Ngan ye dada yo nen nga, ngan la le akap betanga pang di garup tap yo tinidi paunu go nga, ngan bet tikere mulu a tipasui di natudi, inbe tiyei dada dook mata yo bet matadi kala di niditooroo le di natudi ye nga. Kumata bet tiyei nen nga, ngan la bet di koi kiidi tikamata so sa yo dook tiap ke bet tiwete mur yidi ye, ngan tiap nga.
1 Timoti (1 Timoti) 5:11 - Rau Ke Maro11 Bong ken kuwodo di garup tap yo tinidi paunu, ngan edi ilo ye rau be. Ngan kumata bet kuwodo edi lo ye rau, lo ngan bet tinidi iyolo pang di mulu bet tikere nga, ngan ole tigarungu betanga yo tipamede a iken kataunu kidi tiye Kirisi i. Gade chapit la |
1 Timoti (1 Timoti) 5:11
13 Referans Kwoze
Ngan ye nepongo kiang ke tana i, in kanakana ngan kayimi so dook mata matana matana pang a bet nen ngan ang tapmu lomu ponana ye, bong lomu tutu lal yo bet Maro iyemenai ang ye, in tiap. Le ang ngan dawa ben di asara yo tikan kaiye so alunu mata le titup belebele, bong lodi galanga ye lal yo bet tiraumata di ye i, in iman potai, ngan tiap.
Ngan garup tani in iyimi so yo pat ki mai san ngan panga ye taunu bet lon ponana ye. Ngan nanga, karautoo ene le idu lopo yege, inbe kakaua urata moonoo masngana dook tiap panga ye dada dook tiap ki yo iyei, ngan kootoonoo. Ye in ye lono ngan ye taun ipayiti nen, ‘Au i garup kuto mai le awur ye kakawa kiau ke burungu a nen ngan matak kala di tooltool ke tana mai kiau i. Inbe au i ben garup tap tiap lapau, le so sa yo bet iyei au a lok madoko ye a atang, ngan tiap.’
Di ngan koodi payit di ye betebetanga kidi yo taukan kanono nga, inbe koodi paweserai di tooltool a bet nen ngan tipamadit lodi bet tiyei dada dook tiap ke bauk, le dada dook tiap matana matana kapala yo ke tana i nga. Ngan nen le di tooltool yo dookoot nga tigege di tooltool ke geingi sennene a timan nga, ngan tiyolo di a la titoo di ye dada dook tiap kidi tina.
Nen le di tooltool ke kaplungunu tina, ngan tigunkala di tooltool ye kerenge, inbe tigunkala di lapau ye so kapala yo ke kaningi nga. Bong so tina nga, ngan Maro itar paidi, idi tooltool yo tatara lodo medana pang Yesu inbe lod galanga ye betanga moolmool ki nga, ngan bet takap inbe tawete lo ponana kiidi panga ye.
Ngan tigarungu nen, yesoo di tooltool ke ni mai i le imot nga, ngan tiye tiyei gogo dada dook tiap ke bauk mata, le dawa ben tool iyin ran medana yo ene wain in le kuton moo ye a iyei kapa nga. Inbe di tooltool kuto maimai yo matadi kala tana maimai nga, ngan tiye tiyei bauk lapau. Inbe ye in taukan moomoonoo le tina kanakana ngan iyimi so yo pat ki mai san nga ye di tooltool ke yawaringi so. Ngan nen le di tooltool tina ngan ballingadi ye so kidi tina yo iyimi nga.”
“Nen le ye kene yo ei ikana malala tani le kutana ikut a ilo pang ete ye in nga, ngan di tooltool kuto maimai yo matadi kala tana maimai kapala nga, ngan ole tikamata le lodi madoko ye. Di tooltool tina ngan tiye tiyei dada dook tiap ke bauk, inbe tiye tiyimi so yo pat ki mai san ngan pang di tapdi lapau. Ngan nen le di tooltool tina ole lodi madoko a titang ye.
Piblisite