رُومِيَه 6:17 - كِتاب العَهد الجَّديد مِن الكِتاب المُقَدَّس

¹⁷ لَكِن شُكراً لِلَّه! إنتو الكُنتو خَدّامين لِلخَطيَّه قُبّال دا، طِعتو بِقُلوبكُم حَق التَّعليم القِبِلتوها.

رُومِيَه 6:17 Referans Kwoze

١ بُطْرُس 2:9

و لَكِن إنتو جِنس مُختار، و قُسُس مُلوكي، و أُمَّه مُقَدَّسَه، و شَعب مَخصوص لِلَّه، عَشان تَخَبِّرو بِحَمد النّاداكُم مِن الضَّلام لِنورو العَجيب.

٢ تِيمُوثَاوُس 1:13

و أمسِك بِصورَة الكَلام الصَّحيح السِّمِعتو مِنّي، مَعَ الإيمان و المَحَبَّه الفي المَسيح يَسُوع.

٢ كُورِنْثُوس 2:14

لَكِن شُكراً لِلَّه عَشان هو دايماً بِقودنا في الغَلَبَه في المَسيح، و بِوَرّي بينَنا ريحَة مَعرِفتو في كُلّو مَحَل.

رُومِيَه 16:26

و لَكِن ظَهَر هَسَّع و خَبَّرو بيهو كُل الأُمَم بِالكُتُب النَّبَويَّه بِحَسَب الإلَه الأبَدي، عَشانُم يآمِنو و يَطيعوهو.

رُومِيَه 1:8

في الأوَّل أشكُر إلَهي بِيَسُوع المَسيح فِشان كُلُّكُم، عَلَشان يَخَبِّرو بِإيمانكُم في كُل الدُّنيا.

٣ يُوحَنَّا 1:3

فِرِحتَ جِدّاً لَمّا بَعض مِن الأخوان جو و شِهِدو لِلحَق الفيك، و كيف إنتَ تَمشي بِالحَق.

رُومِيَه 15:18

أنا بَخاف أتكَلَّم بِحاجَه إلّا العَمَلو المَسيح بي عَلَشان الأُمَم يَطيعو الله، بِالكِلمَه و العَمَل،

أعمال الرُّسُل 11:18

و لَمّا سِمِعو دا، سَكَتو و مَجَّدو الله و قالو: ”عَلَشان كِدا الله أدّا لِلأُمَم كَمان التّوبَه لِلحَياة.“

٢ يُوحَنَّا 1:4

فِرِحتَ جِدّاً عَشان لِقيت بَعَض مِن أولادِك ماشين في الحَق مِثِل ما الأبو أمَرنا.

عِبرانيين 5:9

و لَمّا كَمَّل شُغلو، هو بِقى سَبَب خَلاص أبَدي لِكُل البِطيعوهو.

فِلِيمُون 1:4

بَشكُر إلَهي دايماً و بَتزَكَّرَك في صَلَواتي.

٢ تَسَالُونِيكِي 1:3

لازِم نَشكُر الله كُلّو وَكِت فِشانكُم، يا أخوان، زي ما يِستَحِق لينا، عَلَشان إيمانكُم بِيَكبَر كَتير جِدّاً، و مَحَبَّة كُلّو واحِد مِنَّكُم بَعضَكُم لِبَعض تَزيد.

١ بُطْرُس 4:17

عَشان الوَكِت جا فِشان الحُكم يَبتَدي بأهل الله. و إن كان يَبتَدي بينَنا، كيف بِكون نِهايَة الما بِطيعُو إنجيل الله؟

١ بُطْرُس 3:1

يا زوجات، كِدا إنتو طيعو رُجالكُم، و إذا كان بَعضُم ما بِطيعُو الكِلمَه، تَربَحوهُم بِدون كِلمَه بِمَشيكُم

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

عِبرانيين 11:8

بِالإيمان إِبْرَاهِيم، لَمّا الله ناداهو، طاع عَشان يَمرُق لِلمَحَل الهو ماشي ياخُدو ميراث. و هو مَرَق و ما عارِف هو ماشي وين.

١ تَسَالُونِيكِي 3:9

كيف نَقدَر نَشكُر الله كِفايَه عَشانكُم لِكُل الفَرَح النَّفرَح بيهو عَشانكُم قِدّام إلَهنا.

أفَسُس 1:16

ما بَطَّلتَ أَدِّي الشُّكر فِشانكُم و أتذَكَّركُم في صَلَواتي.

١ كُورِنْثُوس 1:4

أشكُر الله في كُلّو وَكِت فِشانكُم، عَشان الله أدّاكُم النِّعمَه الفي يَسُوع المَسيح،

رُومِيَه 1:5

و بِالمَسيح قِبِلنا نِعمَه و بِقينا رُسُل. و هَسَّع الله يَرَسِّلنا عَشان نَبَشِّر كُل الأُمَم فِشان هُم كَمان بِطيعوهو و بِآمِنو بيهو.

رُومِيَه 2:8

و ليهُم البِحِبّو نُفوسُم، و ما بِطيعُو الحَق لَكِن بِطيعُو الشَّر، بِكون في زَعل و غَضَب.

أعمال الرُّسُل 28:15

و لَمّا الأخوان هِناك سِمِعو بِخَبَرنا، هُم مَرَقو عَشان يَقابِلونا، و مَشو لِسوق أَبِيُّوس و اللّوكَندات التّلاتَه. و وَكِت بُولُس شافُم، شَكَر الله و شَدّا حيلو.

١ كُورِنْثُوس 14:6

و هَسَّع، يا أخوان، إذا أجيكُم و أتكَلَّم بِلُغات، الفايدَه ليكُم شِنو إذا ما أكَلِّمكُم بِرؤيا ولّا بِمَعرِفَه ولّا بِنُبوَّه ولّا بِتَعليم؟