رُومِيَه 6:10 - كِتاب العَهد الجَّديد مِن الكِتاب المُقَدَّس

¹⁰ الموت الهو مات، هو مات لِلخَطيَّه مَرَّه واحدَه، و الحَياة الهو يَعيشا، هو يَعيشا لِلَّه.

رُومِيَه 6:10 Referans Kwoze

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

١ بُطْرُس 4:6

بِالسَّبَب دا، بِشَّرو المَيِّتين هَسَّع كَمان بِالإنجيل. و دا عَشان يَحكُمو عَليهُم حَسَب النّاس في الجِّسِم، عَشان يَعِيشو الحَياة الحَسَب الله بِالرّوح.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

٢ كُورِنْثُوس 5:15

و هو مات عَن كُل النّاس، عَشان الحَيين ما بِعيشو بَعَد دا لِنُفوسُم، لَكِن ليهو المات عَنُّم و قام.

رُومِيَه 8:3

الله عَمَل الما قِدِر يَعمِلو القانون، عَلَشان القانون كان ضَعيف بِسَبَب الجِّسِم. هو دان الخَطيَّه في الجِّسِم لَمّا رَسَّل إبنو في صورَة جِسِم الخَطيَّه فِشان الخَطيَّه.

رُومِيَه 6:11

و كِدا كَمان، أحسِبو نُفوسكُم مَيِّتين لِلخَطيَّه، و لَكِن حَيين لِلَّه بِالمَسيح يَسُوع رَبَّنا.

لُوقَا 20:38

و هو مُش إلَه المَيِّتين، لَكِن إلَه الحَيين. عَشان الكُل بِعِيش ليهو.“

رُومِيَه 6:9

بِنَعرِف المَسيح قام مِن بين المَيِّتين، و هو ما بِموت مَرَّه تانيَه أبَداً. الموت ما عِندو سُلطَه فوقو بَعَد دا.