Maka (Mak) 14:31 - Rau Ke Maro

³¹ Bong ngan Pita iwete le koon mede a iyei ne, “O tiap! Kumata le lodi bet au i tiraumatau lapau a aru tammata nga, ngan o ke bet awete a apataukalong bet au i lok galanga yong tiap, ngan tiap.” Ngan le di galiunu tina yo kapala nga, ngan di le imot tiwete betanga gaongo nen lapau.

Maka (Mak) 14:31 Referans Kwoze

Yowan (Jon) 13:37

Motong la Pita itoru mulu nen, “Tool Mai, nga gelei a dookoot nga ke bet atoo ong tiap nga? Au i ole araia tinik bet alonong a amata.”

Matiu (Matyu) 10:33

Bong sei tool bet ipataukala ek ye di tooltool bet ye in galiuk tiap nga, ngan au lapau, ole apataukala ene ye Tamak yo inepe ye malala ki ete ni, bet tool in galiuk tiap lapau.

Maka (Mak) 14:30

Motong la Yesu iraua betanga ke Pita nen, “Awete pong moolmool nen, dookoot bong katai nga, ngan ole tareke itang le paru tiao, inbe kupataukala a kuwete le patol bet ong i lom galanga yau tiap.”

Maka (Mak) 14:32

Yesu iye di galiunu tipa le lo pombe ye ni atu yo ene Getsemani i. Motong la iwete pang di nen, “Si kawur nanga, inbe au ole ala apatarau pang Maro ngan.”

Luka (Luk) 23:23

Bong ngan koodi tootoo a timangmang ye Yesu bet tipatota lo kai palasingi kaini. Le nga di tooltool tina ngan di le imot oorootang le mai a tirautoo betanga ke Pailot.

Maka (Mak) 10:39

Ngan yeru tiyei ne, “E, amkanamai am ngan o ke bet amyei nen.” Motong la Yesu iwete pang di nen, “Dook mata, angru nga ole kayin ye ruku yo bet ayin ye i, inbe karriu ye rriungu yo bet arriu ye i.