DALEK TERABA NON JISAS KRAES JON TEULU 6:70 - Gospels of Mark and John in Apma

⁷⁰ Jisas balu ini bep nuhu, “Tei nana ah nat kit ulu gimi ah tesangwul vepnan karu, ba nan nga ba loah mwidi le aji rei gimi.”

DALEK TERABA NON JISAS KRAES JON TEULU 6:70 Referans Kwoze

DALEK TERABA NON JISAS KRAES JON TEULU 13:27

Tei vilbwaleh limalen goah Judas teli bered bi Setan bwewelip le bujun. Jisas bep mini nuhu, “Kovan navil nong bi kom leli apma ah kobat leli.”

DALEK TERABA NON JISAS KRAES JON TEULU 13:2

Jisas mini non tarutni raban nedi neganleut. Loah tei tevaim masi le bujun Judas niah tei nujun Saemon Iskariot nuhu bat wos i Jisas.

DALEK TERABA NON JISAS KRAES JON TEULU 17:12

Entorah nat tok bee ba nat rarei ni li rowok tegol nan ham, le ih niah kot teskani mini nana. Nat tidingi ni, ba aji le ni tebaslal tenga tei aji nante ah tedi u goah bat teslal, tei go nante nong niah nat vasla. Tei tedapmak metan goah ululan at mwate bat rop bwiswis.

DALEK TERABA NON JISAS KRAES JON TEULU 13:18

“Nat ba doptop sera tenga nokomi, ba namaililngi goah nat kitulu ni. Ba man dapmak gonani ululan at mate man rop bwiswis niah tevep nuhu, ‘Aji ah tekani kak hinak ba mandi bukak i nana.’

DALEK TERABA NON JISAS KRAES JON TEULU 6:64

Nan nga ba datngimi rat ba vihni mwetaknga nga.” Jisas tei teililngi nge le vawonan na goah ra bat ba vihnite mwetaknga nge bi temuililngi aji ah bat wos ini.

DALEK TERABA NON JISAS KRAES JON TEULU 15:19

Tigoah kabatei ajinan ut li uruu ba tarut at li uruu rabat mwegololo i gimi, gonani kabi ajinan ut li uruu. Ba nat kitulu gimi bi kat bamui ajinan ut li uruu nga. Bujun nanong nagoah tarut at li uruu ram gitriani gimi.

DALEK TERABA NON JISAS KRAES JON TEULU 15:16

Kat ba kitulute nana nga ba nat kitulu gimi. Bi nat vajuru gimi nuhu kan ban, bi wan nomi masan manmudok ngate, niah man badi tenga nenokte. Bi tigoah kanuhleli apma i Tadat li nana ba maneskani apma nanong mini gimi.

DALEK TERABA NON JISAS KRAES JON TEULU 13:21

Limalen goah Jisas tevep tedapmak, ba le non vihnian temrespon. Modop renren ini mini ni nuhu, “Mwetaknga letlet nambep mini gimi, aji bwaleh rei gimi man wos i nana.”

DALEK TERABA NON JISAS KRAES JON TEULU 8:44

Kabi nuju tamami niah Loah bi kam doni nuhu kama duhri tonian non temami niah tei le vawonan ba tehi ajini. Man ba mwee nga mini apma ah mwetaknga, gonani mwetaknga tebulong dini. Mwe geket, bi mwe leli apma nante ah boswos mini gonani bi ni aji nan keketan, bi bibi teman keketan.

DALEK TERABA NON JISAS KRAES JON TEULU 2:2

Rat tehu Jisas mini non tarutni nuhu batsok masen leki nanong.

DALEK TERABA NON JISAS KRAES JON TEULU 6:67

Jisas bep mini non tarutni ah ni tesangwul vepnan karu nuhu, “Gavak u gimi, kamu doni nuhu kam mamu van dini nana?”

DALEK TERABA NON JISAS KRAES JON TEULU 6:71

Tei te doptop nokon Judas niah tei njun Saemon Iskariot. Gonani Judas ba tei datngin go nge, ah ni tesangwul vepnan karu, nan nga ba tei ni nae niah tega wos i Jisas.

DALEK TERABA NON JISAS KRAES JON TEULU 20:24

Tomas niah tei datngin tarut non Jisas, niah rat tehu i Mwelap. Tei teba sok tenga mase entorah Jisas tepma bee.