Matiu (Matyu) 2:2 - Rau Ke Maro

² lo tipa a titortor di tooltool nen. Tiyei ne, “Ai, kase mai tiap yo tinana ipasuiu a bet iyei tool kuto mai pang di Yuda i, in inepe ngai? Am nga amkamata kanpitiki iyei ben tarkilanga ki ye ni yo ke ipa ye a ise i, ngan nanga la amse bet se amsung panga nga.”

Matiu (Matyu) 2:2 Referans Kwoze

Paposingi Betanga (Kamapim Tok Hait) 22:16

“Au Yesu, la awanga bangabangana kiau a isila bet sila iwetewete betanga moolmool tina ngan pang ang di tooltool yo kagaua ye bareme ke Yesu nga. Au i la sudud yo pombe ye sasa ke Dawiti i, inbe au i la boi ke pang malama yo ilolo i.”

Yowan (Jon) 18:37

Yesu iwete nen le nga Pailot itoru, “Ai, moolmool! Ong i o tool yo iyei tool kuto mai, ngan atu, too?” Motong la Yesu iraua betanga ki nen, “Betanga kiong yo kuwete bet au i tool kuto mai i, in moolmool. Ngan ye punu in la le tinak ipasui au a asi tana ye i, a bet nen ngan awete betanga moolmool pang di tooltool nga le imot. Ngan nen le di tooltool yo lodi dook mata ye betanga moolmool nga, ngan ole tilongo betanga kiau.”

Ibru (Hibru) 1:6

Inbe ye kene yo Maro iwanga Natunu mumuganga a isi tana ye in nga, ngan iwetewete ye nen, “Di bangabangana ke Maro nga le imot bet tisung panga.”

Luka (Luk) 23:38

Motong la tiwodo betanga pattu a tirauu lo ye kai palasingi ke Yesu kutono ke ete. Ngan betanga tina ngan tiwodo nen: I Tool Kuto Mai Yo Matan Kala Di Yuda Le Imot I.

Luka (Luk) 23:3

Motong la Pailot itoru nen, “Oo kuwete, ong i la tool kuto mai yo matam kala di Yuda le imot i, too?” Ngan Yesu iraua betanga ki nen, “E, dawa ben tina la kuwete koot nga.”

Yowan (Jon) 5:23

a bet nen ngan di tooltool le imot ole tiraua pang Natunu dawa ben tina yo tiraua pang Tamana nga. Kumata le sei tool bet iraua pang Natunu tiap nga, ngan iraua pang Tamana yo iwanga a isi i, in tiap lapau.”

Yowan (Jon) 1:49

Motong la Nataniel iyei ne, “Pannoongoo, ong in Maro Natunu moolmool! Inbe ong in tool kuto mai yo bet matam kala tana kidi Isrel le imot i!”

Luka (Luk) 19:38

“Maro ole iyei urata dook mata pang ye tool kuto mai yo isi ye Tool Mai ene i. Maro yo inepe ye malala ki ete ni, in iyei idi tooltool le imot le tanepe ye lo silene ki. Le tayeie ene le ilo ete ke bet di tooltool tipayiti ye!”

Luka (Luk) 2:11

Dookoot bong katai i, garup atu ipasuiu natunu malala mai ke Dawiti. Ngan kase tani in Tool Mai Kirisi yo mugu ngan Maro itara betanga medana ye bet ole ikau ang le imot a ipamulang ye so dook tiap tani yo bet igarungang i.

Yowan (Jon) 9:38

Motong la tool tani in iyei ne, “Tool Mai, au i atara lok medana pong.” Motong la igun turunu, inbe isung pang Yesu.

Yowan (Jon) 19:19

Motong la Pailot iwete le tiwodo betanga pattu ilo ye siri, inbe tirauu lo kai palasingi kutono ke Yesu. Ngan betanga tina ngan iwete nen: Yesu Ke Nasaret, Tool Kuto Mai Yo Matan Kala Di Yuda Le Imot I.

Yowan (Jon) 12:13

Motong la di tooltool tina ngan tikap so dawa ben kautuku raunu a tipakala a tidu pang diki bet du tikamata. Le nga du tikamata, motong la koodi le mai nen. “Tayitmaka Maro ene! Maro ole iyei urata dook mata pang tool yo isi ye Tool Mai ene i. Maro ole iyei urata dook mata pang tool yo iyei kuto mai a bet matan kala tana kidi Isrel le imot i.”

Matiu (Matyu) 27:11

Tikaua Yesu lo tipatokode a ikodo dama ke tool kuto mai kidi Yuda, motong la itoru. Iyei ne, “Oo kuwete, ong i la tool kuto mai yo matam kala di Yuda le imot i, too?” Ngan Yesu iyei ne, “E, dawa ben tina la kuwete koot nga.”

Yowan (Jon) 20:28

Ngan tina Yesu iwete panga nen nga, le nga Tomas iyei ne, “Ong i Tool Mai kiau, inbe ong i Maro kiau.”

Matiu (Matyu) 21:5

Ngan betanga tina yo Maro koonoo iwodo ngan nen, “Kawete pang di tooltool ke Saion nen, ‘Kakamata, tool kuto mai kiang yo bet matan kala tana mai kiang le imot i, in ye la bet ise pang yang i. Ye in tool ke lo silene pang di tooltool nga le imot, inbe iwur donki pono. Ye la iwur donki kase paunu pono a ise pang yang i.’ ”

Matiu (Matyu) 2:3

Tiwete betanga nen, le di tooltool pattu la tillaikoodi pang Erot yo tool kuto mai i, in a ilongo, ngan le lon sakarungu le dook tiap yege. Inbe di tooltool ke Yerusalem yo tilongo betanga tani nga, ngan di le imot lodi sakarungu ye lapau.