Paposingi Betanga (Kamapim Tok Hait) 12:2 - Rau Ke Maro

² Inbe garup tani in kapono, bong ikapge bet ipasui le nga imassingi, inbe itang le mai.

Paposingi Betanga (Kamapim Tok Hait) 12:2 Referans Kwoze

Paposingi Betanga (Kamapim Tok Hait) 12:4

Ngan moto tani in wini ikaruru di kanpitiki alunu san ke lang katene a ikatte di tidu tana. Ngan di kanpitiki alunu tina ngan ben tipoto di le tiyei budanga tol, motong la budanga atu in la ikatte a idu tana i. Motong la ilo ikodo dama ke garup tani yo bet ipasui i, inbe inamu bet le ipasuiu natunu tani in nga, ngan ole palbe leu be ikani a itona le ipa ye kerana.

Galesia (Galesia) 4:19

Atoo, di natuk yo lok pang mai san nga, au i nga akanamaia masngana mulu yang dawa ben masngana yo pombe pang ye garup yo bet ipasui i. Au i ole ayei nen le lo kakodo le kamede ye Kirisi yo inepe lomu in.

Yowan (Jon) 16:21

Le dawa ben garup yo lal ki ke pasuiungu ngan kapon massingi ye kase a bet ipasuiu i. Bong ye kene yo bet ipasuiu kase tani in koot nga, ngan ole lon kalli masngana, inbe lon ponana, yesoo ipasuiu kase tani in a isi tana oo.

Galesia (Galesia) 4:27

Le ben betanga tina yo tiwodo lo iken ye Rau ke Maro nga, ngan iwete nen, “Ong garup yo kupasui tiap le taukam natum i, in lom ponana. Ong garup yo kuyetai toko masngana ke pasuiungu pitiap i, in ken le lom dook mata. Bet nen ngan kuwou, inbe lom ponana a koom le mai, yesoo ole natum alunu kaiye le tillos di kakase ke garup yo nintooroo i.”

Matiu (Matyu) 24:8

Ngan urata moonoo yo nen ngan ole pompombe mugu, dawa ben garup kapon massingi ye natunu a bet ipasuiu nga.