Ibru (Hibru) 8:9 - Rau Ke Maro

⁹ Ngan betanga medana paunu yo bet apamede pang di i, in o gaongo ben yo mugu ngan apamede pang di sasa kidi, in tiap. Ngan ye kene yo apamede betanga medana gurunu pang di ye in nga, ngan au i akap di ke Isip, inbe atoko bedi dawa ben kase maitiap tamana itoko bene nga, inbe arara di a timan. Bong lodi bet titoo betanga tani yo apamede pang di, in le iken so, ngan tiap, ngan la le awala murik pang di nga.

Ibru (Hibru) 8:9 Referans Kwoze

Galesia (Galesia) 4:24

Le di garup ru tina nga, ngan tinanpootoo betanga medana tina yo ru nga. Ngan betanga medana atu in ke kawal Sinai, in bet ipasui nga, ngan ole di natunu tiyei poranga leu, in la Aka i.

Maka (Mak) 8:23

Le nga Yesu itoko tool tani yo matan kis in bene, inbe idede a yeru tidu ke diki ke malala tani in. Motong la ikoronai ngoonoo ilo ye tool tani in matana, inbe itara bene lo pono. Inbe itoru nen, “Kumata so sa lapau, too?”

Aposol (Aposel) 13:11

Kulongo, dookoot nga ole kumata gurana ke Tool Mai bene. Ngan ole iyei ong a matam kis le ke bet kumata ni mulu tiap, inbe ole kunepe nen kasin ngan.” Ngan Paulu iwete nen, le tina pattu leu inbe matan todotodo a ikis le papabe. Le nga Elimas tani in iso ni, motong la ipa a itongotongorai bet le ipusye tool sa nga, ngan ole iloni a itoko bene, inbe irara ye dada.

Aposol (Aposel) 9:8

Motong la Saolo imadit lo ikodo a bet matan rere, bong ngan matan todotodo le ke bet ikamata ni ye tiap. Motong la di tooltool ki yo iye di tipa nga, ngan titoko bene inbe tirara a tila le la pombe Damaskas nga.

Aposol (Aposel) 7:36

Motong la Mose ikap di Isrel tina a tigege Isip a tila. Ngan tila le la iyei gogo mos matana matana a iyei ben tarkilanga panga ye tana mai Isip, inbe ye Tiek Kooroonoo, inbe ye kene yo tinepe ni soorookoonoo ye rai sangaul pai ye i.