kãkiti makenakokiti inini. Nota omitikai pite. Pipokĩka. Iuaĩkana !piĩroãpinikako iua ĩtoã —itxa Xesosi.

Arókasi 4:39

Ininiã ipapĩka oamoni: —Nipaniãtari apoomari iotokini —itxa. Ininiã apoomari iotoka. Iuasaakipeka oa õkitikaua, nipokori osikana ninoa.

Mateo 8:26

Ininiã Xesosi: —Kinirepa hĩpĩkarauata? Poiãonoka hãuikari niposotiire —itxa. Iposo atoko õkitikaua, pinita itxari ĩtima, tsakati pakini. Iuasaakipeka ĩtima, tsakati pakini iotoka.

Marko 4:38

Iuasaaki Xesosi ikapokiãmoni imakanãta. Isirimata nopini imakanãta. Ninoa õpirĩkari iua: —Kona pimaãkataua ate. Kona pitiretataua? Apinanapanoka —itxana.

Arókasi 4:35

Ininiã Xesosi txitari iua. !Auiritari isãkirauatini: —Maãtako. Posipikari ere kiki —itxari. Ininiã maerekati matamatakoti iriãkatari iua kiki ikinimane okiãtaã. Ininiã itakanapari iua, makarotika itxa kiki.

Arókasi 8:24

Xesosi moianariakori õpirĩkari. —Apiananiri, Apiananiri, pimereka. Apinanapanoka. Ininiã Xesosi õkitikaua. Ipaniãtari ĩtima, tsakati pakini iotokini: —Hĩotokako —itxa. Iuasaakipeka ĩtima, tsakati pakini iotoka. Itsorĩkaãta.