Maka (Mak) 14:27 - Rau Ke Maro

²⁷ Yesu iye di galiunu tipa a bet tilo pang kawal Olip, ngan iwete pang di nen, “Ang nga ole kagege lomu medana yo kataru pau i, inbe ang le imot kakoo yau. Awete pang nen, yesoo betanga yo tiwode lo ye Rau ke Maro in iwete nen, ‘Au i ole araumata tool yo matan kala di sipsip i, ngan ole di sipsip ki tina timayiriyiri a tikoo.’

Maka (Mak) 14:27 Referans Kwoze

Yowan (Jon) 16:32

Bong kapalongo, lal tani yo awete pang ye bet pombe i, in dookoot nga pombe oo. Le mooloo tiap ngan ole kamayiriyiri a ang atu atu kakoo pang ye malala kiang. Inbe ole kawulai yau le autaleu la bet si anepe i. Bong autaleu tiap, yesoo Tamak la bet inepe yau i.

Matiu (Matyu) 26:31

Motong la Yesu iwete pang di galiunu nen, “Bong katai ngan so yo bet pombe pang yau i, in ang nga ole kakamata le kagege lomu medana yo kataru pau i, inbe ang le imot kakoo yau. Awete pang nen, yesoo betanga yo tiwode lo ye Rau ke Maro in iwete nen, ‘Au i ole araumata tool yo matan kala di sipsip i, ngan ole di sipsip ki tina timayiriyiri a tikoo.’

Yowan (Jon) 16:1

Motong la Yesu iyei ne, “Au i awete pang nen nga, ngan bet nen a lomu medana yo kataru pau i, in katte be.

2 Timoti (2 Timoti) 4:16

Ye kulkulunu kiau lo akodo dama ke tool ke karatanga betanga inbe arau betanga ki nga, ngan tool atu sa bet man ikata suanga yau, ngan tiap. Bong di le imot tigegau. Ngan tiyei dada nen pau, bong apatarau pang Maro bet ken lon tutu dada dook tiap kidi, in be.

Matiu (Matyu) 11:6

Ngan tool yo ikamatau ngan itara lono medana pau le imede i, in Maro ole iyei urata dook mata panga le lon ponana ye.”