Rom (Rom) 7:22 - Rau Ke Maro

²² Ngan au tauk i lok ponana ye wer ke Maro mai san, inbe lok bet atoo le imot.

Rom (Rom) 7:22 Referans Kwoze

Ibru (Hibru) 8:10

Le au Tool Mai awete nen, ye kene yo bet lal ki tani in iman le pombe koot nga, ngan la bet apamede betanga medana paunu pang di tooltool ke Isrel nga. Ngan i betanga medana paunu tani, in naii: Au i ole atar wer yo kiau nga lo iken kutodi lono, inbe ole awodo lo iken lodi. Inbe au i ole ayei ben Maro kidi, inbe di ngan ole tiyei ben di tooltool kiau.

2 Korin (2 Korin) 4:16

Le ye punu yo nen i, in am nga tinimam booroomoo ye urata yo ke Maro in tiap. Moolmool, tinimam yo ke diki nga, ngan imalul le taukan gurana, bong ye lomam nga, ngan Maro ipamedam le ikap gurana paunu pam ye ke tina yo atu atu nga le imot.

Epeses (Efesus) 3:16

Inbe dada ki le imot yo iyei pang nga, ngan dook mata ki taunu. Nen le au i apatarau panga bet itoo dada dook mata ki tani a ipamede lomu ye gurana ke Amunu Silene a bet nen ngan kakodo le kamede,

1 Pita (1 Pita) 3:4

Bong dada yo dook mata in nen, ole kamoro ang tapmu lomu ngan ye so yo dook mata nga. Ngan moro dook mata tina yo bet kamoro lomu ye ngan nen, ole karautoo ang le du kanepe lopo, inbe kanepe ye lomu silene ye nepongo kiang. Ngan dada yo nen, ngan la dook mata kaiye ye Maro matana nga, inbe o ke bet ilene tiap.

Rom (Rom) 8:7

Inbe di tooltool yo lodi kaua urata mata ye soo so yo di tapdi lodi panga nga, ngan di ngan tiyei ben koi ke Maro. Ngan nen, yesoo di ngan o ke bet timalum pang wer ke Maro a ipasongosongo di, ngan tiap, inbe di ngan o ke bet titoo wer ke Maro pitiap yege.

Kolosi (Kolosi) 3:9

Le ken kallung di diemu kapala be, yesoo kagiri lomu gurunu in le ipa ye dada dook tiap yo ki, ngan oo.

Yowan (Jon) 4:34

Motong la Yesu iyei ne, “Kaningi yo kiau i, in nen, bet ole atoo tool yo iwangau a asi, in lono, inbe ayei porai urata ki.