Biblia Todo Logo
Bib sou entènèt

- Piblisite -




Paposingi Betanga (Kamapim Tok Hait) 5:12 - Rau Ke Maro

12 Inbe tigaua kalngadi a tiwou le mai nen, “Sipsip Natunu yo mugu ngan tiraumate a imata i, in la tool dook mata i. Nen le ke bet di tooltool tiraua panga, inbe tiyitmaka ene le ilo ete. Ye in gurana ki mai san le di tooltool le imot tinepe la gurana ki parmana. Inbe so tina le imot yo iken nga, ngan taunu la ye in. Inbe kanakana ngan ye in lon kaua urata ye dada yo dook mata ngan leu. Inbe ye in ene mai san ke bet di tooltool le imot tipayiti ye.”

Gade chapit la Kopi




Paposingi Betanga (Kamapim Tok Hait) 5:12
19 Referans Kwoze  

Motong la di le imot tiwouo woungu paunu atu in nen, “Ong in la tool dook mata ke bet kouo rau lulungu tani inbe kukede bun yo tipokokala ye nga, yesoo ong in tiraumatong a kumata oo. Inbe ye rara kiong tani in la kuyimi di tooltool ye a kupamulu di pang ye Maro i. Ngan di tooltool tina yo kupamulu di nga, ngan tipa ke tana maimai nga le imot, le bareme kidi ngan ki ki, inbe koodi le kulidi ngan ki ki lapau.


Ngan akamata so tina ngan a imot, motong la alongo so dawa ben di tooltool malala mai koodi le mai ye malala ke Maro nen. Tiyei ne, “Tayitmaka Maro ene! Yetaleu in la ikau idi a ipamulidi ye so dook tiap yo bet igarungidi i. Ye in gurana ki mai san. Inbe ene ilo ete ke bet di tooltool tipayiti ye.


“Tool Mai, ong i Maro kiam. Ongtaleu in la tool dook mata i, le di tooltool nga le imot ke bet tiraua pong, inbe tiyitmaka em le ilo ete. Ong in gurana kiong mai san, le di tooltool le imot tinepe la gurana kiong parmana. Inbe amyitmakong, yesoo kutar so nga le imot. Le moolmool, kutoo ong taum lom a kutar so tina, ngan la le dookoot nga so tina ngan le imot iken nga.”


Ang ngan lomu galanga ye dada dook mata yo ke Tool Mai kiidi Yesu Kirisi, ngan oo. Ngan ye in mugu ngan ballingana ye so nga le imot, bong ye ang nga, ngan la le igege so dook mata yo ki ngan sila ikino, inbe isi tana le si iyei ben tool ballingana tiap nga, a bet nen ngan ilonang a iyei ang le ballingamu ye so yo ke Maro nga le imot.


Tiyei ne, “Moolmool! Maro kiam, amyitmaka em, inbe amyeie em le ilo ete ke bet di tooltool tipayiti. Kanakana ngan ong in lom kaua urata ye dada yo dook mata ngan leu, le amwete lo ponana kiam pong, inbe amraua pong. Ong in gurana mai iken yong, le kuyei tool kuto mai pang so nga le imot le iken nen le taukan motingi. Moolmool!”


Ngan ye i, kouo gurana mai panga bet iyei mai pang di tooltool nga le imot, a bet nen ngan ikaua nepongo dook mata yo taukan motingi i, in pang di tooltool yo kop di panga nga.


Motong la Yesu iman potai ye di a iwete pang di nen, “Au i, Maro kaua gurana mai pau, le ayei Tool Mai pang so le imot yo iken ye malala ke Maro nga, inbe yo iken tana pono, ngan lapau.


Motong la akamata Sipsip Natunu ngan dawa ben tiraumate a imata koot nga, bong ikodo kataunu ke ni yo kakawa ke tool kuto mai tani iken ye i. Nen le di so maguredi tina yo pai ngan tipa ye di kuto maimai ke malala ke Maro ngan tikodo le tiwakaii. Inbe Sipsip Natunu tani in sipi ki limi be ru inbe matana limi be ru lapau. Ngan matana yo limi be ru nga, ngan di bangabangana ke Maro yo limi be ru nga. Inbe di ngan Maro iwanga di bet si tipa ye tana mai i le imot.


Tinepe le nga mongmongini ki, motong la Yowan ikamata Yesu ipa a iman pang ye, le nga iyei ne, “Ai, kakamata! Sipsip Natunu Ke Maro yo isi bet si imata a bet nen ngan igiri sennene kidi tooltool ke tana i, in la iman i!


Inbe di tooltool le imot ke tana i nga, ngan ole tisung pang asara gok tani. Bong di tooltool yo tiwodo edi ilo ye rau ke nepongo dook mata nga, ngan ole tisung panga tiap. Ngan rau tani, in rau ke Sipsip Natunu yo mugu ngan tiraumate a imata i. Inbe ye kene yo Maro itar so nga le imot a pompombe tiao nga, ngan tiwodo di tooltool tina yo bet tikaua nepongo dook mata yo taukan motingi i, in edi ilo ye.


Ngan tiwou nen a imot, motong la alongo di so matana matana yo Maro itar di a tinepe ye malala ki, inbe tinepe tana pono le tana lono, inbe tinepe tiek pono le tiek lono nga, ngan di le imot tiwou nen, “Ong tool yo kuwur ye kakawa ke tool kuto mai yo matan kala tana mai i le imot i, in kuye Sipsip Natunu, ngan angru ngan gurana kiang mai san le ke bet amraua pang a amyitmak emu, inbe amyei emu le ilo ete ke bet di tooltool tikamatang ngan tipayitang ye a ikenen nen le taukan motingi!”


Le tayitmaka Maro yo iyei tool kuto mai a matan kalidi le imot i. Ye in inepe nen le taukan motingi, inbe ye in taukan matenge, inbe o ke bet takamata ye matada tiap lapau. Yetaleu in la Maro i. Le tayitmaka ene inbe tayei ne, “Maro, em mai san ke bet di tooltool tipayitong le ikenen leu le taukan motingi.” Moolmool.


Inbe iyei idi le tagaua ye di tooltool yo Maro bet matan kala di nga, inbe iyei idi le tanepe ben di tooltool ke paroranga so pang Tamana Maro, a bet nen ngan tayei urata yo ki nga. Ngan nen le Yesu tani in ene mai san ke bet di tooltool tipayiti, inbe gurana ki in mai san le iken nen le taukan motingi. Moolmool.


Le nga ye kene yo ikauu ye in nga, ngan le di so maguredi tina yo pai nga, inbe di kuto maimai ke malala ke Maro yo sangaul ru inbe pai nga, ngan tigun turudi le du damodi itoko tana pang ye Sipsip Natunu tani in kene punu. Inbe di kuto maimai tina ngan di atu atu titoko so dawa ben pari inbe omai yo tikarata ye gol nga. Ngan omai tina ngan ipon ye so dawa ben kai maiyo kulini yo kini ki dook mata nga. Inbe so tina yo kini ki dook mata nga, ngan inanpootoo pataraungu ke di tooltool ke Maro.


Ngan akamata so tina ngan a imot, motong la matak kenen ye Sipsip Natunu tani, inbe ikede bun tina yo limi be ru nga, ngan atu ki. Inbe alongo so maguredi tina yo pai nga, ngan atu kidi in iwetewete le kalngana mai dawa ben looloo itara nga, inbe iyei ne, “Ai, kuman!”


inbe tiwou. Ngan woungu tani in ke Mose, yo kapraingi ke Maro, inbe ke Sipsip Natunu i. Le nga tiwou nen, “Tool Mai Maro, ong in gurana kiong mai san le illos gurana ke so nga le imot. Inbe urata yo kuyei nga, ngan ipaposo gurana kiong yo mai mata i, le di tooltool titakrai ye. Ong in tool kuto mai yo bet matam kala di tooltool ke tana i le ikenen nen i, le dada kiong ngan dook mata inbe moolmool le imot.


Swiv nou:

Piblisite


Piblisite