Ibru (Hibru) 10:7 - Rau Ke Maro

⁷ Ngan tina nen nga, ngan la awete nen, ‘O Maro! Au naii la anam bet ayeie soo so yo ong lom bet ayeii i. Au i ole ayei nen moolmool, ben betanga tina yo tiwodo yau ilo ye rau lulungu kiong nga.’ ” Le i betanga tani yo Kirisi iweta pang Maro i.

Ibru (Hibru) 10:7 Referans Kwoze

Yowan (Jon) 4:34

Motong la Yesu iyei ne, “Kaningi yo kiau i, in nen, bet ole atoo tool yo iwangau a asi, in lono, inbe ayei porai urata ki.

Yowan (Jon) 6:38

Yesoo, au i apa ye malala ke Maro a asi nga, ngan bet si atoo au tauk lok tiap, bong bet si atoo Tool yo iwangau a asi i, in lono.

Yowan (Jon) 5:30

Au i ke bet ayeie so sa ye au tauk lok tiap. Au i alongo Tamak koonoo le atoo betanga ki, inbe akarata betanga ke di tooltool ye dada kidi yo tiyei nga. Ngan nen le urata kiau ke karatanga betanga tani, in ipa dook mata, yesoo atoo au tauk lok tiap, bong atoo Tamak yo iwangau a asi i, in lono.”