Paposingi Betanga (Kamapim Tok Hait) 22:21 - Rau Ke Maro

²¹ Nen le apatarau nen bet Tool Mai kiidi Yesu in lono pang ang di tooltool ke Maro a iyei dada dook mata pang ang le imot. Moolmool.

Paposingi Betanga (Kamapim Tok Hait) 22:21 Referans Kwoze

2 Tesalonaika (2 Tesalonaika) 3:18

Le Tool Mai kiidi Yesu Kirisi lono pang a iyei dada dook mata pang ang le imot.

Rom (Rom) 16:20

Maro yo iyei ang le kagauagaua lomu dook mata a kanepe ye lo silene ki i, in ole ilonang a igarungu urata ke Satan palbe leu le du kakodo too ye kemu. Nen le apatarau pang Tool Mai kiidi Yesu Kirisi bet ole lono pang a iyei dada dook mata pang le ikenen leu.

2 Korin (2 Korin) 13:14

Inbe apatarau nen, bet Tool Mai kiidi Yesu Kirisi lono pang a iyei dada dook mata pang, inbe ole Maro lono pang mai san, inbe Amunu Silene iyei ang le imot a kagaua lomu le atu.

Paposingi Betanga (Kamapim Tok Hait) 1:4

Au Yowan in awodo rau naii pang ang di tooltool yo kagaua ye bareme ke Yesu limi be ru yo iken ye tana mai ke Esia nga. Nen le apatarau pang Maro iye Yesu Kirisi inbe di bangabangana ke Maro yo limi be ru ngan nen, bet lodi pang a tiyei dada dook mata pang, inbe tikaua lo silene kidi pang. Ngan Maro tani in dookoot nga inepe, inbe mukot ngan inepe, inbe pang dama ni ngan ole isi. Inbe di bangabangana limi be ru tina ngan tikodo dama ke Maro ye kakawa ki ke burungu. Inbe Yesu Kirisi yo kanakana ngan iwetewete betanga ke Maro ngan ikapsap ye tiap i, in Maro ipamaditi mugu ye ni ke matenge le ke bet imata mulu tiap. Inbe ye in iyei tool kuto mai pang di tooltool kuto maimai yo matadi kala tana mai i le imot nga. Ngan Yesu tani in lono paidi mai san le igiri sennene yo kiidi nga ye rara ki, a bet nen ngan sennene tina ngan iparamidi mulu be.

Rom (Rom) 1:7

Ngan rau i awode pang ang di tooltool le imot ke Rom yo Maro lono pang mai san, inbe ipootang panga ye taunu nga. Ngan nen le apatarau nen, bet Tamada Maro iye Tool Mai Yesu Kirisi ole lodi pang a tiyei dada dook mata pang, inbe tiyei ang le kanepe ye lo silene kidi.

Rom (Rom) 16:23

Inbe Gaius iyawara lo ponana ki pang. Ye in matan kalau dook mata ye rumu ki, inbe di tooltool ke Kirisi yo tinepe ni nga, ngan tigaua ye rumu ki lapau. Inbe Erastus, tool yo matan kala pat ke tool kuto mai ke malala mai tani i, in iye ede san Kuatus, yo itara lono medana pang Yesu i, in yeru tiyawar lo ponana kidi pang.

Paposingi Betanga (Kamapim Tok Hait) 1:2

Le au i awete betanga moolmool ye so tina le imot yo akamata nga. Ngan la awete betanga tina yo Maro iwetekes pang Yesu Kirisi a ipapos pau ye betanga moolmool nga.

Paposingi Betanga (Kamapim Tok Hait) 22:7

Motong la Yesu iwete nen, “Kupalongo, ole mooloo tiap inbe amulu a asila! Nen le sei tool bet ilongo inbe itoo betanga ke Maro yo kouo koonoo a kuwodo le iken ye rau i nga, ngan ole Maro iyei urata dook mata panga.”