Paposingi Betanga (Kamapim Tok Hait) 12:12 - Rau Ke Maro

¹² Ngan nen le ong malala ke Maro, inbe ang di tooltool le imot yo kanepe ye malala tani in nga, ngan lomu ponana. Bong atoo, ong tana inbe ong tiek, ken kakamatang dook leu, yesoo tool kuto mai kidi so sidi la isila pang yang in. Ngan ye in katen malmal mai san, yesoo lon galanga nen bet lal ki in mooloo mata tiap.”

Paposingi Betanga (Kamapim Tok Hait) 12:12 Referans Kwoze

Paposingi Betanga (Kamapim Tok Hait) 8:13

Motong la bet matak lo pang ete, ngan akamata bangabangana ke Maro atu yo iro meneng lang katene ete ni, in alongo kalngana koonoo le mai nen, “Atoo! Atoo! Atoo, di tooltool yo tinepe tana pono nga, ngan ole tikaua urata moonoo masngana dook tiap, yesoo di bangabangana ke Maro tol yo tinepe go ngan la bet timai porai tauru kidi nga.”

Paposingi Betanga (Kamapim Tok Hait) 18:20

Nen le ang di tooltool le imot yo kanepe ye malala ke Maro nga, ngan lomu ponana ye masngana dook tiap yo pombe pang ye malala mai tani ni. Inbe ang di tooltool ke Maro le di aposol inbe di Maro koonoo nga, ngan ole lomu ponana lapau ye yo Maro ikarata betanga ki a bet nen ngan iyemenaii ye dada dook tiap ki yo iyei pang, ngan kootoonoo nga.’ ”

Paposingi Betanga (Kamapim Tok Hait) 10:6

Inbe iwete moolmool le ete ye tool tani yo inepepe nen le taukan motingi i, in ene. Ye in tool tani yo itar lang le tana inbe tiek le so tina le imot yo iken ye di nga. Ngan le iwete nen, “Lal imot oo, le ke bet tanam mulu tiap!

Paposingi Betanga (Kamapim Tok Hait) 11:10

Inbe ye kene tani in di tooltool le imot ke tana i ole lodi ponana ye yo di tooltool ru tina ngan timmata koot nga. Le tina ole tiyei mailang a tikan be tisiki, inbe tiyawar so ye lo ponana kidi pang di diedi kapala, yesoo di Maro koonoo ru yo tikap masngana dook tiap pang di tooltool le imot yo tinepe ye tana i nga, ngan timmata oo.

Paposingi Betanga (Kamapim Tok Hait) 9:12

Ngan so tina yo bet pombe nga, ngan akamata a imot le urata moonoo masngana dook tiap tina ngan atu la iman a ila koot i, inbe ru mulu la bet ole pombe mur nga.

Luka (Luk) 15:10

Motong la Yesu iyei ne, “Awete pang nen, lo ponana yo nen ngan gaongo leu ben yo iken ye malala ke Maro ngo. Kumata le tool atu ke geingi sennene bet iportaka lono pang Maro ye dada dook tiap ki yo iyei nga, ngan Maro iye di bangabangana ki ole lodi ponana ye mai san.”

Paposingi Betanga (Kamapim Tok Hait) 11:14

Ngan so tina yo bet pombe nen nga, ngan akamata a imot le urata moonoo masngana dook tiap yo ru ki i, in naii la iman a ila i, inbe tol ki yo bet ipa mur i, in mooloo tiap ole pombe.

2 Pita (2 Pita) 3:8

Le di diek yo lok pang mai san nga, ngan bet awete betanga atu pang a lomu kalli be. Tool Mai ikamata ke atu in dawa ben rai tau atu, inbe rai tau atu in ikamata ben ke atu. Le ye kamatanga ki ngan yeru nga gaongo leu.

Ibru (Hibru) 10:37

Yesoo, betanga yo iken ye Rau ke Maro ngan iwete ye Kirisi nen, “Ole mooloo tiap inbe tool yo bet isi i, in ole imulu a isi. Ye in ke bet inam tiap.

Luka (Luk) 2:14

“Tayitmaka Tool Mai Maro yo inepe ete i, in ene. Inbe di tooltool ke tana yo Maro lono pang di mai san nga, ngan ole ikaua lo silene ki pang di a tinepe ye.”

Paposingi Betanga (Kamapim Tok Hait) 12:9

inbe Mikel iye di bangabangana ki tikatte moto tani in a idu tana. Ngan ye in moto tani yo mukot yege ngan inepe i, inbe ye in ene la Satan i. Inbe ye la tool kuto mai kidi so sidi, inbe tool ke bet ikap llungunu ye di tooltool ke tana mai i le imot i. Nen le ye la tikatte le ipa ye di bangabangana ki a tidu tana i.

Paposingi Betanga (Kamapim Tok Hait) 13:6

Le nga asara gok tani in imadit tina le ikan paseme Maro, inbe iwete mur ye Maro ipa ye malala ki yo inepe ye i, in ene. Inbe iwete mur ye di bangabangana ke Maro le di tooltool ki yo tinepe ye malala ki nga, ngan lapau.