Paposingi Betanga (Kamapim Tok Hait) 12:10 - Rau Ke Maro

¹⁰ Motong la alongo tool atu kalngana koonoo le mai ye malala ke Maro a isi inbe iwete nen, “Dookoot nga gurana ke Maro kiidi in pombe la mallangana oo. Ngan ye gurana ki tani in la le ikap di tooltool ki a ipamulu di ye so dook tiap yo bet igarung di i, inbe man igaua di le imot a bet matan kala di. Inbe ikaua gurana mai pang Kirisi a bet nen ngan iyei tool kuto mai pang so nga le imot, yesoo tool yo isopo koonoo pang di diede la Maro kiidi matana ye ke le bong i, in tikatte a idu tana oo.

Paposingi Betanga (Kamapim Tok Hait) 12:10 Referans Kwoze

Luka (Luk) 22:31

Motong la Yesu iwete pang Simon nen, “Simon, Simon, kupalongo! Satan itor bet ole itou ang atu atu ye lo medana kiang, dawa ben tool ke kapgingi bet itaurai dingding patunu a bet kulini ikoo ye kanono nga.

Paposingi Betanga (Kamapim Tok Hait) 11:15

Ngan akamata so tina ngan a imot, motong la bangabangana ke Maro tina yo limi be ru ki i, in imaia tauru ki, ngan le di tooltool kalngadi tiwetewete le maimai ye malala ke Maro a isi, inbe tiwete nen. Tiyei ne, “Lal yo bet di tooltool kapala matadi kala di tooltool ke tana i le imot ye i, in imot oo. Inbe dookoot nga Tool Mai Maro iye Kirisi yo ye taunu ipootoo panga i, in yeru la bet matadi kala di tooltool nga le imot le iken nen le taukan motingi i.”

Matiu (Matyu) 28:18

Motong la Yesu iman potai ye di a iwete pang di nen, “Au i, Maro kaua gurana mai pau, le ayei Tool Mai pang so le imot yo iken ye malala ke Maro nga, inbe yo iken tana pono, ngan lapau.

Paposingi Betanga (Kamapim Tok Hait) 2:26

“Nen le kumata bet tool ikodo le imede le illos dada dook tiap yo ke sennene nga, inbe itoo lok le ilo ye lal yo bet so nga imot ye in nga, ngan ole akaua gurana mai panga, a bet nen ngan iyei tool kuto mai pang di tooltool ke ni mai i le imot. Moolmool, ole akaua gurana mai panga dawa ben yo Tamak ikaua gurana mai pau nga. Le ole iyei tool kuto mai a matan kala di tooltool dawa ben Rau ke Maro iwete nga. Ngan iwete nen, ‘Ye in ole itoko so dawa ben koro medana ye bene a iyei kuto mai pang di tooltool ye. Nen le di tooltool yo tiyei dada dook tiap nga, ngan ole irau di dawa ben tool yo iraua bor yo tikarata ye tana ngan le perbe a imarrum le imayiriyiri i.’

2 Korin (2 Korin) 12:9

Bong ngan iwete pau nen, “Tiap! Ngan ong in, dada kiau yo bet lok pong a ayei dada dook mata pong nga, ngan ipon yong, le ke bet kusolo moonoo yo nen nga. Yesoo, ye kene yo ong in bet taukam guram ye in nga, ngan ole gurana kiau pombe mallangana pang di tooltool le imot bet tikamata.” Ngan Tool Mai tani in iwete pau nen, ngan nen le kumata bet taukak gurak nga, ngan ole lok ponana inbe apayitau ye, a bet nen ngan di tooltool lodi galanga nen, Kirisi gurana ki la ikenen yau i.

Luka (Luk) 11:2

Motong la Yesu iwete pang di nen, “Kene yo bet kapatarau ye in nga, ngan kawete nen. Kayei ne, ‘Tamamam, ampatarau pong nen, bet di tooltool nga le imot tiparanaia em, inbe kusi a si matam kalam am le imot.

Matiu (Matyu) 26:64

Ngan Yesu iyei ne, “E, dawa ben tina la kuwete koot nga. Bong lok bet awete betanga i pang ang nga le imot nen. Pang dama ni nga, ngan ole kakamata Tool Moolmool ke Maro iwur ye Maro yo gurana ki mai mata i, in bene oonoo, inbe ipa ye eng tene a isi pang tana.”

Matiu (Matyu) 6:10

Inbe kusi a si matam kalam am le imot, inbe di tooltool ke tana i bet titoo lom dawa ben di tooltool ke malala kiong titoo lom nga.

Titi (Taitus) 2:3

Le gaongo leu, kupatomonai di garup yo maimai nga, a kuwete pang di bet tinepe dawa ben di tooltool yo tiraua pang Maro nga. Nen le kuwete pang di a tillung pang di diedi a tigarung edi be, inbe titoo lodi yo ke yinungu ooroo wain surunu in mata be, bong ole tipatomonai di tooltool ye dada yo dook mata nga.

1 Korin (1 Korin) 5:4

Ngan dada tani in nen, awete pang ye Tool Mai kiidi Yesu ene bet ang katara gaongo sa. Inbe ye gaongo tani ngan ole dawa ben au i ayang tanepe, yesoo lok pang mai san. Le kagaua, lo ngan bet ye gurana ke Tool Mai Yesu nga,

Paposingi Betanga (Kamapim Tok Hait) 7:10

Inbe koodi le kalngadi mai nen, “Maro kiam, ong in kuwur ye kakawa ke burungu ke tool kuto mai, inbe ong in kuye Sipsip Natunu la kapamulam ye so dook tiap yo bet igarungam i.”

1 Pita (1 Pita) 5:8

Ole kakaptutang dook ye nepongo kiang, inbe matamu kalang dook, yesoo koi kiang yo tool kuto mai kidi so sidi i, in ye la ipa bet isere di tooltool yo bet igarung di i. Ngan ye in dawa ben asara gok yo ene laion i, le ipa bet isere so yo bet ikani i.