تِيطُس 2:14 - كِتاب العَهد الجَّديد مِن الكِتاب المُقَدَّس

¹⁴ هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

تِيطُس 2:14 Referans Kwoze

عِبرانيين 9:14

و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

أفَسُس 2:10

عَلَشان نِحنا شُغل الله، و هو خَلَقنا في المَسيح يَسُوع عَشان نَعمِل أعمال كوَيسَه، الجَّهَّزا الله مِن قُبّال عَشان نَعمِلا.

١ بُطْرُس 2:9

و لَكِن إنتو جِنس مُختار، و قُسُس مُلوكي، و أُمَّه مُقَدَّسَه، و شَعب مَخصوص لِلَّه، عَشان تَخَبِّرو بِحَمد النّاداكُم مِن الضَّلام لِنورو العَجيب.

١ بُطْرُس 1:18

عَشان تَعرِفو أن الله فَداكُم مِن طَرِيقَة حَياتكُم الما ليها فايدَه الأخَدتوها مِن أبَهاتكُم. و دا ما كان بِحاجات تَخسَر مِثِل الفِضَّه و الدَّهَب،

تِيطُس 3:8

الكِلمَه دي أمينَه. و أنا عاوزَك تَشهَد بِتأكيد لِلحاجات دي، عَلَشان ديل، الآمَنو بِالله، بِهتَمّو عَشان يَعمِلو أعمال كوَيسَه. و الحاجات دي طَيبَه و عِندَها فايدَه لِلنّاس.

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.

غَلَاطِيَّه 3:13

المَسيح فَدانا مِن لَعنَة القانون، عَلَشان هو بِقى لَعنَه فِشانّا. عَلَشان مَكتوب: ”مَلعون كُلّو واحِد إتعَلَّق عَلى شَجَرَه.“

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

أعمال الرُّسُل 9:36

و كانَت في يَافَا تِلمِيذَه إسِما طابيثا، و مَعناهو غَزالَه. و هي كانَت مَليانَه بِالأعمال الطَّيبَه، و كانَت بِتساعِد المَساكين.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

١ يُوحَنَّا 3:2

يا مَحبوبين، هَسَّع نِحنا أولاد الله. و لِسَّع ما ظَهَر نِحنا بِنكون شِنو. و لَكِن بِنَعرِف إذا هو ظَهَر، بِنكون زيهو، عَشان بِنشوفو زي ما هو.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

١ بُطْرُس 2:12

عيشو حَياة طَيبَه بين الأُمَم، عَشان إذا يَشكوكُم زي عامِلين الشَّر، يَشوفو أعمالكُم الطَّيبَه، و يَمَجِّدو الله في يوم زيارتو.

غَلَاطِيَّه 1:4

هو أدّا نَفسو فِشان خَطايانا، عَشان يَفدينا مِن الزَّمَن الحاضِر البَطّال، بِحَسَب إرادَة إلَهنا و أبونا.

يُوحَنَّا 10:15

زي ما الأبو بِيَعرِفني، أنا بَعرِف الأبو. و أنا بَدّي حَياتي عَشان الخِرفان.

عِبرانيين 10:24

و خَلّونا نَفتَكِّر بَعَضَنا في بَعض عَشان نَحَرِّك لِلمَحَبَّه و الأعمال الطَّيبَه،

تِيطُس 2:7

و أعمِل نَفسَك مَثَل في كُلّو حاجَه لِلأعمال الكوَيسَه. في تَعليمَك، كون مُخلِص و عاقِل.

١ تِيمُوثَاوُس 6:18

و أدّيهُم أمر عَشان يَعمِلو الخير و يَكونو غَنيين في الأعمال الطَّيبَه، جاهِزين عَشان يَدّو و رَضيانين عَشان يَشارِكو.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

يَعْقُوب 4:8

قَرِّبو لِلَّه و هو بِقَرِّب ليكُم. غَسِّلو إيدينكُم، يا خاطيين، و نَضِّفو قُلوبكُم، إنتو العِندَكُم فِكرين.

١ تِيمُوثَاوُس 2:10

لَكِن يَلبَسو الأعمال الكوَيسَه زي ما يِستَحِق لِلنِّسوان البِقولو هُم يَخافو الله.

١ تِيمُوثَاوُس 2:6

الأدّا نَفسو فِداء عَن كُل النّاس، و دي الشِّهادَه في وَكتو الموافِق.

١ تِيمُوثَاوُس 1:15

و الكِلمَه دي أمينَه و مُستَحِقَّه لِكُلّو قُبول، إنّو المَسيح يَسُوع جا لِلدُّنيا عَشان يَخَلِّص الخاطيين. و أنا أوَّل واحِد فيهُم.

أعمال الرُّسُل 15:14

سِمْعَان خَبَّرنا كيف الله زار الأُمَم في الأوَّل، عَشان تاخُد مِنَّهُم ناس لِنَفسو.

أعمال الرُّسُل 15:9

و هو ما عَمَل فارِق بينَنا و بِينُم، عَشان نَضَّف قُلوبُم بِالإيمان.

يُوحَنَّا 6:51

أنا هو العيش الحَي النَزَل مِن السَّما. إذا واحِد أكَل مِن العيش دا، هو بِعِيش لِلأبَد. و العيش الأنا بَدّيهو، هو جِسمي البَدّيهو لِحَياة الدُّنيا.“

مَتَّى 3:12

مُضراياتو في إيدو، و هو بِنَضِّف أرضو، و بِلِم دُرَتو في المَخزَن، و لَكِن القِشر مِن الدُّرَه بِحرِقو بِالنّار الما بِتموت.“

مَتَّى 1:21

و هي بِتَلِد وَلَد و إنتَ بِتسَمّيهو يَسُوع، عَلَشان هو بِخَلِّص النّاس بِتاعو مِن خَطاياهم.“

أعمال الرُّسُل 20:28

أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

أفَسُس 1:11

و فيهو عِندَنا ميراث و هو إختارنا فيهو مِن قُبّال حَسَب تَرتيبو، هو اليَعمِل كُلّو شي زي فِكر إرَادَتو.

عِبرانيين 1:3

و الإبن هو النّور بِتاع مَجد الله، و هو صورَة طَبيعَتو، و شايل كُل الحاجات بِكِلمَة قُدرَتو. و بَعَد ما هو عَمَل نَضافَه لِلخَطايا، هو قَعَد عَن يَمين الله العَظيم في السَّما.

١ يُوحَنَّا 1:7

و لَكِن إذا نَمشي في النّور زي ما هو في النّور، عِندَنا شَرِكَه بَعَضَنا مَعَ بَعض. و دَم يَسُوع إبنو يَنَضِّفنا مِن كُلّو خَطيَّه.

١ يُوحَنَّا 1:9

إذا نَعتَرِف بِخَطايانا، هو أمين و عادِل، و يَغفِر لينا خَطايانا و يَنَضِّفنا مِن كُلّو شَر.