Maka (Mak) 1:13 - Rau Ke Maro

¹³ Ila le la iye di asara gok leu tinepe ye ni tani ye ke sangaul pai, inbe ye kene tani in Satan iman itoua. Bong di bangabangana ke Maro tisi matadi so a tiloni.

Maka (Mak) 1:13 Referans Kwoze

Ibru (Hibru) 4:15

Ngan awete nen, yesoo tool kuto mai kiidi ke paroranga so pang Maro, in lon galanga dook ben idi nga taukada gurada yo bet tarautoo sennene ye i. Inbe ye in touanga matana matana gaongo leu ben yo pombe pang yidi nga, ngan pombe pang ye a bet nen ngan iyei sennene, bong le iyei toko sennene siap yege.

Matiu (Matyu) 26:53

Nga gelei, ong i o lom galanga tiap, too? Kumata le kook pang Tamak bet ilonau nga, ngan ole pattu leu be iyawar di bangabangana ki alunu kaiye le kinkatingi kidi illos di budanga sangaul be ru ngan a tisi tilonau.

1 Timoti (1 Timoti) 3:16

Le moolmool, Maro ipitnai dada dook mata yo lono bet tatoo ngan paidi. Mugu ngan betanga tani in iken sollono, bong dookoot nga lod galanga ye nen: Yesu in iyei tool moolmool a pombe mallangana. Inbe Maro Amunu Silene ipitnaii paidi ben ye in Maro natunu. Di bangabangana ke Maro tikamata. Inbe di tooltool tikaua betanga ki a tiweteweta pang di tooltool ke ni mai i le imot. Le di tooltool ke tana i ngan alunu kaiye la titara lodi medana panga nga. Motong la Maro ikauu a ilo pang malala ki, a bet nen ngan iyeie ene le ilo ete ke bet di tooltool tipayiti.

Matiu (Matyu) 4:1

Motong la Maro Amunu Silene ipasongosongo Yesu bet ila pang ye ni soorookoonoo atu, a bet nen ngan la tool kuto mai kidi so sidi itoua.

Luka (Luk) 4:1

Maro Amunu Silene ipapono Yesu, motong la igege ran Yodan, inbe imulu a ila. Ngan Maro Amunu Silene ipasongosonga bet ipa pang ye ni soorookoonoo atu.