Paposingi Betanga (Kamapim Tok Hait) 7:16 - Rau Ke Maro

¹⁶ Nen le o ke bet pitolo di mulu tiap, inbe morak di mulu tiap lapau. Ngan ke o ke bet isini di le tinidi iges mata mulu tiap, inbe so sa yo bet igesnai di a bet igarung di, ngan tiap lapau.

Paposingi Betanga (Kamapim Tok Hait) 7:16 Referans Kwoze

Yowan (Jon) 4:14

Bong kumata sei tool bet iyini ran yo bet akauu panga in nga, ngan o ke bet moraku mulu tiap. Bong ran tani in ole iyei ben ran punu nga, inbe rongrongbe ke lono, a nen ngan ikaua nepongo dook mata yo taukan motingi i, in panga.”

Paposingi Betanga (Kamapim Tok Hait) 21:4

Inbe ole imus matadi surunu le imot a ikoo ye matadi. Inbe di tooltool tina o ke bet timmata mulu tiap, inbe lodi madoko a titang mulu tiap, inbe o ke bet tiyetai toko masngana sa mulu tiap lapau, yesoo dada yo ke mugu nga, ngan ilene a imot oo.”

Matiu (Matyu) 5:6

Inbe di tooltool yo pitolo di le morak di ye dada dook mata noonoonoo ke Maro nga, ngan lodi ponana, yesoo Maro ole iyei urata dook mata pang di a ipapon di ye.

Luka (Luk) 6:21

Ang di tooltool yo dookoot ngan kakana pitolo nga, ngan lomu ponana, yesoo ole Maro iyei urata dook mata pang le kakan kapo sung. Ang di tooltool yo dookoot ngan katangtang nga, ngan lomu ponana, yesoo ole Maro iyei urata dook mata pang le kangele.

Luka (Luk) 1:53

Inbe ikap so dook mata alunu pang di tooltool yo tikana pitolo nga, bong di tooltool yo ballingadi nga, ngan inganga di le tipa bedi koonoo a tila.

Matiu (Matyu) 13:6

bong ye kene yo ke ise a isini katkat ye in nga, ngan igesnai dingding supana tina le timallai a tiwod, yesoo ramini idu lopo mata tiap.

Yemis (Jems) 1:11

Ngan kumata bet ke ise a isini le bet gesene mai mata nga, ngan ole igesnaia dingding bolana tani le imakur, inbe ole igarung bolana yo moro ki dook mata san ngan le dook tiap. Le gaongo leu ye tool yo ballingana i, in ole itu ye urata ki ke kaungu pat le le lo imata sorok a ila.

Maka (Mak) 4:17

Bong betanga tina ngan tiparama le iken so lodi tiap dawa ben dingding supadi yo ramidi idu lopo mata tiap nga. Ngan nen le tikodo le timede ye manga modono kasin leu. Bong ye kene yo moonoo sa pombe pang ye di, too di tooltool tikamata di ben titoo betanga ke Maro le bet tigarung di nga, ngan ole palbe leu inbe tigege lodi medana yo titaru i, inbe tiwala muridi pang Maro.

Maka (Mak) 4:6

bong ye kene yo ke ise a isini katkat ye in nga, ngan igesnai dingding supana tina le timallai a tiwod, yesoo ramini idu lopo mata tiap.

Matiu (Matyu) 13:21

Bong tina taukadi ramidi yo bet idu pang lopo nga, le ke bet tinepe le mooloo tiap. Ngan kumata bet moonoo sa pombe pang ye di, too di tooltool tikamata di ben titoo betanga ke Maro le bet tigarung di nga, ngan ole palbe leu inbe tigege lodi medana yo titaru i, inbe tiwala muridi pang Maro.