رُومِيَه 8:26 - كِتاب العَهد الجَّديد مِن الكِتاب المُقَدَّس

²⁶ و كِدا كَمان، الرّوح يَساعِد ضُعفنا. عَشانّا ما بِنَعرِف كيف نَصَلّي زي ما لازِم نَصَلّي. و لَكِن الرّوح نَفسو يَطلُب فِشانّا بِصوت بِفوت الكَلام.

رُومِيَه 8:26 Referans Kwoze

مَتَّى 10:20

عَشان ما إنتو البِتكَلَّمو، لَكِن روح أبوكُم، هو البِتكَلَّم فيكُم.

أفَسُس 6:18

صَلّو دايماً بِكُلّو صَلاه و طَلَب في الرّوح. و خَلّو بالكُم لِدا و أحرِسو و صَلّو كُلّو وَكِت بِطَلَب عَشان كُل القِدِّسين.

غَلَاطِيَّه 4:6

عَلَشان إنتو أولاد، الله رَسَّل روح إبنو لِقُلوبنا، البِكورِك: ”أبّا، يَعني يا أبوي.“

يُوحَنَّا 14:16

و أنا أطلُب مِن الأبو عَشان يَدّيكُم مُساعِد تاني، عَشان يَكون مَعاكُم لِلأبَد، يَعني روح الحَق.

أفَسُس 2:18

و بيهو، نِحنا الأتنين عِندَنا قُبول لِلأبو بِروح واحِد.

رُومِيَه 8:15

عَشانكُم ما قِبِلتو روح البِيَعمِلكُم خَدّامين لِلخوف، لَكِن قِبِلتو الرّوح البِيَعمِلكُم أولاد. و بيهو نَكورِك: ”أبّا، يَعني يا أبو.“

عِبرانيين 4:15

عَشان ما عِندَنا رَئيس قُسُس الما بِقدَر يَفهَم و يَرحَم ضعفاتنا. لَكِن عِندَنا واحِد الكان مُجَرَّب في كُلّو حاجَه زيَنا، لَكِن ما عَمَل خَطيَّه.

يَعْقُوب 4:3

لَمّا تَطلُبو ما تاخدو، عَشانكُم تَطلُبو بِغَلطَه، عَشان تَصرُفوهو عَلى سُروركُم.

رُومِيَه 15:1

نِحنا، القَوّيين، لازِم نَشيل ضُعف الضَّعيفين، و ما نَبسِط نُفوسنا.

لُوقَا 22:44

و هو كان في ضيق، و كان بِصَلّي شَديد. و المويَه مِن جِسمو نَقَّط زي الدَّم عَلى الأرض.

٢ كُورِنْثُوس 5:4

و وَكِت ما نِحنا في الخيمَه دي، نِتنَفَّس زي ما نَشيل حِمِل تَقيل. عَلَشان ما عاوزين نَقلَع أجسامنا، لَكِن نَلبَس فوقا، عَلَشان أجسامنا البِموتو يِتغَيَّرو لِأجسام ما بِموتو أبَداً.

٢ كُورِنْثُوس 5:2

و هَسَّع نِحنا حَزنانين، و نَحِب نَلبَس فوقنا بيتنا المِن السَّما.

مَتَّى 20:22

و لَكِن يَسُوع رَدَّ و قال: ”إنتو ما تَعرِفو الإنتو تَطلُبو. إنتو بِتَقدَرو تَتعَبو زي ما أنا بَتعَب؟“ قالو ليهو: ”بِنَقدَر.“

عِبرانيين 5:2

و هو بِقدَر يَرحَم ديل الما عِندَهُم مَعرِفَه و البِضَيعو السِّكَّه، عَلَشان هو نَفسو عِندو الضُّعف حَوَليهو.

رُومِيَه 7:24

يا مُصيبتي! أنا الزّول المِسكين! مِنو بِخَلِّصني مِن الجِّسِم البِسوقني لِلموت دا؟