Yowan (Jon) 16:1 - Rau Ke Maro

¹ Motong la Yesu iyei ne, “Au i awete pang nen nga, ngan bet nen a lomu medana yo kataru pau i, in katte be.

Yowan (Jon) 16:1 Referans Kwoze

1 Pita (1 Pita) 2:8

Inbe betanga san in nen, “Ye in dawa ben pat yo di tooltool kedi isaurai ye a timol, inbe dawa ben pat yo di tooltool titut kedi ye a timol du tana i.” Ngan betanga ke Maro iwete nen a imot, le moolmool ole timol, yesoo di ngan titara lodi medana ye betanga ke Maro tiap. Mukot yege nga, ngan Maro itara betanga atu a iken nen bet di tooltool yo nga ole timol.

Matiu (Matyu) 13:21

Bong tina taukadi ramidi yo bet idu pang lopo nga, le ke bet tinepe le mooloo tiap. Ngan kumata bet moonoo sa pombe pang ye di, too di tooltool tikamata di ben titoo betanga ke Maro le bet tigarung di nga, ngan ole palbe leu inbe tigege lodi medana yo titaru i, inbe tiwala muridi pang Maro.

Yowan (Jon) 16:4

Ngan au i bet awete betanga nga pang, a bet nen ngan ye kene yo bet tiyei dada nen pang nga, ngan ole lomu tut ye so yo awete pang ye nga. Kulkulunu ngan awete pang ye so yo nga tiap, yesoo au i ayang tanepe.”

Matiu (Matyu) 24:10

Inbe ye kene tani in, di tooltool alunu yo titara lodi medana pau nga, ngan ole tiwala muridi pau, inbe di tapdi tiparkadon a titar di diedi la di koi kidi bedi.

Rom (Rom) 14:21

Ngan kumata le bet kon asara medana, too kuyin ran medana yo wain i, too kuyei so kapala mulu le bet em atu imol ye sennene nga, ngan dook mata bet ken kuyei nen mulu be.

Matiu (Matyu) 13:57

Ngan tina tikamata ben ye in tool sorok nga, le tiwala muridi panga. Bong ngan Yesu iwete pang di nen, “Awete pang nen, kumata bet tool iyei Maro koonoo nga, ngan di tooltool ke malala ki ye taunu inbe di rara ki nga, ngan di leu la lodi bet tilongo betanga ki inbe tiraua panga tiap nga.”

Matiu (Matyu) 11:6

Ngan tool yo ikamatau ngan itara lono medana pau le imede i, in Maro ole iyei urata dook mata panga le lon ponana ye.”

Yowan (Jon) 15:11

“Ngan au i awete pang ye so nga le imot, a bet nen ngan ayeie ang le lomu ponana dawa ben au i. Le moolmool, lo ponana kiang tani in ole mai le mai san.

Pilipai (Filipai) 1:10

Ngan apatarau nen, a bet nen ngan kakilala dada yo dook mata i a katoo. Ngan kumata le bet nen nga, ngan la bet lomu iken galangana ye Maro matana, inbe kanepe le taukamu busunu le ilo ye lal yo bet Kirisi imulu a isi ye i.