Maka (Mak) 14:45 - Rau Ke Maro

⁴⁵ Motong la Yuta tani in palbe leu be ipa gorro Yesu a ila le la iwete panga nen, “Pannoongoo!” Inbe iwarra a isomo pangana.

Maka (Mak) 14:45 Referans Kwoze

Yowan (Jon) 20:16

Iwete nen, motong la Yesu iwete panga nen, “Madia.” Le nga bet iportak pang ye ngan ikilla, motong la iwete panga ye di Ibru koodi nen, “Raboni!” (Ngan betanga yo Raboni in punu ben Pannoongoo.)

Luka (Luk) 6:46

Yesu iwete mulu nen, “Nga gelei bet kakiu au ye ‘Tool Mai, Tool Mai,’ bong katoo betanga kiau tiap nga?

Maka (Mak) 12:14

Le nga tila ye, motong la tiwete panga nen, “Pannoongoo, am nga lomam galanga bet betanga kiong yo kuwete ngan moolmool leu. Inbe ong i ke bet kutattadaia kam tool siap. Le kumata bet kuwete pang di nga, ngan lom rru ye di bet di tooltool balai, ngan tiap, bong ole kuwete betanga gaongo leu pang di, inbe kupatomonai di tooltool ye dada moolmool yo ke Maro ngan le imot. Ngan la bet amtorong nga, ong i lom balai? Nga dook mata bet idi nga tatar pat pang tool kuto mai kidi Rom yo Sisa i, too tiap?”

Maka (Mak) 14:44

Ngan tool tani yo bet itara Yesu la di koi ki bedi i, in ikarata betanga pang di tooltool tina ngan mugu nen, bet ole iyeie so sa pang Yesu a iyei ben tarkilanga pang di. Ngan iwete nen, “Kakamata tool atu bet awarra a asomo pangana i, in tool tani nain, a kakauu a kaparama le imede, inbe matamu kala dook a kadede a kala.”

Maka (Mak) 14:46

Le nga di tooltool yo iye di tila nga, ngan titokolana Yesu a tiparama.

Yowan (Jon) 4:31

Ngan ye kene tani in Yesu di galiunu tiwete panga nen, “Pannoongoo, kon so pa ngan.”