رُومِيَه 8:13 - كِتاب العَهد الجَّديد مِن الكِتاب المُقَدَّس

¹³ عَشان إذا تَعيشو حَسَب الجِّسِم، بِتموتو. و لَكِن إذا بِالرّوح تَكتُلو أعمال الجِّسِم، بِتعيشو.

رُومِيَه 8:13 Referans Kwoze

غَلَاطِيَّه 6:8

عَشان البِزرَع لِجِسمو، هو مِن جِسمو بِلِم الخَراب. و البِزرَع لِلرّوح بِلِم الحَياة الأبَديَّه.

١ بُطْرُس 2:11

يا مَحبوبين، أطلُب ليكُم زي غَريبين و مِسافِرِين تَرفُضو الشَّهوات الجِّسميَّه البِتحارِب النَّفس.

١ كُورِنْثُوس 9:27

أنا بأدِّب جِسمي و أغلِبو. عَشان أخاف، بَعَد ما بَشَّرتَ التّانيين، أنا بَبقي مَرفوض.

تِيطُس 2:12

و تَعَلِّمنا أن نَنكُر الأفكار الضِّد الله و الشَّهوات المِن الدُّنيا، و نَعيش في الدُّنيا الحاضِرَه بِالفَهم و البِر و خوف الله.

غَلَاطِيَّه 5:24

لَكِن النّاس، بِتوع المَسيح يَسُوع، صَلَبو الجِّسِم مَعَ الحُب و الشَّهوات.

أفَسُس 4:22

و بِخُصوص طَريق حَياتكُم المِن قُبّال، إنتو إتعَلَّمتو أن تَقلَعو مِنَّكُم النَّفس القَديمَه، الفيها خَراب بِسَبَب الشَّهوات البِغِشّو.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

رُومِيَه 7:5

لَمّا كُنّا في الجِّسِم، القانون حَرَّك شَهوات الخَطيَّه الكانَت تَشتَغِل في أعضاء أجسامنا عَلَشان نَجيب ثِمار لِلموت.

أفَسُس 5:18

ما تَكونو سَكرانين بِالخَمر، البِقود لِلخَراب، لَكِن كونو مَليانين بِالرّوح.

رُومِيَه 6:21

ياتا فايدَه كانَت عِندَكُم في الوَكِت داك مِن الحاجات الإنتو تَكونو خَجلانين مِنَّها هَسَّع؟ عَشان نِهايَة الحاجات دي، هي الموت.

أفَسُس 4:30

ما تَعمِلو روح الله القُدّوس حَزنان، عَشان بيهو الله خَتَّ عَليكُم الخِتِم لِغايَة يوم الفِداء.

رُومِيَه 6:23

عَشان أُجرَة الخَطيَّه هي الموت، و لَكِن هَديَّة الله هي الحَياة الأبَديَّه بِالمَسيح يَسُوع رَبَّنا.

رُومِيَه 8:12

عَلَشان كِدا، يا أخوان، نِحنا ما مَديونين لِلجِّسِم عَشان نَعيش حَسَب الجِّسِم.