رُومِيَه 6:4 - كِتاب العَهد الجَّديد مِن الكِتاب المُقَدَّس

⁴ و كُنّا مَدفونين مَعاهو بِالمَعموديَّه لِلموت، عَلَشان زي ما المَسيح قام مِن بين المَيِّتين بِمَجد الأبو، نِحنا كَمان نَعيش حَياة جَديدَه.

رُومِيَه 6:4 Referans Kwoze

٢ كُورِنْثُوس 5:17

عَلَشان كِدا، إذا واحِد في المَسيح، هو خَليقَه جَديدَه. و الحاجات القَديمَه فاتَت. و شوف! الكُل بِقى جَديد.

كُولُوسِّي 3:10

و لِبِستو الإنسان الجَّديد، المِتجَدِّد في المَعرِفَه عَلى صورَة الله الخَلَقو.

رُومِيَه 7:6

لَكِن هَسَّع، نِحنا حُرّين مِن القانون، عَلَشان مُتنا لِلشّي الكان يَربُطنا. و فِشان دا، نَخدِم بِالطَّرِيق الجَّديد بِتاع الرّوح، ما بِالطَّرِيق القَديم بِتاع القانون المَكتوب.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.

رُومِيَه 6:9

بِنَعرِف المَسيح قام مِن بين المَيِّتين، و هو ما بِموت مَرَّه تانيَه أبَداً. الموت ما عِندو سُلطَه فوقو بَعَد دا.

٢ كُورِنْثُوس 13:4

و بِالحَق هو إنصَلَب في ضُعف، لَكِن هو بِعِيش بِقوَّة الله. و نِحنا كَمان ضَعيفين فيهو، و لَكِن نِحنا بِنعيش مَعاهو بِقُدرَة الله عَشان نَخدِمكُم.

رُومِيَه 6:3

ما بِتَعرِفو كُلُّنا الإتعَمَّدنا بِالمَسيح يَسُوع، إتعَمَّدنا لِموتو؟

١ يُوحَنَّا 2:6

البقول هو بِسكُن فيهو، لازِم يَمشي زي ما هو مَشى كَمان.

١ كُورِنْثُوس 6:14

الله قَوَّم الرَّب مِن بين المَيِّتين، و بِقَوِّمنا كَمان بِقُوَّتو.

رُومِيَه 8:11

و إذا كان الرّوح، القَوَّم يَسُوع مِن بين المَيِّتين، ساكِن فيكُم، القَوَّم المَسيح مِن بين المَيِّتين بِدّي حَياة لِأجسامكُم البِموتو، بِروحو السّاكِن فيكُم.

أفَسُس 4:17

و بَقول دا و أشهَد في الرَّب، ما تَعيشو بَعَد دا زي الأُمَم كَمان بِأفكار بِدون فايدَه.

رُومِيَه 6:19

بَتكَلَّم بِكِلمات الزّول، عَلَشان، الضُّعف الفي جِسِمكُم. كُنتو تَدّو أعضاءكُم خَدّامين لِلنَّجاسَه و الشَّر الكَتير. كِدا كَمان هَسَّع أدّو أعضاءكُم خَدّامين لِلبِر و لِلقَداسَه.

يُوحَنَّا 11:40

يَسُوع قال ليها: ”أنا ما قُلتَ ليكي، كان آمَنتي، تَشوفي مَجد الله؟“

أعمال الرُّسُل 2:24

لَكِن الله قَوَّمو مِن بين المَيِّتين و فَكَّ ليهو أوجاع الموت، عَلَشان ما كان مُمكِن لِلموت أن يَمسِكو.

كُولُوسِّي 4:1

يا أسياد، أدّو لِلخَدّامين الشّي العَديل، و ما تَعمِلو فارِق بِينُم، عَشان إنتو بِتَعرِفو عِندَكُم سَيِّد في السَّما كَمان.

أفَسُس 5:8

عَلَشان إنتو كُنتو ضُلُمَّه مِن قُبّال، لَكِن هَسَّع إنتو نور في الرَّب. عيشو زي أولاد نور.

يُوحَنَّا 2:11

و دي كانَت أوَّل العَلامات العَمَلا يَسُوع في قانا الجَّليل. و بِيَّن مَجدو. و تَلاميذو آمَنو بيهو.

أعمال الرُّسُل 2:32

و الله قَوَّم يَسُوع دا، و نِحنا كُلُّنا شاهِدين بِالحَقيقَه دي.

رُومِيَه 6:8

إذا مُتنا مَعَ المَسيح، نآمِن نِحنا بِنعيش كَمان مَعاهو.