Maka (Mak) 10:51 - Rau Ke Maro

⁵¹ Ila ye, motong la Yesu itoru nen, “Soo so lom bet ayeii pong i?” Ngan tool mata kis tani in iyei ne, “Pannoongoo, au i lok bet matak rere a akamata ni.”

Maka (Mak) 10:51 Referans Kwoze

Maka (Mak) 10:36

Ngan Yesu iraua betanga kidi yeru nen, “Soo so angru lomu bet ayeii pang i?”

Matiu (Matyu) 7:7

“Kumata bet katoro Maro ye so bet ikap pang nga, ngan ole ikap pang. Inbe kumata le kasere so nga, ngan ole ilonang le kapusye. Inbe kumata bet kapitpiti dada nga, ngan Maro ole iso dada pang.

Pilipai (Filipai) 4:6

Ken lomu madoko ye so sa be, bong kanakana ngan kapatarau pang Maro a katoru ye soo so yo bet ilonang ye nga. Inbe kawete lo ponana kiang panga le ipa ye pataraungu kiang ngan lapau.

Matiu (Matyu) 6:8

Le ken katoo dada kidi be, yesoo soo so yo lomu bet Tamamu ilonang ye nga, ngan ye in lon galanga ye mukot, motong la katoru ye nga.

Matiu (Matyu) 23:7

Inbe di ngan lodi bet tipa ye ni ke yawaringi so, a nen ngan di tooltool tiwete lo ponana kidi pang di, inbe tikiu di ye ‘Tool mai ke Patomonaingi.’

Yowan (Jon) 20:16

Iwete nen, motong la Yesu iwete panga nen, “Madia.” Le nga bet iportak pang ye ngan ikilla, motong la iwete panga ye di Ibru koodi nen, “Raboni!” (Ngan betanga yo Raboni in punu ben Pannoongoo.)

Matiu (Matyu) 23:8

“Bong ang nga ken lomu bet di tooltool tikiu ang ye ‘Tool mai ke Patomonaingi’ be, yesoo ang le imot nga taimu le toomu. Inbe tool ataleu la iyei kuto mai pang i.

Maka (Mak) 10:50

Motong la tool tani in ikatte sousoungu matolene ki in pang diki sila ikino, inbe imadit purukbe le lo ikodo a ila pang ye.

Aposol (Aposel) 23:19

Motong la tool kuto mai ke patokongo tani, in idede kase tamoto tani in bene a yeru leu tila manga mooloo kasin, inbe itoru nen, “Oo, kuwete. Soo betanga kiong bet kuweta pau i?”