Paposingi Betanga (Kamapim Tok Hait) 15:3 - Rau Ke Maro3 inbe tiwou. Ngan woungu tani in ke Mose, yo kapraingi ke Maro, inbe ke Sipsip Natunu i. Le nga tiwou nen, “Tool Mai Maro, ong in gurana kiong mai san le illos gurana ke so nga le imot. Inbe urata yo kuyei nga, ngan ipaposo gurana kiong yo mai mata i, le di tooltool titakrai ye. Ong in tool kuto mai yo bet matam kala di tooltool ke tana i le ikenen nen i, le dada kiong ngan dook mata inbe moolmool le imot. Gade chapit la |
Paposingi Betanga (Kamapim Tok Hait) 15:3
49 Referans Kwoze
Ngan kanakana ngan ye in ikarata betanga kidi tooltool ye dada dook tiap kidi yo tiyei nga, ngan le itoo dada dook mata yo moolmool ngan le imot. Nen le iyemenaia garup mai lekelekene tani yo igarung di tooltool le imot ke tana i ye dada dook tiap ki ke bauk nga. Mugu ngan garup tani in iraumata di kapraingi ke Maro a rara kidi imati du tana, ngan la le Maro iraua urata dook tiap ki yo iyeii i, in kootoonoo panga nga.”
Motong la di tooltool 144,000 tina yo tikodo dama ke kakawa ke burungu ke Maro nga, inbe ke dama ke so maguredi pai tina tiye di kuto maimai ke malala ke Maro nga, ngan tiwouo woungu paunu atu. Ngan woungu tani in tool sa mulu lon galanga ye, ngan tiap. Bong di tooltool tina 144,000 yo Maro iyimi di inbe ikap di kataunu ye di tooltool ke tana i nga, ngan di leu la lodi galanga ye woungu tani nga.
Inbe di kuto maimai tina tiye asara gok tani in ole tiye Sipsip Natunu tipatoko. Bong Sipsip Natunu ole illos di ye patokongo, yesoo yetaleu in la Tool Mai i, le di tooltool maimai kapala nga, ngan tinepe parmana. Inbe yetaleu in la Tool Kuto Mai i, le di tooltool kuto maimai kapala nga, ngan tinepe parmana lapau. Bong di tooltool yo tiye tinepe nga, ngan di tooltool yo ikiu di a ipootoo di panga ye taunu nga, inbe di tooltool yo titara lodi le imede panga inbe titoo nga.”
Tiyei ne, “Tool Mai Maro, gurana kiong mai san le illos gurana ke so nga le imot. Ong in kunepe mukot ye kene yo so nga le imot pombe tiao nga, inbe dookoot nga kunepepe nen lapau. Am nga amwete lo ponana kiam pong, yesoo ong in kupaposo gurana kiong yo mai san i, le dookoot nga bet matam kala di tooltool nga le imot.
Inbe di atu atu ngan balidi limi be atu, inbe matadi iken ye tinidi mai i le imot inbe ke balidi parmana lapau. Ngan ye ke le bong tina yo kanakana nga, ngan timaryoo ye betebetanga tiap, bong tiyei ne, “Tool Mai Maro yo gurana ki mai san le illos gurana ke so nga le imot i, ye in inepe ete. Ye in inepe ete le inepe ete san. Ye in inepe mukot, inbe dookoot nga inepe, inbe pang dama ni ngan ole isi.”
Ngan bangabangana ke Maro tani in iman a ila, motong la bangabangana san yo ru ki i, in iman pombe ngan le iwete nen. Iyei ne, “Malala mai Babilon in tigarungu oo. Le moolmool, ye in tigarungu le dook tiap yege, yesoo ye la iyolo di tooltool ke ni mai i le imot, a la tiyei gogo dada dook tiap matana matana ke bauk i. Ngan nen le dawa ben tool iyin ran medana yo ene wain ngan le kuton moo ye a iyei kapa i.”
Le tayitmaka Maro yo iyei tool kuto mai a matan kalidi le imot i. Ye in inepe nen le taukan motingi, inbe ye in taukan matenge, inbe o ke bet takamata ye matada tiap lapau. Yetaleu in la Maro i. Le tayitmaka ene inbe tayei ne, “Maro, em mai san ke bet di tooltool tipayitong le ikenen leu le taukan motingi.” Moolmool.
Piblisite