Paposingi Betanga (Kamapim Tok Hait) 10:11 - Rau Ke Maro

¹¹ Motong la tool atu koonoo pau mulu nen, “Nga ole kouo Maro koonoo mulu a la kuwete betanga ki ye so yo bet pombe pang ye di tooltool ke tana maimai nga, inbe di tooltool yo kulidi le koodi ki ki nga, inbe di tooltool yo tiyei kuto maimai pang tana yo maimai ngan le imot nga.”

Paposingi Betanga (Kamapim Tok Hait) 10:11 Referans Kwoze

Paposingi Betanga (Kamapim Tok Hait) 17:15

Ngan bangabangana ke Maro tani in iwete pau nen a imot, motong la iwete pau mulu nen, “Ran maimai yo kumata garup lekelekene tani in iwur lo pono nga, ngan tinanpootoo di tooltool ke tana maimai nga le imot. Di tooltool tina ngan di tooltool budanga maimai yo tigaua a tinepe gaongo nga, inbe di tooltool yo kulidi le koodi ki ki ngan lapau.

Paposingi Betanga (Kamapim Tok Hait) 14:6

Motong la akamata bangabangana ke Maro san mulu, in iro meneng lang katene ete ni. Ye in urata ki ke bet ikaua bingi dook mata yo taukan motingi in pang di tooltool yo tinepe tana pono nga. Ngan nen le ila bet la iwetewete pang di tooltool ke tana maimai nga le imot yo bareme kidi ngan ki ki, inbe koodi le kulidi ngan ki ki lapau nga.

Paposingi Betanga (Kamapim Tok Hait) 11:9

Nen le bobodi ole sila iken nen a di tooltool tina ke tana maimai nga le imot yo kulidi le koodi ngan ki ki inbe bareme kidi ngan ki ki lapau nga, ngan ole tikamata bobodi a koodi tada pang di ye ke tol inbe ke san in kapala ki. Bong di ngan o ke bet timalum pang di tooltool sa a tikap di dook la tikelmai di, ngan tiap.

Paposingi Betanga (Kamapim Tok Hait) 5:9

Motong la di le imot tiwouo woungu paunu atu in nen, “Ong in la tool dook mata ke bet kouo rau lulungu tani inbe kukede bun yo tipokokala ye nga, yesoo ong in tiraumatong a kumata oo. Inbe ye rara kiong tani in la kuyimi di tooltool ye a kupamulu di pang ye Maro i. Ngan di tooltool tina yo kupamulu di nga, ngan tipa ke tana maimai nga le imot, le bareme kidi ngan ki ki, inbe koodi le kulidi ngan ki ki lapau.

Paposingi Betanga (Kamapim Tok Hait) 10:10

Ngan akaua rau lulungu kase tani ye bangabangana ke Maro in bene a akani, ngan kook lono isil ye dook mata san dawa ben bagil surunu. Bong kene yo atona ye in nga, ngan le kapok lono iparpilong ye dook.

Paposingi Betanga (Kamapim Tok Hait) 11:1

Motong la tikaua kai dundunngana dawa ben koro medana ke touanga so in pau, inbe tool atu iwete pau nen. Iyei ne, “Kula la kurouo bareme mai ke sungunu pang Maro le ipa ye kakawa ke paroranga so pang Maro ni, inbe kukinkat di tooltool yo tisung pang Maro ye bareme mai tani nga lapau.

Paposingi Betanga (Kamapim Tok Hait) 17:10

Inbe gaongo leu ye kutono yo limi be ru nga, ngan inanpootoo di tooltool kuto maimai limi be ru yo matadi kala tana maimai nga lapau. Di tooltool kuto maimai tina nga, ngan limi ngan timmata oo, inbe atu la inepe go i. Inbe san mulu in pombe tiao, bong ye kene yo bet pombe ye in nga, ngan ole inepe ye manga mooloo kasin leu.

Paposingi Betanga (Kamapim Tok Hait) 17:12

“Ngan sipi sangaul yo kumata ikodo ye asara gok dook tiap tani in kutono nga, ngan tinanpootoo di kuto maimai sangaul yo tikap gurana pang di bet matadi kala tana maimai ye, ngan tiao nga. Bong ole tiye asara gok tani in tikaua gurana mai a nen ngan tiyei kuto maimai, inbe matadi kala tana maimai ye manga modono kasin leu.