Maka (Mak) 9:26 - Rau Ke Maro

²⁶ Motong la so sidi tani in isulu paue a ikatte kase tani le idu tana a itangarur belebele, inbe ipas a ila. Ngan ipas a ila inbe kase tani in sila iken le tau pulesingi ye dawa ben tool imata nga. Le nga di tooltool malala mai tina ngan tikamata le tiyei ne, “Ona, o imata oo.”

Maka (Mak) 9:26 Referans Kwoze

Maka (Mak) 9:20

Motong la tikaua kase tani a ila pang ye nga. Bong yeiso bet so sidi tani in ikamata Yesu, ngan le pattu leu be idiwidiwi kase tani a ikatte du tana du itangarur a itapulpul, inbe ngoon sian du ye koonoo.

Maka (Mak) 1:26

Motong la so sidi tani in itaktaka tool tani a ikatte du tana, inbe isulu katkat a igege a ikoo.

Paposingi Betanga (Kamapim Tok Hait) 12:12

Ngan nen le ong malala ke Maro, inbe ang di tooltool le imot yo kanepe ye malala tani in nga, ngan lomu ponana. Bong atoo, ong tana inbe ong tiek, ken kakamatang dook leu, yesoo tool kuto mai kidi so sidi la isila pang yang in. Ngan ye in katen malmal mai san, yesoo lon galanga nen bet lal ki in mooloo mata tiap.”

Maka (Mak) 9:18

Kanakana ngan kumata bet so sidi tani in imadit ye nga, ngan ole ikatte du tana a isodangadanga a ngoon sian du, inbe ikanen dongana a iparrasa. Ngan la aman bet man ator di galium nga bet tinganga so sidi ye, bong ngan ke bet tiloni tiap.”

Matiu (Matyu) 15:22

Motong la garup atu ke Kenan yo ipa ye rara kidi Yuda tiap a inepe ye ni tani i, in iman pang ye man itang panga, inbe iyei ne, “Tool Mai, ong in Dawiti Natunu. Lom pau! Natuk garup ni so sidi idiwidiwoo a igarungu, le imassingi dook tiap yege.”

Maka (Mak) 9:25

Ye kene tani in Yesu ikamata di tooltool malala mai tina ngan timadit bet tidada a tila pang ye di nga, le nga ipasak pang so sidi tani. Iyei ne, “Ong so sidi yo kuyeie kase i a koonoo le talngana kisis i, in awete le kook mede ye betanga pong bet kupas a kugege le kumulukala mulu be.”

Maka (Mak) 9:27

Bong ngan Yesu itoko bene inbe ipamaditi le lo ikodo.