Maka (Mak) 7:7 - Rau Ke Maro

⁷ Di ngan tiwete bet tipatomonai di tooltool ye betanga ke Maro yo moolmool i, bong tiap, tipatomonai di tooltool ye dada le momo yo ke di sasa kidi nga leu. Ngan la le sungunu kidi yo kanakana ngan tisung pau ye nga, ngan taukan kanono.’

Maka (Mak) 7:7 Referans Kwoze

Matiu (Matyu) 15:9

Di ngan tiwete bet tipatomonai di tooltool ye betanga ke Maro yo moolmool i, bong tiap, tipatomonai di tooltool ye dada le momo yo ke di sasa kidi nga leu. Ngan la le sungunu kidi yo kanakana ngan tisung pau ye nga, ngan taukan kanono.’ ”

Yemis (Jems) 1:26

Ngan nanga, kumata tool atu lon kaua urata bet so yo iyei ngan ole Maro lon ponana ye, bong bet ikap tutu koonoo dook ye betebetanga ki tiap nga, ngan ye taunu in ikaua llungunu ye. Inbe so yo iyei a bet Maro lon ponana ye nga, ngan ben so sorok.

Kolosi (Kolosi) 2:22

Bong wer yo nen nga, ngan iwete ye so yo takap a tayei urata ye kasin, ngan ole mooloo tiap be imot nga. Yesoo, wer kidi tina, ngan ipa ye di tooltool ke tana i, inbe titoo di tapdi lodi a tipatomonai di tooltool ye bet titoo.

Matiu (Matyu) 6:7

“Inbe ye kene yo bet kapatarau ye in nga, ngan ken kawete gogo betanga a kayolo pataraungu ben di tooltool yo lodi galanga ye Maro tiap ngan tiyei, nga be. Yesoo, di ngan lodi tar bet tiwete tootoo betanga nen ilo ye pataraungu kidi le mooloo, ngan la bet Maro ole ilongo pataraungu kidi nga.

Titi (Taitus) 3:9

Bong ken kunepe le manga mooloo ye di tooltool yo tiso pang bete sorokingi pang di diedi a bet nen ngan tiye di koodi parkap ye betanga yo taukan punu nga. Inbe di tooltool yo tipit di rara kidi edi mata nga, inbe tiye di diedi tiparsu ye betebetanga, inbe koodi parkap ye betanga ye wer ke Maro nga, ngan kunepe manga mooloo ye di, yesoo betanga yo nen nga, ngan dook mata ke bet ilon di tooltool tiap.

Paposingi Betanga (Kamapim Tok Hait) 22:18

Au Yowan i awete betanga medana pang di tooltool yo tilongo betanga ke Maro yo di Maro koonoo tiwete le iken ye rau i nga, ngan nen. Kumata bet tool atu iwete sorok betanga sa le ipaloka lo ye betanga yo tiwodo ye rau i nga, ngan ole Maro ipaloko urata moonoo masngana mai yo tiwodo betanga ki ilo ye rau i nga, ngan ilo pono lapau.

Yemis (Jems) 2:20

Atoo, ong in tool kapakapa sa! Kumata bet kuwete nen, “Au i atara lok medana pang Maro,” bong bet kuyeie dada dook mata siap nga, ngan lo medana kiong in ben so sorok. Nga gelei, lom galanga ye betanga i tiao, too?

1 Korin (1 Korin) 15:14

Inbe kumata le moolmool bet Kirisi imadit mulu tiap nga, ngan betanga yo amwetewete pang ye nga, ngan ben betanga sorok. Inbe lomu medana yo kataru i, in ben so sorok lapau.

1 Korin (1 Korin) 15:58

Ngan nen le ang di diek nga, kakodo le kamede ye lomu medana yo kataru i, inbe ken kamalum pang so sa yo bet igarungang ngan be. Inbe kanakana ngan kagaua lomu le atu bet kayei urata ke Tool Mai, yesoo lomu galanga nen, urata kiang yo bet kayei ngan o ke bet ilene sorok tiap.