رُومِيَه 5:15 - كِتاب العَهد الجَّديد مِن الكِتاب المُقَدَّس

¹⁵ و هَديَّة الله مَجّاناً و مُش زي خَطيّة آدَم. و ناس كُتار ماتو بِسَبَب خَطيّة الإنسان الواحِد، يَعني آدَم. لَكِن نِعمَة الله أكبَر بِكَتير، و النِّعمَه دي جات لِناس كُتار كَمان. و كِدا كَمان الهَدِيَّه المَجّاناً جات بِإنسان واحِد، يَعني يَسُوع المَسيح.

رُومِيَه 5:15 Referans Kwoze

رُومِيَه 6:23

عَشان أُجرَة الخَطيَّه هي الموت، و لَكِن هَديَّة الله هي الحَياة الأبَديَّه بِالمَسيح يَسُوع رَبَّنا.

أفَسُس 2:8

عَلَشان بِالنِّعمَه إنتو مُخَلَّصين بِالإيمان. و داك مُش مِنَّكُم. هو هَديَّة الله،

رُومِيَه 5:12

بِزول واحِد الخَطيَّه دَخَلَت لِلدُّنيا، و الخَطيَّه جابَت الموت. و كِدا، الموت جا لِكُل النّاس، عَشان كُل النّاس عَمَلو خَطيَّه.

١ يُوحَنَّا 5:11

و دي الشَّهادَه، الله أدّانا حَياة أبَديَّه، و الحَياة دي في إبنو.

٢ كُورِنْثُوس 9:15

و شُكراً لِلَّه عَلى هَديَّاتو الما نَقدَر نِتكَلَّم عَنّا.

١ يُوحَنَّا 2:2

و هو دَفَع عَن خَطايانا بِضَبيحَة نَفسو عَشان يَصالِحنا مَعَ الله. و هو دَفَع عَن خَطايا كُل الدُّنيا كَمان و مُش عَن خَطايانا بَس.

عِبرانيين 2:9

لَكِن نِحنا نَشوف يَسُوع! لِوَكِت قَليل هو كان مَعمول تِحِت مِن المَلائكَه، عَلَشان بِنِعمَة الله هو يَموت فِشان كُلّو واحِد. و هَسَّع نَشوف تاج المَجد و الإحتِرام عَلى رَاسو عَلَشان هو تِعِب تَعب الموت.

يُوحَنَّا 4:10

يَسُوع قال ليها: ”إنتي إذا كُنتي تَعرِفي هَديَّة الله، و مِنو هو البقول ليكي: أدّيني عَشان أشرَب، كُنتي طَلَبتي مِنّو، و هو كان أدّاك مويَه حَيَّه.“

يُوحَنَّا 3:16

عَشان الله حَبَّه الدُّنيا، حَتّى أدّا إبنو الوَحَيد، عَشان كُلّو واحِد البِآمِن بيهو ما يَهلِك، لَكِن تَكون ليهو الحَياة الأبَديَّه.

مَتَّى 26:28

عَشان دا هو دَمّي لِلإتِّفاق الجَّديد، اليِتدَفَّق لِناس كَتيرين عَشان يَغفِر الخَطايا.

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

أعمال الرُّسُل 15:11

لَكِنّا بِنِعمَة الرَّب يَسُوع المَسيح نآمِن عَشان نَخَلَص، زي ما هُم يَخلَصو كَمان.“

٢ كُورِنْثُوس 5:14

عَشان مَحَبَّة المَسيح عِندَها قُوَّه فوقنا حَتّى بِنَحسِب دا، إنّو واحِد مات عَن كُل النّاس. و عَلَشان كِدا كُلُّهُم ماتو.