رُومِيَه 8:23 - كِتاب العَهد الجَّديد مِن الكِتاب المُقَدَّس

²³ و مُش دا بَس، لَكِن نِحنا كَمان، العِندَنا أوَّل ثِمار الرّوح، نِحنا نَبكي في نُفوسنا مُنتَظِرين لِلَّه اليَعمِلنا أولادو، يَعني فِداء أجسامنا.

رُومِيَه 8:23 Referans Kwoze

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

أفَسُس 1:14

و هو عَربون ميراثنا لِفِداء مُلكو، لِحَمد مَجدو.

أفَسُس 4:30

ما تَعمِلو روح الله القُدّوس حَزنان، عَشان بيهو الله خَتَّ عَليكُم الخِتِم لِغايَة يوم الفِداء.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

غَلَاطِيَّه 5:5

عَشان نِحنا بِالرّوح، بِالإيمان، نِستَنّا رَجاء البِر.

رُومِيَه 7:24

يا مُصيبتي! أنا الزّول المِسكين! مِنو بِخَلِّصني مِن الجِّسِم البِسوقني لِلموت دا؟

رُومِيَه 8:19

عَشان الخَليقَه تِستَنّى بِرَجاء شَديد لِغايَة أولاد الله يَظهَرو.

لُوقَا 20:36

و ما بِقدَرو يَموتو تاني، عَشان هُم زي المَلائكَه، و هُم أولاد الله، ما دام هُم أولاد القيامَه.

١ يُوحَنَّا 3:2

يا مَحبوبين، هَسَّع نِحنا أولاد الله. و لِسَّع ما ظَهَر نِحنا بِنكون شِنو. و لَكِن بِنَعرِف إذا هو ظَهَر، بِنكون زيهو، عَشان بِنشوفو زي ما هو.

لُوقَا 21:28

و لَمّا الحاجات ديل يَبتَدو يَحصَلو، خَلّو بالكُم، و أرفَعو رُسينكُم. خَلاصكُم قَرَّب.“

١ بُطْرُس 1:7

و داك يَكون لِبيّنَة إيمانكُم. الدَّهَب، البِخسَر، يَمتَحِن بِالنّار. و كِدا إيمانكُم، الغالي مِن الدَّهَب، لازِم يَمتَحِن كَمان عَلَشان يَكون لِلحَمد و المَجد و الإحتِرام عِند ظُهور يَسُوع المَسيح.

٢ تِيمُوثَاوُس 4:8

و مِن هَسَّع مَحفوظ لَي تاج البِر. و الرَّب، القاضي العادِل، بِدّيهو لَي في اليوم داك، و مُش لَي بَس، لَكِن لِكُلُّهُم البِحِبّو ظُهورو كَمان.

رُومِيَه 5:5

و عَلَشان عِندَنا رَجاء، نِحنا ما خَجلانين، عَشان الله كَبَّ مَحَبَّتو في قُلوبنا بِالرّوح القُدُس الهو أدّانا.

أفَسُس 5:9

عَلَشان ثِمار الرّوح هو في كُلّو حاجَه طَيبَه و في بِر و في حَق.

٢ كُورِنْثُوس 7:5

بِالحَق لَمّا جينا لِمَكِدونيَّه، جِسِمنا ما كان عِندو راحَه كُلّو كُلّو. لَكِن كُنّا في التَّعب مِن كُلّو جِهَه. مِن بَرَّه، شَكلات، و مِن جُوَّه، خوف.

رُومِيَه 5:3

و فوق دا، نَفرَح كَمان في أتعاب، عَشان بِنَعرِف التَّعب يَجيب الصَّبر.

رُومِيَه 5:11

و ما دا بَس، لَكِن نَفرَح بِالله بِرَبَّنا يَسُوع المَسيح، و هَسَّع بيهو بِقينا مُصالِحين.

١ كُورِنْثُوس 1:7

و عَشان كِدا إنتو ما ناقصين في أي هَدِيَّه مِن الرّوح، و إنتو مُستَنّين ظُهور رَبَّنا يَسُوع المَسيح.

٢ كُورِنْثُوس 1:22

و خَتَّ الخِتِم عَلينا، و خَتَّ الرّوح بِتاعو في قُلوبنا زي عَربون.