Matiu (Matyu) 5:4 - Rau Ke Maro

⁴ Inbe di tooltool yo lodi madoko nga, ngan lodi ponana, yesoo Maro ole iyei urata dook mata pang di a ipamede di.

Matiu (Matyu) 5:4 Referans Kwoze

Paposingi Betanga (Kamapim Tok Hait) 21:4

Inbe ole imus matadi surunu le imot a ikoo ye matadi. Inbe di tooltool tina o ke bet timmata mulu tiap, inbe lodi madoko a titang mulu tiap, inbe o ke bet tiyetai toko masngana sa mulu tiap lapau, yesoo dada yo ke mugu nga, ngan ilene a imot oo.”

Luka (Luk) 6:21

Ang di tooltool yo dookoot ngan kakana pitolo nga, ngan lomu ponana, yesoo ole Maro iyei urata dook mata pang le kakan kapo sung. Ang di tooltool yo dookoot ngan katangtang nga, ngan lomu ponana, yesoo ole Maro iyei urata dook mata pang le kangele.

Yemis (Jems) 1:12

Ngan tool bet ikodo le tutube a isolo urata moonoo ke touanga tina yo bet pombe pang ye nga, ngan ole Maro iyei urata dook mata panga. Yesoo, ye kene yo bet ikodo le imede inbe irausap touanga tina le imot nga, ngan ole ikaua nepongo dook mata yo taukan motingi i. Ngan nepongo tani in Maro ipamede betanga medana ye bet ole ikauu pang di tooltool yo lodi panga mai san nga.

Luka (Luk) 16:25

“Bong ngan Awaram iraua betanga ki nen, ‘Natuk, nga ole lom kaua urata dook ngan. Ye kene yo kunepe matam rerene go nga, ngan balingi le so kiong alunu san le nepongo kiong dook mata kaiye. Inbe Lasarus in barau taukan so le nepongo ki sa dook tiap. Bong dookoot nga ole inepe ye lo ponana la ni nga, inbe ong in ole sila kunepe nangan a kusolo masngana mai nen.

Luka (Luk) 6:25

Atoo, ang di tooltool yo dookoot ngan kakan kapo sung nga, ken kakamatang dook leu, yesoo pang dama ni, ngan ole kakana pitolo. Atoo, ang di tooltool yo dookoot ngan lomu ponana a kangele nga, ngan ken kakamatang dook leu, yesoo pang dama ni nga, ngan ole lomu madoko a katang.

Luka (Luk) 7:50

Motong la Yesu iwete pang garup tani nen, “Ye lom medana yo kutaru pau i, in la le Maro ipamulong ye so dook tiap tani yo bet igarungong i. Le kula ngan le la kunepe ye lo silene ke Maro.”

Luka (Luk) 7:38

Ilo, ngan le ikodo ke Yesu murini potai pang ye Yesu kene, inbe itang, le lulunu tomtombe du ingau Yesu kene. Motong la garup tani imusmus lulunu tina yo ingau Yesu kene, ngan ye ye taunu kutono raunu, inbe iwarara Yesu kene a isom. Motong la ikaua dap yo tipalingi ye kai surunu kini ki dook mata i, in a isalin Yesu kene ye.