رُومِيَه 8:30 - كِتاب العَهد الجَّديد مِن الكِتاب المُقَدَّس

³⁰ و ديل الإختارُم مِن قُبّال، هو ناداهُم كَمان، و ديل الناداهُم، هو بَرَّرُم كَمان، و البَرَّرُم ديل، هو مَجَّدُم كَمان.

رُومِيَه 8:30 Referans Kwoze

رؤيا 17:14

و ديل بِحارِبو الحَمَل. و الحَمَل بِغلِبُم، عَلَشان هو رَب الأرباب و مَلِك المُلوك. و ديل الناداهُم، مُختارين و أُمَنا، بِكونو مَعاهو.“

رُومِيَه 8:28

نِحنا بِنَعرِف الله يَساعِد في كُلّو حاجَه لِخير النّاس البِحِبّوهو، الهو ناداهُم حَسَب تَرتيبو.

أفَسُس 1:11

و فيهو عِندَنا ميراث و هو إختارنا فيهو مِن قُبّال حَسَب تَرتيبو، هو اليَعمِل كُلّو شي زي فِكر إرَادَتو.

عِبرانيين 9:15

و عَلَشان كِدا، المَسيح وَسيط إتِّفاق جَديد، عَشان هُم، المُختارين بِقبَلو الميراث الأبَدي المَوعود. و دا بِكون كِدا عَلَشان هو مات لِفِداء الخَطايا العَمَلوها تِحِت الإتِّفاق الأوَّل.

أفَسُس 1:5

و في المَحَبَّه، إختارنا مِن قُبّال عَشان يَعمِلنا أولاد لِنَفسو بِيَسُوع المَسيح، حَسَب فَرَحو و إرَادَتو.

١ بُطْرُس 2:9

و لَكِن إنتو جِنس مُختار، و قُسُس مُلوكي، و أُمَّه مُقَدَّسَه، و شَعب مَخصوص لِلَّه، عَشان تَخَبِّرو بِحَمد النّاداكُم مِن الضَّلام لِنورو العَجيب.

١ كُورِنْثُوس 6:11

و بَعض مِنَّكُم كانو زي داك. لَكِن كُنتو مَغسولين، إتقَدَّستو، إتبَرَّرتو بِإسم الرَّب يَسُوع المَسيح و بِروح إلَهنا.

١ بُطْرُس 3:9

ما تَرَجِّعو شَر بِشَر، ولّا شَتيمَه بِشَتيمَه. لَكِن بِالعَكس بارِكو، عَشان الله ناداكُم لِدا، لِتورَسو البَرَكَه.

يُوحَنَّا 17:22

و أنا أدّيتُم المَجد الأنتَ أدّيتو لَي، عَشان يَكونو واحِد زي ما نِحنا واحِد.

٢ بُطْرُس 1:10

و عَلَشان كِدا، يا أخوان، جَرِّبو زِيادَه أن تَثَبِّتو إختياركُم و إنتِخابكُم المِن الله. عَشان إذا بِتَعمِلو الحاجات دي، إنتو ما تَقَعو أبَداً.

١ كُورِنْثُوس 1:9

الله أمين، هو النّاداكُم لِشَرِكَة إبنو يَسُوع المَسيح رَبَّنا.

١ تَسَالُونِيكِي 2:12

و كُنّا نَوَرّيكُم كيف تَعيشو الحَياة المُستَحِقَّه لِلَّه، و هو اليَناديكُم لِمَلَكوتو و مَجدو.

١ كُورِنْثُوس 1:2

لِكَنيسَة الله الفي كُورِنْثُوس، المُقَدَّسين في المَسيح يَسُوع، المُختارين عَشان يَكونو قِدِّيسين مَعَ كُل البِنادو لِإسم رَبَّنا يَسُوع المَسيح في كُلّو مَحَل، رَبُّم و رَبَّنا.

٢ تِيمُوثَاوُس 2:11

الكِلمَه دي أمينَه: ”إذا مُتنا مَعاهو، بِنعيش مَعاهو كَمان.

رؤيا 19:9

و هو قال لَي: ”أكتِب: مُبارَكين ديل النّادوهُم لِعَشا عِرِس الحَمَل.“ و قال لَي كَمان: ”دي كِلمات الله الصَّحَيحَه.“

يُوحَنَّا 17:24

يا أبوي، أنا عاوِز ديل الأدّيتُم لَي يَكونو مَعاي في المَحَل الأنا بَكون فيهو. أنا عاوِزُم يَشوفو المَجد بِتاعي الأنتَ أدّيتو لَي، عَشان إنتَ حَبّيتني قُبّال خَليقَة الدُّنيا.

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.

كُولُوسِّي 3:4

لَمّا المَسيح حَياتنا يَظهَر، في الوَكِت دا إنتو كَمان تَظهَرو مَعاهو في المَجد.

أفَسُس 4:4

في جِسِم واحِد و روح واحِد، زي ما هو إختاركُم في رَجاء إختياركُم الواحِد.

٢ كُورِنْثُوس 4:17

عَشان الضّيق الخَفيف بِتاع الوَكِت دا، يَعمِل لينا مَجد أبَديَّه بِزيد أكتَر و أكتَر في الوَزِن.

يُوحَنَّا 5:24

الحَق الحَق أقول ليكُم، البِسمَع كَلامي و بِآمِن بِالرَّسَّلني، تَكون ليهو الحَياة الأبَديَّه، و ما بِجي لِلحُكم، عَشان هو مَرَق مِن الموت لِلحَياة.

أفَسُس 2:6

و الله قَوَّمنا مَعَ المَسيح، و عَمَلنا نَقعُد مَعاهو في المَحَلّات الفي السَّما في المَسيح يَسُوع.

رُومِيَه 8:1

عَلَشان كِدا، ما في دينونَه هَسَّع عَلى ديل الفي المَسيح يَسُوع.

رُومِيَه 1:6

و إنتو كَمان المُختارين مِن بين الأُمَم عَشان تَكونو لِيَسُوع المَسيح.

رُومِيَه 8:21

عَشان الخَليقَه نَفسا بِتكون عِندَها حُرّيَّه مِن عُبوديَّة الخَراب لِحُرِّيَّة مَجد أولاد الله.

رُومِيَه 11:29

عَشان هَدايا الله و إختياراتو هي بِدون توبَه.

١ كُورِنْثُوس 2:7

لَكِن نِتكَلَّم بِحِكمَة الله في السِّر، الحِكمَه المَدسوسَه الجَّهَّزا الله مِن قَبل الأزمان لِمَجدنا.

غَلَاطِيَّه 1:6

أنا بَستَغرَب عَشان إنتو بِسُرعَه كِدا تَهرَبو مِن النّاداكُم بِنِعمَة المَسيح لِإنجيل تاني.

غَلَاطِيَّه 1:15

لَكِن الله، الإختارني مِن بَطُن أُمّي، و ناداني بِنِعمَتو،

غَلَاطِيَّه 5:8

العَمَل دا مُش مِن البِناديكُم.

أفَسُس 3:11

و دا كان حَسَب التَّرتيب الأبَدي، الهو جَهَّزو في المَسيح يَسُوع رَبَّنا.