Yowan (Jon) 11:3 - Rau Ke Maro

³ Le nga di lini tina ngan tiwanga pang Yesu nen, “Tool Mai, tool tani yo lom panga mai san i, in la matamatenge mai ikauu i.”

Yowan (Jon) 11:3 Referans Kwoze

Yowan (Jon) 11:5

Ngan Yesu in lono pang Mata iye toonoo inbe Lasarus mai san,

Paposingi Betanga (Kamapim Tok Hait) 3:19

Ngan nanga, di tooltool yo lok pang di mai san nga, ngan ole apasak pang di ye dada dook tiap yo tiyei nga, a bet nen ngan akarata di. Le nga ole lomu ikaua urata dook ye dada kiang yo kayei nga, inbe kaportak lomu mulu.

2 Timoti (2 Timoti) 4:20

Erastus in la inepe malala mai Korin ni. Inbe Toropimus in la matamatenge kauu a agege sila inepe malala mai Miletus ni.

Yowan (Jon) 13:23

Ngan di galiunu tina ngan atu yo Yesu lono panga mai san i, in iwur potai pang ye lapau.

Yowan (Jon) 11:36

Ngan di Yuda tikamata tina yo itang nga, le nga tiyei ne, “Kakamata nga, ye ni lono pang tool ni mai san.”

Yowan (Jon) 11:11

Yesu iwete pang di nen a imot, motong la iwete pang di mulu nen, “Tool kiidi Lasarus ni ngo iken mata. Bong ole ala, a la apoongoo a imadit.”

Yowan (Jon) 11:1

Ngan tool atu yo ene Lasarus i, in matamatenge mai ikauu. Ye in iye di lini ru nga Mata iye Madia, ngan tinepe ye malala yo ene Betani i. Ngan Lasarus lini yo Madia i, in garup tani yo bet iti so ke saliningi yo kini ki dook mata i, in ilo Tool Mai kene pono, inbe imusmus ye ye taunu kutono raunu i.

Luka (Luk) 7:13

Ngan ye kene yo Tool Mai ikamata garup tani ye in nga, ngan lono panga mai san. Le nga iwete panga nen, “Ai, kutang be.”

Yowan (Jon) 11:21

Motong la iwete panga nen, “Tool Mai, nga yo bet kunepe ni nga, ngan matin nga le lik imata tiap.

Yowan (Jon) 13:13

Ang nga kakiu au ye ‘Pannoongoo’ inbe ‘Tool Mai’ nga, ngan kawete gorrau le dook mata, yesoo au i urata kiau tina nangan.