Ibru (Hibru) 7:21 - Rau Ke Maro

²¹ Bong kene yo Maro itara Yesu bet iyei tool ke paroranga so ye in nga, ngan ipamede betanga ye ye taunu ene a iwete moolmool le ete panga. Le Rau ke Maro iwete nen, “Au Tool Mai kiong i, in apamede betanga pong ye au tauk ek a awete moolmool le ete nen, ‘Ong in ole kuyei tool ke paroranga so a kunepe nen le taukam motingi.’ Ngan nen le o ke bet apalele lok mulu tiap.”

Ibru (Hibru) 7:21 Referans Kwoze

Ibru (Hibru) 7:17

Ngan Rau ke Maro iwete nen, “Ong in tool ke paroranga so inbe ole kunepe nen le taukam motingi. Ong in tool ke paroranga so dawa ben Melkisedek.”

Rom (Rom) 11:29

Ngan nen, yesoo kumata bet Maro ipootoo di tooltool panga ye taunu koot nga, ngan ke bet iportak mulu tiap. Inbe kumata le iwete bet iyei dada dook mata sa pang di koot nga, ngan ke bet ilele lono ye mulu tiap.

Ibru (Hibru) 5:6

Inbe betanga ke Maro yo iken ye ni kapala ngan iwete nen, “Ong in ole kuyei tool ke paroranga so a kunepe nen le taukam motingi. Ong in tool ke paroranga so dawa ben Melkisedek.”

Ibru (Hibru) 7:20

Inbe Kirisi, in Maro ipamede betanga ye ye taunu ene a iwete moolmool le ete bet ole iyei tool ke paroranga so. Bong Liwi iye di tooltool kapala ke paroranga so, ngan Maro iyei dada nen ye di tiap.

Ibru (Hibru) 7:23

Mugu ngan di tooltool alunu la tiyei tooltool ke paroranga so pang Maro nga, yesoo kapala ole timmata a tigege urata kidi, lo ngan bet di tooltool tilon di a tiyei urata kidi.

Ibru (Hibru) 7:28

Le moolmool, di tooltool kuto maimai ke paroranga so yo wer ipootoo di nga, ngan di ngan taukadi guradi le timmata. Bong mur ye wer tina ke Maro yo ikap pang Mose nga, ngan Maro ipamede betanga ye ye taunu ene a iwete moolmool le ete nen, bet Natunu la bet iyei tool kuto mai ke paroranga so i. Ngan ye in itoo Maro lono le imot, le taukan busunu ye matana, inbe ole inepe le ikenen leu nen le taukan motingi.