1 Tesalonaika (1 Tesalonaika) 4:8 - Rau Ke Maro

⁸ Ngan nanga, kumata tooltool bet lono pang betanga tina ngan tiap le iwala murini panga nga, ngan iwala murini pang betanga ke di tooltool tiap, bong iwala murini pang betanga ke Maro yo ikaua Amunu Silene pang i.

1 Tesalonaika (1 Tesalonaika) 4:8 Referans Kwoze

1 Yowan (1 Jon) 3:24

Nen le di sima tooltool bet titoo betanga tina ke Maro nga, ngan di ngan tigaua lodi le atu pang Maro, inbe Maro inepe ye di. Inbe dada yo bet idi nga lod galanga ben ye in inepe yidi i, in ye Amunu Silene yo ikauu paidi i.

Luka (Luk) 10:16

Motong la Yesu iwete pang di galiunu tina ngan mulu nen, “Sei tool bet ilongo betanga kiang a itoo nga, ngan ye in itoo betanga kiau. E sei tool bet iwala murini pang nga, ngan ye in iwala murini pau lapau. E sei tool bet iwala murini pau nga, ngan ye in iwala murini pang Maro yo iwangau a asi i.”

Yowan (Jon) 12:48

Bong sei tool bet ikap betanga kiau a iparama tiap, inbe iwala murini pau nga, ngan betanga kiau tina yo awete nga, ngan ole ipaposi ye urata dook tiap ki yo iyeii i, a bet nen ngan Maro iyemenai ye lal yo itaru bet ikarata betanga kidi tooltool ye i.

2 Pita (2 Pita) 1:21

Ngan ye yo awete nen nga, yesoo betanga yo di Maro koonoo tiwete nga, ngan ipa ye di tapdi lodi tiap, bong Maro Amunu Silene la ipamadit lodi bet tiwete betanga tina yo Maro lono bet tiwete nga.

Yut (Jut) 1:8

Ye dada tina yo nen nga, ngan gaongo leu ye di tooltool yo ke kaplungunu ngan lapau. Di ngan titoo patomonaingi yo tiwete bet tikamata ye mianga kidi nga, le di tapdi tigarung tinidi ye dada ke geingi sennene. Inbe di ngan lodi bet Maro iyei tool kuto mai pang di tiap, inbe tisopo koodi a tiwete betanga dook tiap ye di bangabangana yo ke Maro nga.

Galesia (Galesia) 4:6

Ngan ye yo ang ngan di natunu nga, ngan la le iwanga Natunu Amunu a isi lomu nga. Le nga Amunu tani in iyei ang a koomu le mai nen, “Tamak, alei Tamak.”

1 Korin (1 Korin) 7:40

Ngan ye kamatanga kiau nga, ngan kumata garup tap tani in ikere tiap, inbe inepe nen nga, ngan matin nga le nepongo ki dook mata. Le au tauk awete nen, bong au i lok tar nen bet Maro Amunu Silene la ipapos betanga nga pau a le awete i.

Rom (Rom) 5:5

Inbe idi sima tooltool yo tatar matada a tanam ye so tina nga, ngan tanam sorok tiap, yesoo Maro ikaua Amunu Silene paidi a inepe lodo. Inbe ipagalanga lodo le lod galanga nen, Maro lono paidi mai san.

1 Pita (1 Pita) 1:12

Bong Maro ipagalanga lodi nen, bet betebetanga kidi yo tiwete, ngan bet ilon di ye lal kidi tapdi tiap, bong bet ilonang, ang di tooltool yo dookoot kanepe nga. Inbe betanga yo kidi nga, ngan bingi dook mata yo di tooltool kapala tiweteweta pang a kalonga koot i. Le di tooltool tina, ngan Maro Amunu Silene yo Maro iyawari a ipa ye malala ki a isi i, in ipamede di ye a tiwetewete bingi dook mata pang. Ngan betanga yo nen ngan la di bangabangana ke Maro lodi bet lodi galanga ye nga.

1 Korin (1 Korin) 2:10

Bong so tina, ngan Maro Amunu Silene ipapos paidi se mallangana. Ngan Maro Amunu Silene tani in ipusye so nga le imot, inbe ipusye so yo Maro lon kaua urata ye a iken sollono nga, ngan lapau.

Aposol (Aposel) 13:41

‘Kapalongo! Ang di tooltool ke kan pasemenge nga, ole katakrai yo bet tigarungang nga. Ngan dookoot kanepe nga, ngan au i ole ayeie so atu a pombe kataunu yang. Ngan kumata le bet tool atu iwete pang ye so tani in nga, ngan o ke bet katara lomu medana ye tiap.’ ”

2 Korin (2 Korin) 1:22

le tarkilanga ki iken yidi ben idi nga ye ki ye taunu, inbe itara Amunu Silene ilo lodo lapau. Ngan Amunu tani in ole iyei idi le lod galanga ye so yo ipamede betanga medana ye bet ikap paidi nga, ngan ole ikap paidi moolmool le imot.