تِيطُس 1:8 - كِتاب العَهد الجَّديد مِن الكِتاب المُقَدَّس

⁸ لَكِن هو بِفتَح بيتو لِلغَريبين، و بِحِب الخير، و يَكون عاقِل، و عَديل، و مُقَدَّس، و بِقدَر يَمسِك نَفسو.

تِيطُس 1:8 Referans Kwoze

١ تِيمُوثَاوُس 3:2

و المُلاحِظ لازِم يَكون بِدون عيب، راجِل عِندو مَرَه واحدَه، ماسِك نَفسو، عاقِل، مُحتِرَم، بِفتَح بيتو لِلغَريبين، بِقدَر يَعَلِّم.

تِيطُس 2:7

و أعمِل نَفسَك مَثَل في كُلّو حاجَه لِلأعمال الكوَيسَه. في تَعليمَك، كون مُخلِص و عاقِل.

١ يُوحَنَّا 5:1

كُلّو واحِد بِآمِن بِيَسُوع هو المَسيح، هو مَولود مِن الله. و كُلّو واحِد بِحِب الأبو بِحِب المَولود مِنّو كَمان.

١ يُوحَنَّا 3:14

بِنَعرِف نِحنا مَرَقنا مِن الموت لِلحَياة، بِسَبَب مَحَبَّتنا لِلأخوان. الما بِحِب أخوهو يِستَنّى في الموت.

١ تِيمُوثَاوُس 6:11

و إنتَ، يا راجِل الله، أهرَب مِن دا. و أتبَع البِر، و خوف الله، و الإيمان، و المَحَبَّه، و الصَّبر، و الوَداعَه.

١ تِيمُوثَاوُس 4:12

ما تَخَلّي أي واحِد يَكون مِتكَبِّر عَليك عَشان إنتَ شاب. لَكِن كون مَثَل لِلمؤمِنين في الكَلام، و في الحَياة و المَحَبَّه و الإيمان و قَلِب نَضيف.

١ تَسَالُونِيكِي 2:10

إنتو شاهِدين و الله كَمان، كيف مَشينا بِقَداسَه و بِبِر و بِدون لوم بينكُم إنتو المؤمِنين.

٢ تِيمُوثَاوُس 3:3

و هُم بِدون مَحَبَّه، ما بِغفِرو، شَتَّامين، بِدون مَسِك النَّفس، قاسيين، بِكرَهو الكوَيس.

٢ تِيمُوثَاوُس 2:22

أجري مِن الشَّهوات بِتاعَت الشَّباب، و أمشي وَرا البِر و الإيمان و المَحَبَّه و السَّلام مَعَ النّاس البِنادو بِالرَّب مِن قَلِب نَضيف.

لُوقَا 2:25

و كان في أُورُشَلِيم راجِل إسمو سِمْعَان. و الرّاجِل دا كان بار و بِخاف الله، مُنتَظِر راحَة إِسْرَائِيل. و الرّوح القُدُس كان عَليهو.

أعمال الرُّسُل 24:25

و وَكِت ما كان بِتكَلَّم عَن البِر و مَسِك النَّفس و الحُكم الجّاي، فِيلِكْس خاف و قال: ”هَسَّع كِفايَه، أمشي. و لَمَّن ألقى فُرصَه، بَناديك.“