Paposingi Betanga (Kamapim Tok Hait) 21:22 - Rau Ke Maro

²² Ngan akamata toko bareme ke sungunu sa iken ye malala mai tani in tiap, yesoo Tool Mai Maro yo gurana ki mai san le illos so nga le imot i, in iye Sipsip Natunu ngan di la tinepe ye malala mai tani in nga. Ngan nen le di tooltool ole tipas le tisung pang di yeru leu.

Paposingi Betanga (Kamapim Tok Hait) 21:22 Referans Kwoze

Yowan (Jon) 4:23

Bong lal tani yo awete pong ye bet pombe i, in dookoot nga pombe oo. Le di tooltool yo bet tisung moolmool nga, ngan ole tisung pang Tamada ye gurana ke Maro Amunu yo bet ipasongosongo di ye nga, inbe ye dada yo moolmool nga. Yesoo, Tamada in lono dook mata ye di tooltool yo tisung panga nen nga.

Paposingi Betanga (Kamapim Tok Hait) 1:8

Ngan Tool Mai Maro yo gurana ki mai san le illos gurana ke so nga le imot i, in iwete nen, “Au i la Tool Mai pang so yo ipa mugu nga le idu ye so yo ipa mur nga.” Ngan Maro tani in dookoot nga inepe, inbe mukot ngan inepe, inbe pang dama ni nga, ngan ole isi.

Paposingi Betanga (Kamapim Tok Hait) 16:7

Ngan bangabangana tani in iwete nen a imot, motong la alongo tool koonoo ye ni yo kakawa ke paroranga so iken ye i, in iwete nen. Iyei ne, “E, Tool Mai Maro, ong in gurana kiong mai san le illos gurana ke so nga le imot. Inbe kanakana ngan ong in kukarata betanga kidi tooltool ye dada dook tiap kidi yo tiyei nga, ngan le kutoo dada dook mata yo moolmool nga le imot.”

Paposingi Betanga (Kamapim Tok Hait) 5:6

Motong la akamata Sipsip Natunu ngan dawa ben tiraumate a imata koot nga, bong ikodo kataunu ke ni yo kakawa ke tool kuto mai tani iken ye i. Nen le di so maguredi tina yo pai ngan tipa ye di kuto maimai ke malala ke Maro ngan tikodo le tiwakaii. Inbe Sipsip Natunu tani in sipi ki limi be ru inbe matana limi be ru lapau. Ngan matana yo limi be ru nga, ngan di bangabangana ke Maro yo limi be ru nga. Inbe di ngan Maro iwanga di bet si tipa ye tana mai i le imot.

Kolosi (Kolosi) 2:9

Ngan awete pang nen, yesoo dada le gurana inbe lo galanga ipa ye so le imot yo ke Maro nga, ngan iken ye Kirisi, inbe ye in isi iyei tool moolmool dawa ben idi nga.

Yowan (Jon) 4:21

Motong la Yesu iwete panga nen, “Garup, kutara lom medana ye betanga kiau. Ye lal atu yo bet pombe i, in di tooltool ole se tisung pang Tamada ye kawal i mulu tiap, inbe lo tisung panga Yerusalem tiap lapau.

Paposingi Betanga (Kamapim Tok Hait) 15:3

inbe tiwou. Ngan woungu tani in ke Mose, yo kapraingi ke Maro, inbe ke Sipsip Natunu i. Le nga tiwou nen, “Tool Mai Maro, ong in gurana kiong mai san le illos gurana ke so nga le imot. Inbe urata yo kuyei nga, ngan ipaposo gurana kiong yo mai mata i, le di tooltool titakrai ye. Ong in tool kuto mai yo bet matam kala di tooltool ke tana i le ikenen nen i, le dada kiong ngan dook mata inbe moolmool le imot.

Paposingi Betanga (Kamapim Tok Hait) 11:17

Tiyei ne, “Tool Mai Maro, gurana kiong mai san le illos gurana ke so nga le imot. Ong in kunepe mukot ye kene yo so nga le imot pombe tiao nga, inbe dookoot nga kunepepe nen lapau. Am nga amwete lo ponana kiam pong, yesoo ong in kupaposo gurana kiong yo mai san i, le dookoot nga bet matam kala di tooltool nga le imot.

Paposingi Betanga (Kamapim Tok Hait) 4:8

Inbe di atu atu ngan balidi limi be atu, inbe matadi iken ye tinidi mai i le imot inbe ke balidi parmana lapau. Ngan ye ke le bong tina yo kanakana nga, ngan timaryoo ye betebetanga tiap, bong tiyei ne, “Tool Mai Maro yo gurana ki mai san le illos gurana ke so nga le imot i, ye in inepe ete. Ye in inepe ete le inepe ete san. Ye in inepe mukot, inbe dookoot nga inepe, inbe pang dama ni ngan ole isi.”

Kolosi (Kolosi) 1:19

Ngan nen, yesoo Maro lon ponana bet gurana le dada ki tina nga le imot le pusbe, ngan iken ye Natunu,

Yowan (Jon) 10:30

Ngan au i aye Tamak nga ataleu.”

Paposingi Betanga (Kamapim Tok Hait) 19:15

Inbe tool tani yo imugu pang di i, in pul ke patokongo yo matana belebele in matana pombe ye koonoo. Ngan pul tani in ke raumatenge di tooltool ke ni mai i le imot. Inbe tool tani in “ole itoko so dawa ben koro medana ye bene a iyei tool kuto mai pang di tooltool ye.” Ngan Maro yo gurana ki mai san le illos gurana ke so nga le imot i, in katen malmal san, nen le ole iyirngan di koi ki ngan dawa ben di tooltool tiyirngan ooroo wain puana ye pat gimono yo tikarata pang yirnganingi wain puana i.

Paposingi Betanga (Kamapim Tok Hait) 16:14

Di kata tol tina, ngan di so sidi yo tinidi giri leu ye Maro matana nga. Di tol ngan ke bet tiyei gogo mos matana matana a pompombe. Inbe di ngan tipa a tila ye di kuto maimai yo matadi kala tana maimai le imot nga, ngan a tiso lodi. Di ngan tiyei nen a bet nen ngan di kuto maimai tina, ngan ole tigaua di tooltool kidi ke patokongo, a bet nen ngan tinama lal maiyoko ke Maro in bet pombe nga, ngan tila la tiye tipatoko. Ngan lal maiyoko tani in lal yo bet Maro, yo gurana ki mai san le illos gurana ke so nga le imot i, in itaru bet ikarata betanga kidi tooltool ye dada dook tiap kidi tina yo tiyei nga.

Matiu (Matyu) 24:2

Motong la iwete pang di nen, “Ang nga kakamata so tina nga le imot ngan dook mata, too? Bong awete pang moolmool nen, pang dama ni ngan ole pat ke rumu tina nga, ngan atu sa yo bet iken a iloko lo ene pono dawa ben dookoot nga, ngan tiap. Bong ole tiraukedekede di le imot a timol du tana le tiken kidi kidi.”

Paposingi Betanga (Kamapim Tok Hait) 7:15

Nen le ‘tikodo dama ke kakawa ke burungu ke Maro, inbe ye ke le bong tina yo kanakana nga, ngan tinepe ye bareme mai ke sungunu ki, inbe tiyei urata ki. Inbe tool tani yo iwur ye kakawa ke burungu ke tool kuto mai i, in ole inepe kataunu ye di, inbe matan kala di dawa ben tareke tinana ipatud di natunu nga.

Paposingi Betanga (Kamapim Tok Hait) 7:17

Ole nen, yesoo Sipsip Natunu yo ikodo kataunu ke ni yo kakawa ke tool kuto mai iken ye i, in ye la bet matan kala di dawa ben tool dook mata yo bet matan kala di sipsip ki i. Ngan ye la bet irara di a tila ye ran gimono yo bet ikaua nepongo dook mata yo taukan motingi i, in pang di i. Inbe Maro ole imus matadi surunu yo irar a isi nga le imot, le o ke bet lodi madoko mulu tiap.’ ”

Paposingi Betanga (Kamapim Tok Hait) 14:4

Di ngan tiye di garup sa tiken a nen ngan tinidi giri leu ye ngan tiap, bong tinepe le tinidi igalanga dook mata ye Maro matana. Inbe di ngan titoo Sipsip Natunu ye ni nangai yo bet ipa pang ye i. Inbe di tooltool tina ngan Maro iyimi di, inbe ikap di kataunu ye di tooltool ke tana i, le tiyei ben so yo di tooltool tikap kulkulunu ye kumu paunu kidi ngan ole tiyei paroranga ye pang Maro iye Sipsip Natunu nga.

Yowan (Jon) 13:32

Ngan kumata bet iyeie Maro ene le ilo ete nga, ngan Maro ye taunu ole iyeie Natunu tani in ene le ilo ete nen lapau. Le mooloo tiap Maro ole iyeie ene le ilo ete ke bet di tooltool tipayiti ye.”