Aposol (Aposel) 12:9 - Rau Ke Maro

⁹ Le nga Pita imadit tina ngan le igege rumu lono tani, inbe itoo bangabangana tani a bet idu pang tana. Bong ngan Pita lon tar ben so yo bangabangana tani in iyei panga nga, ngan o moolmool tiap, le iyeisa nga o imi leu.

Aposol (Aposel) 12:9 Referans Kwoze

Ibru (Hibru) 11:8

Inbe Awaram lapau, ye in itara lono medana pang Maro. Ngan nen le ye kene yo Maro ikiuu a iwete panga bet igege malala ki inbe ila ye tana san yo bet ole ikauu panga in nga, ngan le itara lono medana ye betanga ki tani a ila. Moolmool, kulkulunu ngan ye in lon sarrara ye soo tana yo Maro ipamede betanga ye bet pang dama ni ngan ole ikauu panga i, bong ilongo koonoo a ila.

Aposol (Aposel) 26:19

“Ngan nen le tool kuto mai Agiripa, au i akamata so yo ben mianga ipa ye malala ke Maro a isi i, le ke bet asak betanga ki tiap.

Aposol (Aposel) 10:3

Le nga kene atu in tinepe le rrai ye so ben ke matana tol nga, ngan Konilias ikamata so atu ben mianga. Ngan le ikamata bangabangana ke Maro atu moolmool in ilo ye rumu lono ki lo iwete panga nen, “Konilias!”

Aposol (Aposel) 11:5

“Au i anepe malala mai Yopa nga, ngan apatarau a anepe, inbe akamata so atu ben mianga. Le nga akamata so maiyoko atu dawa ben mala in tiwat gigini yo pai nga ye ooroo, inbe tipadua ke lang katene a isi pang yau.

Aposol (Aposel) 10:17

Ngan mala tani in tiyole a ilo, inbe Pita nga sila lon kaua urata ye mianga ki tani in punu. Inbe ye kene tani in di tooltool yo Konilias iwanga di a timan nga, ngan man pombe. Le nga tipa a titortor di tooltool ye ni yo rumu ke Simon iken ye i, motong la timan le man tikodo ye dada ke koongoo ke rumu tani in.

Aposol (Aposel) 9:10

Ngan Yesu galiunu atu yo ene Annias i, in inepe la Damaskas ngo. Le nga ye mianga ki ngan ilongo Tool Mai bet ipootoo ene, inbe koonoo panga nen, “Annias.” Ngan se Annias tani in iraua betanga ki nen, “Tool Mai, au naii.”

Yowan (Jon) 2:5

Motong la tinana iwete pang di kapraingi yo matadi kala kaningi ngan nen, “Kumata le bet iwete pang ye soo so bet kayeii nga, ngan kayeii leu.”

Aposol (Aposel) 12:8

Motong la bangabangana tani in iwete panga nen, “Kuparir tarraia sousoungu kiong in, inbe kuparir loningi ke kem ngan.” Le nga Pita iyei ben tina yo bangabangana tani in iwete panga nga. Motong la bangabangana tani in iwete pang Pita mulu nen, “Kusousou tarraia ye sousoungu matolene kiong in, inbe kuman man kutoo au.”