Luka (Luk) 3:2 - Rau Ke Maro

² Inbe ye kene tani in Anas iye Kepas titoko urata ben tooltool kuto maimai ke paroranga so pang Maro. Ngan ye kene tani in Yowan yo Sakaria natunu i, in inepe ye ni soorookoonoo, inbe Maro ikap betanga ki panga.

Luka (Luk) 3:2 Referans Kwoze

Aposol (Aposel) 4:6

Ngan di tooltool yo tilo tiye di tigaua ngan nanga: di tooltool kuto maimai ke paroranga so pang Maro, ngan edi la Anas iye Kepas, inbe Yowan iye Aleksanda, inbe di rara ke Anas kapala lapau la tise tiye di tigaua nga.

Yowan (Jon) 18:24

Motong la Anas iwete le ooroo tina yo tipaua Yesu ye i, in iken ye nen, inbe tikauu a tila pang ye Kepas yo iyei tool kuto mai san ke paroranga so pang Maro i.

Luka (Luk) 1:80

Tinepe le lo Yowan tani in maiyoko, inbe Maro Amunu Silene ipamede lono le gurana ki mai san. Motong la ila ye ni soorookoonoo atu yo taukan tooltool i, a la inepe nango le ilo ye lal ki yo bet ye taunu ipaposi ye urata ki pang di Isrel i.

Yowan (Jon) 1:23

Motong la Yowan iwete pang di ye betanga ke Maro koonoo Esai yo mukot ngan iwete nen, “Au i tool atu yo kalongo kalngana ye ni soorookoonoo a iwete le koonoo maimai nen, ‘Kakarata dada le igalanga pang Tool Mai bet ipa ye.’ ”

Matiu (Matyu) 26:3

Iwete nen a imot, motong la di tooltool maimai ke paroranga so pang Maro, inbe di tooltool maimai ke di Isrel, tilo tigaua ye rumu mai ke tool kuto mai ke paroranga so yo ene Kepas i.

Matiu (Matyu) 11:7

Yowan di galiunu tina ngan tigege a tila, motong la Yesu imadit ye betanga pang di tooltool malala mai tina ye Yowan tani nen. Iyei ne, “Ai, kene yo kala pang ye ni soorookoonoo nga, ngan kala bet la kakamata soo so? Bet la kakamata piu kaini yo muru iwalisi a ila bet iman i, too?

Maka (Mak) 1:2

Mukot yege ni nga, ngan Maro koonoo yo Esai in iwodo betanga ke Maro yo iwete ngan nen. “Kapalongo! Ole awanga tool atu ke bet imugu a ikaua bingi yong. Inbe ye in la bet ikarata dada pong i.