تِيطُس 3:3 - كِتاب العَهد الجَّديد مِن الكِتاب المُقَدَّس

³ عَشان نِحنا كَمان كُنّا مِن قُبّال بَليدين، و ما طيعنا، و غَشّونا، و خَدَمنا شَهوات مُختَلِفَه و السُّرور. و كُنّا نَعيش في الفِكر البَطّال و الحَسَد، مَكروهين و كارِهين بَعَضَنا بَعض.

تِيطُس 3:3 Referans Kwoze

كُولُوسِّي 1:21

و إنتو قُبّال دا كُنتو غَريبين عَن الله، و عُدوان ليهو في الفِكر، و بِالأعمال البَطّالَه.

رُومِيَه 6:17

لَكِن شُكراً لِلَّه! إنتو الكُنتو خَدّامين لِلخَطيَّه قُبّال دا، طِعتو بِقُلوبكُم حَق التَّعليم القِبِلتوها.

كُولُوسِّي 3:7

و إنتو كُنتو بِتَمشو قُبّال دا في الطُّرُق دي لَمّا كُنتو بِتعيشو فيها.

رُومِيَه 6:22

لَكِن هَسَّع بِقيتو حُرّين مِن الخَطيَّه، و بِقيتو خَدّامين لِلَّه. و عِندَكُم فايدَه في القَداسَه، و النِّهايَه، حَياة أبَديَّه.

١ بُطْرُس 1:14

و مِثِل الأولاد البِطيعُو، ما تَخَلّو الشَّهوات القَديمَه يَسوقوكُم زي في الوَكِت لَمّا كُنتو بِدون مَعرِفَه.

٢ كُورِنْثُوس 12:20

أنا بَخاف لَمّا بَجي ليكُم ما بَلقاكُم زي ما أنا عاوِز، و إنتو ما تَلقوني زي ما إنتو عاوزين. أنا بَخاف إنّو بِتكون بينكُم شَكلات و حَسَد و زَعل و إنقِسامات و شَتايِم و وَسوَسَه و كِبِر و دَوشَه.

يُوحَنَّا 8:34

يَسُوع رَدَّ و قال ليهُم: ”الحَق الحَق أقول ليكُم، كُلّو واحِد اليَعمِل الخَطيَّه، هو عَبد لِلخَطيَّه.

مَتَّى 21:29

هو رَدَّ عَليهو و قال: أنا ما بَمشي. لَكِن بَعدين تاب و مَشى.

يَعْقُوب 1:26

إذا واحِد يَفتَكِر نَفسو ديني، و هو ما عِندو سُلطَه عَلى لِسانو، هو يَغِش نَفسو. دين الزّول دا بِدون فايدَه.

غَلَاطِيَّه 6:3

و إذا واحِد يَفتَكِر نَفسو حاجَه، و هو ما حاجَه، هو بِغِش نَفسو.

لُوقَا 21:8

و هو قال ليهو: ”خَلّو بالكُم عَشان واحِد ما بِغِشّكُم. عَشان ناس كُتار بِجو بِإسمي و بِقولو: أنا هو، و: الوَكِت قَرَّب. ما تَمشو وَراهُم.

رؤيا 18:2

و هو كورَك بِصوت عالي و قال: ”وَقَعَت! وَقَعَت بابِل العَظيمَه! هي بِقَت بيت لِلشّياطين، و سِجِن لِكُلّو روح نَجِس، و سِجِن لِكُلّو طير نَجِس و مَكروه،

رؤيا 13:14

و يَغِش سُكّان الأرض بِالعَلامات الأدّو ليهو أن يَعمِل قِدّام الوَحَش. و يأمُر سُكّان الأرض أن يَصنَعو صَنَم لِلوَحَش الكان عِندو جَرَح السّيف و حِيى.

رؤيا 12:9

و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.

رُومِيَه 6:6

عَشانّا بِنَعرِف دا، نَفسَنا القَديمَه إنصَلَبَت مَعاهو، عَلَشان يَوَقِّف قُوَّة جِسم الخَطيَّه، عَشان ما بِنكون خَدّامين لِلخَطيَّه بَعَد دا.

رُومِيَه 6:12

عَلَشان كِدا، ما تَخَلّو الخَطيَّه تَملِك في جِسِمكُم البِموت فِشان تَطيعو شَهوَتو.

رُومِيَه 11:30

إنتو الأُمَم كُنتو في الوَكِت الفات ما تَطيعو الله، لَكِن هَسَّع قِبِلتو الرَّحمَه بِسَبَب مُخالَفَتُم.

٢ تِيمُوثَاوُس 3:6

عَشان هُم مِن النّاس البِدِسّو في البُيوت و يَقبُضو عَلى نِسوان بَليدات، البِشيلو حِمِل خَطايا كَتيرَه، و شَهوات مُختَلِفَه بِقودوهُم.

٢ تِيمُوثَاوُس 3:13

لَكِن النّاس البَطّالين و البِغِشّو بِزيدو في الشَّر، و هُم بِغِشّو و بِكونو مَغشوشين.

تِيطُس 1:16

هُم بِقولو إنَّهُم بِيَعرِفو الله، و لَكِن هُم بِنكُروهو بِأعمالُم. و هُم مَكروهين، و ما بِطيعُو، و ما عِندَهُم فايدَه لِأي عَمَل كوَيس.

تِيطُس 2:12

و تَعَلِّمنا أن نَنكُر الأفكار الضِّد الله و الشَّهوات المِن الدُّنيا، و نَعيش في الدُّنيا الحاضِرَه بِالفَهم و البِر و خوف الله.