Paposingi Betanga (Kamapim Tok Hait) 18:18 - Rau Ke Maro

¹⁸ Inbe ye kene yo tikamata ei tani yo ikani, in kutana nga, ngan ole titang le mai, inbe tiwete nen, ‘Atoo, ni malala sa yo dawa ben malala mai tani ni lapau?’

Paposingi Betanga (Kamapim Tok Hait) 18:18 Referans Kwoze

Paposingi Betanga (Kamapim Tok Hait) 13:4

Di tooltool le imot tikamata ngan lodi galanga ye nen, bet moto la ikaua gurana ki panga i. Le nga tisung pang moto tani, inbe tisung pang asara gok tani in lapau. Nen le tiyitmaka ene a tiwete nen, “Sei tool dawa ben asara gok i? Inbe sei tool bet ole iye asara gok tani tipatoko ngan le illosi i?”

Paposingi Betanga (Kamapim Tok Hait) 14:11

Inbe ei yo bet ikan di le tisolo masngana mai ye i, in ole kutana ikut a ilo ete a iken nen le taukan motingi. Nen le di tooltool yo tisung pang asara gok tani le ipa ye kai padodo ki nga, inbe di tooltool le imot yo tarkilanga ki iken ye di nga, ngan o ke bet timaryoo tiap, bong ole tisolo masngana tani ye ke le bong tina yo kanakana nga le imot.”

Paposingi Betanga (Kamapim Tok Hait) 16:19

Ngan tina yo nauningi tani in itak nen nga, le malala mai Babilon in tana ki perbe le iyei patol, inbe rumu ke di tooltool ke malala maimai yo kapala nga, ngan iduku a idu tana lapau. Ngan Maro lon tut ye dada dook tiap ke di tooltool yo tinepe ye malala mai Babilon nga, le ipati kate malmal mai ki idu ye malala tani in dawa ben bet tati wain surunu ilo ye ruku nga.

Paposingi Betanga (Kamapim Tok Hait) 18:16

inbe tiwete nen, ‘Atoo! Atoo, lomam pang malala mai ni koot sa, yesoo mugu ngan isousou ye sousoungu dook mata yo puspusngana nga, inbe isousou ye sousoungu yo kooroonoo inbe yoongoonoo le dook mata san nga. Inbe isorosoro ye gol inbe ye pat matana matana yo isallin dook mata nga, inbe matauu ki ngan tikarata ye pat ke gomo yo sallinene nga.