Yemis (Jems) 5:6 - Rau Ke Maro

⁶ Inbe ang ngan kakap di tooltool yo taukadi busunu nga, ngan a lo tikodo ye ni ke karatanga betanga, lo ngan bet kallung pang di a tirau di a timmata. Ngan di tooltool tina ngan taukadi guradi bet tikodokala dada dook tiap yo bet kayei pang di nga.

Yemis (Jems) 5:6 Referans Kwoze

Yemis (Jems) 4:2

Au i awete nen, yesoo ang ngan lomu bet le kakap so ke di diemu, bong o ke bet kakap tiap. Nen le lomu bet le karaumata di a timmata. Inbe ang ngan matamu gorengana ye so kidi, bong o ke bet kakap tiap. Nen le kaye di kaparsu a kapatoko ye. Bong awete pang nen, ang ngan taukamu so yo nen nga, yesoo kapatarau pang Maro a katoru bet ikap pang, ngan tiap.

Aposol (Aposel) 8:32

Ngan betanga tani yo iken ye rau ke Maro koonoo a tool tinin mata tani in ikinkati i, in iwete nen: “Ye in iwete toko betanga siap. Ye in koom pakom dawa ben sipsip yo tirara bet la tiraumate i, inbe taukan koonoo ben sipsip natunu yo tikauu bet la tikot bulbulini i.

Matiu (Matyu) 5:39

Bong nga bet awete pang nen, ken karau kiang a kayei dada gaongo leu pang di tooltool yo tiyei dada dook tiap pang, ngan be. Kumata bet tool atu ipodo pangam oonoo nga, ngan kuportak le kupasanga pangam ngas pang ye.

Ibru (Hibru) 10:38

E tool yo bet iyei tool noonoonoo ye matak i, in ole itara lono medana pau le imugu ye nepongo ki. Bong kumata bet ipalele lono medana yo itaru pau in nga, ngan au i o lok ponana ye pitiap yege.”

Aposol (Aposel) 22:14

“Motong la Annias tani in iwete pau nen, ‘Maro kidi sasa kiidi la ipootong bet nen ngan lom galanga ye lono, inbe kumata Tool Noonoonoo ke Maro, inbe kulongo betanga ki yo bet ye taunu iwete pong nga.

Yemis (Jems) 2:6

Bong ang ngan kapammoo di tooltool yo ballingadi tiap nga san. Bong bet atorang, di sima tooltool tidada pomu nga? Inbe di sima tiyolang lo kakodo ye ni ke karatanga betanga nga? Ngan di tooltool yo ballingadi tiap, ngan tiap, bong di tooltool yo ballingadi ngan di la tiyei dada nen pang nga.

Aposol (Aposel) 7:52

Di sasa kiang tina ngan tigarung di Maro koonoo yo mugu ngan tinepe nga, ngan di atu atu le imot. Inbe di ngan tiraumatamata di tooltool yo tiwete a tikaua bingi pang di nen, bet Tool Noonoonoo ke Maro yo bet si ipamulu di tooltool ki i, in ole isi. Ngan le tool tani yo tiwetewete ye nen i, in ye la dookoot nga isi, motong kakauu a kataru la di koi ki bedi, a tiraumate le imata koot i.

Matiu (Matyu) 27:20

Bong di tooltool maimai ke paroranga so pang Maro, inbe di tooltool maimai kidi Yuda, ngan tiso di tooltool le imot lodi bet koodi pang Pailot a nen ngan ipadu Barabas a isi tana, e bet tiraumata Yesu a imata.

Matiu (Matyu) 21:38

“Bong ye kene yo di tooltool ke kapgingi tina ngan tikamata natunu tani ye in nga, ngan di tapdi tiwetewete nen, ‘Kakamata, kumu taunu tani in natunu la iman i. Kumata le bet pang dama ni nga, ngan ole ikolo tamana ye kumu i a iyei kumu taunu. Le kaman a taraumate le imata, a bet nen ngan so yo tamana bet ikap panga nga, ngan takap le imot paidi.’

1 Pita (1 Pita) 4:18

Ngan Rau ke Maro iwete nen, “Di tooltool yo noonoodi nga, ngan ole tisolo urata moonoo mugu, lo ngan bet Maro ikap di a ipamulu di ye so dook tiap yo bet igarung di i. Bong ole gelei ye di tooltool yo tiyei sennene a titoo dada dook tiap yo Maro lono bet titoo tiap nga? Atoo, ole iyemenai di le dook tiap yege.”