تِيطُس 1:2 - كِتاب العَهد الجَّديد مِن الكِتاب المُقَدَّس

² و في رَجاء الحَياة الأبَديَّه، الوَعَد بيها الله قُبّال زَمَن أبَدي. و الله ما بِقدَر يَكَضِّب.

تِيطُس 1:2 Referans Kwoze

١ يُوحَنَّا 2:25

دا هو الوَعد الهو وَعَدنا بيهو، الحَياة الأبَديَّه.

٢ تِيمُوثَاوُس 1:9

هو خَلَّصنا و إختارنا إختِيار مُقَدَّس، مُش بِحَسَب أعمالنا، لَكِن بِفِكرو و نِعمَتو. و هو أدّانا النِّعمَه دي في المَسيح يَسُوع مِن قُبّال الوَكِت الأبَدي،

يَهُوذَا 1:21

و أحفَظو نُفوسكُم في مَحَبَّة الله، مُنتَظِرين رَحمَة رَبَّنا يَسُوع المَسيح لِلحَياة الأبَديَّه.

٢ تِيمُوثَاوُس 1:1

مِن بُولُس رَسول المَسيح يَسُوع بِإرادَة الله حَسَب الوَعد بِالحَياة الفي المَسيح يَسُوع،

تِيطُس 3:7

حَتّى عَشان إتبَرَّرنا بِنِعمَتو، نَبقى وُرّاث حَسَب رَجاء الحَياة الأبَديَّه.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

٢ تِيمُوثَاوُس 2:15

أعمِل الأحسَن عَشان تَقَدِّم نَفسَك مَقبول لِلَّه، شَغّال الما لازِم يَخجَل، و البِعَلِّم كِلمَة الحَق بِطَريق تَمام.

٢ تِيمُوثَاوُس 2:13

و إذا نِحنا مُش أُمَنا، هو يِستَمِر أمين، عَلَشان هو ما بِقدَر يَنكُر نَفسو.“

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

تِيطُس 2:7

و أعمِل نَفسَك مَثَل في كُلّو حاجَه لِلأعمال الكوَيسَه. في تَعليمَك، كون مُخلِص و عاقِل.

١ تَسَالُونِيكِي 5:8

لَكِن عَشان نِحنا مِن النَّهار، خَلّونا نَكون عاقِلين، و نَلبَس دِرِع الإيمان و المَحَبَّه، و بَرنيطَة، الهي رَجاء الخَلاص.

رُومِيَه 6:23

عَشان أُجرَة الخَطيَّه هي الموت، و لَكِن هَديَّة الله هي الحَياة الأبَديَّه بِالمَسيح يَسُوع رَبَّنا.

مَتَّى 25:46

بَعدين ديل بِمشو لِلجِّزا الأبَديَّه، و لَكِن البارين بِمشو لِلحَياة الأبَديَّه.“

مَتَّى 25:34

بَعدين المَلِك بِقول لِلنّاس الفي يَمينو: تَعالو، يا مُبارَكين مِن أبوي. أُخُد المَلَكوت المَجَهَّز ليكُم مِن بِدايَة الدُّنيا.

رؤيا 17:8

و الوَحَش الأنتَ شُفتو، هو كان مَوجود و هَسَّع ما مَوجود. و هو ماشي يَطلَع مِن الحُفرَه الغَريقَه جِدّاً و يَمشي لِلخَراب. و السّاكنين عَلى الأرض بِستَغرَبو، ديل الأساميهُم ما مَكتوبين في كِتاب الحَياة مِن خَليقَة الدُّنيا. هُم بِستَغرَبو لَمّا يَشوفو الوَحَش، عَلَشان هو كان مَوجود و هَسَّع ما مَوجود و بِجي.

رؤيا 13:8

و كُلّو سُكّان الأرض بِيَعبُدو الوَحَش، يَعني كُلّو واحِد إسمو ما كان مَكتوب مِن خَليقَة الدُّنيا في كِتاب الحَياة بِتاع الحَمَل الكان مَكتول.

٢ تِيمُوثَاوُس 2:10

عَلَشان كِدا، أنا أصبُر عَلى كُلّو حاجَه فِشان المُختارين، عَشان هُم كَمان يِلقو الخَلاص الفي المَسيح يَسُوع مَعَ المَجد الأبَدي.

١ تِيمُوثَاوُس 6:19

و يَخُتّو لِنُفوسُم زي كَنز، أساس كوَيس لِلوَكِت الجّاي حَتّى يَمسِكو بِالحَياة الحَقيقيَه.

رُومِيَه 5:21

و زي ما الخَطيَّه مَلَكَت لِلموت، كِدا النِّعمَه بِتَملِك بِالبِر لِلحَياة الأبَديَّه بِرَبَّنا يَسُوع المَسيح.

أعمال الرُّسُل 15:18

و دي مَعروفَه قِدّامو مِن زَمان.

يُوحَنَّا 17:2

عَشان إنتَ أدّيت ليهو سُلطَه عَلى كُلّو زول، عَشان يَدّي الحَياة الأبَديَّه لِكُل الأدّيتُم ليهو.

يُوحَنَّا 10:28

و أنا بَدّيهُم حَياة أبَديَّه، و هُم ما بِموتو أبَداً، و ما في واحِد يَقدَر يَشيلُم مِن إيدي.

يُوحَنَّا 6:68

سِمْعَان بُطْرُس رَدَّ و قال ليهو: ”يا سَيِّد، نِحنا نَمشي لِمِنو؟ إنتَ عِندَك كَلام الحَياة الأبَديَّه.

يُوحَنَّا 6:54

كُل الياكُل جِسمي و يَشرَب دَمّي، تَكون ليهو الحَياة الأبَديَّه. و أنا بَقَوِّمو في اليوم الأخير.

يُوحَنَّا 5:39

إنتو تَفَتِّشو الكُتُب، عَشان إنتو تَفتَكِرو عِندَكُم فيهُم الحَياة الأبَديَّه. و هُم البِشهَدو لَي.

١ تِيمُوثَاوُس 6:12

حارِب حَرب الإيمان الكَويس. و أمسِك بِالحَياة الأبَديَّه. عَشان الله ناداك لِدا، و إنتَ شِهِدتَ الشَّهادَه الكوَيسَه قِدّام شاهِدين كُتار.

١ تَسَالُونِيكِي 2:15

الكَتَلو الرَّب يَسُوع و الأنبياء كَمان، و طَرَدونا نِحنا. و هُم ما يَبسِطو الله، و يَقاوِمو كُل النّاس.

رُومِيَه 16:25

و لِلقادِر يَثَبِّتكُم حَسَب إنجيلي الأنا أبَشِّر بِيَسُوع المَسيح، و حَسَب السِّر الكان مَدسوس في الزَّمَن الأبَديَّه.

رُومِيَه 5:4

و الصَّبر يَعمِلنا مَقبولين. و عَشان كِدا عِندَنا رَجاء.

رُومِيَه 5:2

و بيهو قِبِلنا الدُّخول بِالإيمان لِلنِّعمَه دي، و نِحنا نَعيش بيهو. و نَفرَح في رَجاء مَجد الله.

رُومِيَه 2:7

و اليِستَمِرّو في العَمَل الطَّيب و يَطلُبو المَجد و الإحتِرام و الما بِموت، هو بِدّيهُم الحَياة الأبَديَّه.

رُومِيَه 1:2

و الله وَعَد بِالإنجيل مِن قُبّال بِواسطَة أنبياهو في الكُتُب المُقَدَّسَه.

يُوحَنَّا 17:24

يا أبوي، أنا عاوِز ديل الأدّيتُم لَي يَكونو مَعاي في المَحَل الأنا بَكون فيهو. أنا عاوِزُم يَشوفو المَجد بِتاعي الأنتَ أدّيتو لَي، عَشان إنتَ حَبّيتني قُبّال خَليقَة الدُّنيا.

كُولُوسِّي 1:27

و الله إختار يَخَبِّر قِدِّسِينو بين الأُمَم بِغِنى مَجد السِّر دا. و هو المَسيح فيكُم، رَجاء المَجد.

مَرْقُس 10:30

إلّا يَقبَل مِيَّة مَرَّه هَسَّع في الزَّمَن دا: بُيوت، و أخوان، و أخوات، و أُمَّهات، و أولاد، و زِراعات مَعَ طَرد، و في الزَّمَن الجّاي الحَياة الأبَديَّه.

مَرْقُس 10:17

و وَكِت ما كان ماشي في السِّكَّه، واحِد جَرى و رَكَع قِدّامو و سَألو و قال ليهو: ”يا المُعَلِّم الصّالِح، أسَوّي شِنو عَشان أُورَث الحَياة الأبَديَّه؟“