Maka (Mak) 8:18 - Rau Ke Maro

¹⁸ Ang nga matamu, bong nga gelei a kakamata so sa ye tiap nga? Inbe ang nga talngamu, bong nga gelei a kalongo betanga ye tiap nga? Ang nga o lomu tut pitiap yege, too?

Maka (Mak) 8:18 Referans Kwoze

Maka (Mak) 4:12

a bet nen ngan, ‘kanakana ngan ole tikamata so yo Maro iyei nga, bong o ke bet tikilala tiap. Inbe kanakana ngan ole tilongo betanga yo iwete nga, bong o ke bet lodi galanga ye tiap, ole nen ngan bet tiportak lodi nga, ngan Maro igiri sennene kidi!’ ”

Yowan (Jon) 12:40

“Maro iyei matadi le tikamata ni tiap, inbe ipammata lodi le lodi galanga ye so siap. Ole nen ngan matadi nga tikamata so ye, inbe lodi galanga ye betanga punu, ngan ole tiportak lodi a timulu pang yau a bet nen ngan akarata di le dook mata.”

Rom (Rom) 11:8

Le dawa ben tina Rau ke Maro iwete nga, “Di ngan, Maro iyei di le tinepe dawa ben tool iken mata le iken kalli nga. Ngan nen le se dookoot katai nga, ngan matadi nga ke bet tikamata so ye tiap, inbe talngadi nga ke bet tilongo betanga ye tiap lapau.”

2 Pita (2 Pita) 1:12

Ang ngan o lomu galanga ye so yo awetewete ye, ngan oo. Inbe kaparama betanga moolmool ke Kirisi yo di tooltool tipatomonai ang ye, in oo. Bong au i lok bet apamadit lomu ye so tina ngan le ikenen leu.

2 Tesalonaika (2 Tesalonaika) 2:5

Lomu kalli, too? Ye kene yo ayang tanepe ye in nga, ngan awete pang ye so tina ngan oo.